کۊرڎیناسیۊنوو ورچنیەی ئەورووپاو پارتوو چەپی سەوزی ئەرەیاوناش، کە حوکمەتوو ئاکەپە و مەهەپەی کە جە چوەروو و جبەروو تورکیاینە حەوڵۍ تێکدەرانۍ مرڎۊ و هجوومۍ کەرۊ، حیچش پەی مەمەنۊوە.
کۊرڎیناسیۊنوو ورچنیەی ئەورووپاو پارتوو چەپی سەوزی ئەرەیاونایوەش وەڵا کەررڎۊ.
واتەنش " دەنگدای جبەروو وەلاتی تەمامیا. کە جە ٢٧وو نیسانینە دەسش پەنە کەرڎەبۍ و گەلەکەما و هێزە دیموکراتەکۍ قۊناغێوە خاسسا بەرد ڕاوە. جە ٧٣ وڵاتا، ١٥٦ ناوەندۍ ورچنیەی پەی سی ملوێنا و ٤١٦ هەزارا و ٩٨ دەنگدەرا بە گرڎین ٤ هەزارۍ و ٦٧١ سندوقۍ نریێرە. گرڎوو ناوەندەکانە چەمدارۍ بێنۍ و وەرپەرسۍ پارێزنای ئیرادەو گەلەکەیما گەرڎەنشانە بۍ.
هامپەیمانی فاشیستوو ئاکەپە و مەهەپەی کە گرڎوو فرسەتەکاو دەوڵەتی، سەرۊکایەتیی ئەوقاف و کونسوڵخانەکا بەکار مارۊ، وەلۍ جە سایەتوو هەڵوێسوو وەرپەرسبییەی و قەراروو هێزە دیموکراتەکا نەتاوانش سەروو سندوقەکاوە وێس سەپنۊ. وەروو ئانەی زاناشا تورکیانە تێکۍ مشا و بەریچۊ شکس مارا، حەوڵی تێکدەرانێشا دۍ و گەرەکشا بۍ گەلەکەیما جە کۊشیای دوور وزاوە.
جە ٧وو ئایارینە جە ناوەندوو ورچنیەی ئامسترداموو پایتەختووهۊڵەنداینە هجوومۍ کریا. جە هەمان ڕۊیچەنە جە ئەرزەرۊمنە هێرشیان کریا سەروو "ئەکرەم ئیمامئۊغلۊ"ی و جە مەنتێقەو تارسوسی مێرسینیچ سەروو سەیارێوە پارتوو چەپی سەوزی، جە ئەستەنبوڵیچنە کەردشا سەروو ستاندوو ژەنا و ئەنداماو پارتوو چەپی سەوزی. ئا هجوومۍ پەیوەندییشا بە هەمان حەوڵەکاوەهەن.
هجووموو ئامستردامی لاو چەتەکاو ئۊجاخەکاو عوسمانییوە کریا و مزانیۊ، کە ئادۍ سەر بە ئەررڎۊغانینۍ و بە دەسوو مەتین لولوکی ئاکەپەیی ملا ڕاوە. ئا چەتۍ وەڵتەریچ جە مارسیلیا، ستراسبۊرگ و بریمینوو ئەڵمانیاینە ئی هجوومێشا کەرڎێبێنۍ.
ئێمە جە کۊشیایما دژوو فاشیستی مزانمۍ، کە حیچ هجوومێوە فاشیستەکا بۍ پلان مەکریۊ. ئا چەتێچە سەر بە هامپەیمانیی ئاکەپە و مەهەپەی و ئەررڎۊغانی دیکتاتۊرینۍ.
ئێمە پێسە کۊرڎیناسیۊنوو ورچنیەی ئەورووپاو پارتوو چەپی سەوزی ئەرەیاونمێش، کە فاشیزم تێک مشۊ و گەل سەر گنۊ."
س.ز
