کردەوێ نائینسانانێ وەراوەروو زیندانییە سیاسییا
ئەرەیاونیا زیندانوو ئاسایشی بڵندوو هەژماری دووەمینوو ئامەدینە، ورکویان سەروو مەمەڕەکا و کردەوەی نائینسانانە دژوو زیندانییەکا کریان.
زیندانییاو زیندانوو ژمارە ٢ ئاسایشی بڵندوو ئامەدی بە بنەیانەکاشا واتەنشا، کە ورکوویان سەروو مەمەڕەکاشا و هەڕەشێشا وەنە کریێنە. ئەنداماو کۆمیسۆنوو زیندانییا لەقوو کۆمەڵەو مافشناسا پەی ئازادیی (ئۆهەدە) دماو داواکاریی بنەیانەکا سەرێ زیندانەکاشا دان.
زیندانیێ ئاشکراشا کەردەن بەنامـێ "وشکنای"یۆ ورکوا سەروو مەمەڕەکاسا و کەلوپەلەکاشا وەڵا کەراوەو پژگنا، دماو وستەیرەی کامێرەکایچ هەڕەشێشا وەنە کەرا.
پارێزنەراو ئۆهەدەی ئی زانیاریێشا وەڵێ کەردێنیوە: "ئا کتێبێ کە لاو زیندانەکەیۆ کۆنترۆڵێ کریێبێنێ و دمایی دریێبێنێ بە زیندانییا، دەسشا ملەرە گیریان. چەنی ئینەیچە ئا دەفتەرێ کە زیندانییەکێ پەی نویستەیۆ چیرۆک و ڕۆمانەکاشا بەکارشا ئارێنی گێرتێنێشا و چنەشا سانێنێ. هەمان وەختەنە دەسشا سەروو ژووروو زیندانییاو زیندانی هەتاهەتاییچرە گێرتەن، هەرمانێ نایاسایێشا وەراوەر کریێنێ و تا ماوێوی فرە سەرووزەمینەکەیوە بیێنێ."
