کەزبان کۊنوکچووە کاندیدەو پارتوو چەپی سەوزی جە ئیستەنبولنە واتش: "جە سەرڎەمی تازەنە پارتوو چەپی سەوزی بۊ بە ناموونیشانوو نیشانی فاڕیای. جە سەرڎەمی تازەنە، دەوروو ئێمە جە دژوو فاشیزمی یەکلاییکەرەوە بۊ."
کەزبان کۊنوکچووە کاندیدەو پەرلەمانی پەی پارتوو چەپی سەوزی جە ئیستەنبولنە بارەو هەرمانەکاو ورچنیەی ١٤ و ئایاریوە واتش، "وەختێوە فرە کەم پەی ورچنیەیەکا مەنەن. ئێمە مانگێوە چیوەڵتەر دەسمان بە هەڵمەتەو ورچنیەی کەرڎە. وەروو ئانەی هاموەخت بۍ چەنی مانگەو ڕەمەزان، ئێمە بەهێواشی وسەروو وۍ دەسما پەنە کرڎ، وەلۍ ئانە پەی بۊ ماوەو ۱۰ ڕوان جە ئینایمۍ هەڵمەتە و پڕۊسێوە گەورەینە. چیوەڵتەر دەسما بە ئشناسای پارتوو چەپی سەوزی کەرڎ. وەروو ئانەی پاسە زانیۊ، پەیش هەن هەدەپە وزیۊرە، پەوکای ئێمە بە پارتوو چەپی سەوزی بەشداری لە ورچنیەیەکەینە کەرمۍ، بەس گەلەکەما یەکسەر جە بارودۊخەکەی یاوێنە و پەشتیوانییشا جە پارتەکەو وێشا کەرڎ، ئادۍ فرە خاس مزانا چێش کەرا و چەنی ورسونیشت کەرا."
کۊنوکچووە واتیچش، ڕژێموو تاکەپیای گەرەکشا هەرمانۍ تێکدەرانۍ و ئاژاوەگێڵنانی کەرۊ و واتش، "گەلەکەما مزانا، کە ڕژێموو تاکەپیای بەرەو وڕیای ملۊ و ورشنیاینۊ، پەوکای هجووم کەرۊ سەروو شۊنە جیاجیایەکا، وەلێم مشۊم ئی هجووما پێسە وینمۍ. ڕژێموو ئاکەپەی، کە جە ٧وو حوزەیرانیوە دەسەڵاتەکەش لاواز بییەن و ئادیچ پەی مەنەیۊ وێش سەروو کورسی و دەسەڵاتیوە دایمە هجوومۍ کەرۊ سەروو پارتەکەیما و دیموکراسی".
کۊنوکچووە ئاماژەش پانەیە کرڎ، هومێدێوە گەورە دلۍ ژەنا و گەنجانە هەن و واتش، "گەلە ڕەنجدەرەکەما خاس هاگادارۍ ئی قەیرانە ئابوورییەینۍ. چی بارودۊخوو هەژاری، ورماسای و بێکارینە، فرە خاس مزانا، کە پەی دمابڕیەی ئی دۊخەیە پەنەوازا ڕا پەی فاڕای کریۊوە. ئێمە جە ئیستەنبوڵنە ۱۲ پەرلەمانتارێما هەنۍ. ئامانجوو پارتەکەیما کیانای ۱۰۰ نوێنەران پەی پەرلەمانوو تورکیای، پەوکای حەوڵۍ مدەیمۍ جە ئیستەنبوڵنە٢٠ پەرلەمانتارۍ ڕوانەو پەرلەمانی کەرمۍ. بە پاو ئا ئامار و ئەرەپەرسایا ئینۍ وەرڎەسمانە، ئێمە بەئاسانی ١٦ – ١٧ پەرلەمانتارۍ جە ئیستەنبولۊ کیانمۍ پەرلەمان. ئێمە ئا لایەن و حیزبەنمۍ، کە وەروو هیچ فشارێوەنە سەرە مەکۊمنمێرە. بەدڵنیاییوە پارتوو چەپی سەوزی جە دژوو فاشیزمی کرێڵوو فاڕیای بۊ. بەدڵنیاییوە ئێمە چەنی کرێکارا، زەحمەتکێشا، ژەنا و گەنجا فاڕیایۍ هەقەتین کەرمۍ."
س.ز
