کەنەکە بە بۊنەو جەژنەو ئێزییوە مەبارەکبایی وەنەو ئێزدییەکا کەرۊ
کەنەکە ئەرەیاوناش، "مەبارەکبایی جەژنۍ وەنەو ئێزدییەکا کەرمۍ، هومێد کەرمۍ ئی جەژنۍ بۊ مایۍ خێری و وەشی پەی گەلاو کوردستانی، جەژنەو ئێزیی مەبارەکە بۊ".
دەسەو ڕاوەبەریی کۊنگرەو نەتەوەیی کوردستان (کەنەکە)ی بە پەیامێوە جەژنەو ئێزییش مەبارەکە کەردە.
پەیامەکەو کەنەکەی ئینەن:
"بە نامۍ کۊنگرەی نەتەوەیی کوردستانیوە مەبارەکبایی جەژنەو ئێزی وەنەو سەرجەموو باوەڕمەندا، ڕۊچەگیرا، بنەیانەکاو گیانبەختکەرداو فەرمانەو ٧٤ەمین، کۊچبەرا و ئاوارەکا، کە ئینۍ کەمپەکانە و هەرپاسە سەرجەموو گلێرگەی ئێزدی و کوردستانی مەبارەکە کەرمۍ.
ئا جەژنۍ دماو یەرۍ ڕوا ڕۊچەگێرتەی مۍ، کە ئا یەرە ڕووە جە کوڵتەرین ڕوەکاو ساڵێنۍ و دەسنیشانکەردەی ئا یەرە ڕوا بەروزوو هۊشیاری و شارەزایی هەسارەشناسی تاتەوباباو کوردین. بە هەزاران ساڵۍ ڕۊپەرسیی میزۊپۊتامیانە ئا جەژنۍ مەبارەکە کەرا. ئێمەیچ ئی بۊنە مەبارەکەیە بە کۊنتەرین قۊناغەکاو یەکتاپەرسی تاتەبابایاو کوردی مزانمۍ.
گەلاو کوردستانی بە فرەکولتووری، فرە ویروباوڕی، فرە دابونەریتیی وێشاوە، پەرستش و دۊڵەمەندیی تایبەت بە وێشا هەنشا. ئا موزاییک و تابلۊ فرەڕەنگە و دۊڵەمەندە، سەرمایێوە گەورەو ئێمەن. ئا سەرمایە کە سیماو پێوەژیوای و یۊترینقەبووڵکەردەی هەزاران ساڵەی وزۊ ڕووە، ئاشتی و ئارامی دلۍ گلێرگەینە پارێزنۊ. پارێزگاری چا کولتوور ویروباوڕەیە ئەوەڵنە هەرمانەو سەروو شانەو گرد تاکێوە کوردستانینە و دماتەریچ هەرمانەو گردوو ئایین، حزب و هێز و ڕێکوزیێوە کوردستانیین.
جارێوە تەر جەژنمەبارەکی وەنەو ئێزدییەکا کەرمۍ، هومێد کەرمۍ ئی جەژنۍ بۊ مایۍ خێری و وەشی پەی گەلا کوردستانەنە".
