هامکات چنی ئەنجامدای کۆنفرانسو "یەکڕیزی و یەکهەڵوێسی کوردی جە ۋەرنیشتوو کوردەسانی" جە شارو قامیشلۆو ۋەرنیشتوو کوردەسانی، جە شارو تیلبورخی هۆڵەنداینە کۆنفرانسو گفتوگۊی دەربارەو ۋەرکۊتوو کوردەسانی، جە ٢٦ و ٢٧ و نیسانی بە بەشداری چڼین چالاکا سیاسی و کۆمەڵایەتی و چڼ پارتێوە ۋەرکۊتوو کوردەسانی لواڕاوە.

ڕۊو یووەمو کۊنیشتەکەی دووۍ پانێڵۍ ئەنجامدریۍ. پانێڵی یووەم جە لایەنو هەریۆ جە سوهەیلا قادریۍ و موعتەسەم تاتایی و لەیلا ماروتیۍ و فەرشاد دۆستی‌پووری و دیاکۆ مورادیۆ پێشکەش کریا. پانێڵی دووەم جە لایەنو بەسێ شاماریۍ و شیڤا عاملی ‌رادۍ و ئازاد حاجی ئاقایی و سومەیە ڕۆستەم‌پوورۍ و ناوخاس نەزاریۆ پێشکەش کریا.

جە دووەم ڕۊنە، پانێڵێوە بە بەشداری دیمەن سۆهرابیۍ و پرۆفیسۆر عەباس وەلی و دکتۆر کامەران مەتینی و ڕۆژین موکریانۍ و عەزیز ماملێ و هاوژین بەقالیۆ ئەنجامدریا. چنەشەنە بەشدارا سەرنجەکۍ ۋێشا وستۍ ڕووە.

دماتەر ڕێکوزاو کۊنیشتەکەی سەرنج و پێشنیارەکێشا جە ئەنجامنامېوەنە کوۍ کەردێوە و پەی ئاماڎەبیا ۋنریاوە.