کەنەکە جەژنەو پاسکالیانیش موبارەکە کەردە
کەنەکە جەژنەو پاسکالیانو گەلا ئاشووری-سووریانی-کلدانی و جەهانو مەسیحیش موبارەک کەرد.
کۆنسەو ڕاوەبەری کۆنگرەو نەتەوەیی کوردەسانی (کەنەکە) بە بەیاننامێوە نویسریا جەژنەو پاسکالیانیش موبارەک کەرد.
ئەرەیاوناکەو کەنەکەی پی جۆرەنە:
"ئارۆ جەژنەنە، ڕۆو ئەرەپڕاین، ڕۆو مردراین سەرو پەیاوە، جەژنەو پاسکالیاینە. جە کاتێنە کە گەلا میزۆپۆتامیای و گەلا کوردەسانی بە قۆناغێوە تاریخیینە ویەرانە، بە دڵێوە وەشۆ پێشوازی جە جەژنەو گەلا ئاشووری، سووریانی، کلدانی و گرڏو بڕوادارییەکا مەسیحی مکەرمێنە.
ئێساڵ ئی ڕووە و ئی جەژنێ بە قۆناغێوە تاریخیرە سەرو خەڵکو کوردەسانینە ویەرۆنە، ئی قۆناغە قۆناغێوە چارەسەرییا پەی گەلا ناوچەکەی بە گرڏی و پەی کوردەسانی پەی گرڏو چین و توێژەکا. شۆڕشو گەلا جە دژو زوڵمی و ئەرەگیرکاری جە سەرانسەرو جەهانینە دەنگش دانۆ. چی ڕووە تاریخییەنە پیرۆزکردنیموبارەک کەردەو جەژنەو پاسکالیانی، هێزێوە گۆرە و ئیرادێوە بەهێزتەر بەخشۆنە بە یەکڕیزی و مڏرامانی هامبەش پەی ئەرەمەزنارەو گلیرگێوە پێسەو یۆی و یەکسان، ژیوای بە ئارامی و بەختەوەری.
پیسەو کەنەکی بە بۆنۆو جەژنەو پاسکالیانی، گەرمتەرین موبارەک بای جە گرڏو بڕوادارییەکا مەسیحی و گرڏو گەلا کوردەسانی و گرڏو جەهانی مکەرمێنە. هیواڏارێنمێ ئی جەژنێ بۆنە بە وەسیلێوە پەی ئاشتی و ئارامی جە سەرانسەرو جەهانی و پەی وڵاتەکەیما."
