بە ئاماڎەبیەی ژمارێوە وەرچەم جە هاموڵاتیا و نویسەرا شاروو هەڵەبجەی و دەوروو بەریش ئارۆ ڕۆو دووەشەممەی جە کتێبخانەو هەژار موکریانینە جە پارێزگاو هەڵەبجەی جە کۊنیشتێوە تایبەتەنە ئشناسیا بە ۋەنەرا.

یاگۍ ئاماژەینە هەر جە کۊنیشتەکەینە جە تەرەفوو مامۆسا" دەوران محمەڎ"یوە ۋەنایۆیۍ چڕوو پەڕ پۍ کتێبەکەی کریا کە چنەشەنە باس جە گرنگی دلێینەو کتێبەکەی کریاو دەوروو کاریگەریش پۍ ئاشنابیەو مەردموو کوردسانی بە وەڵینگەو وێشا.

نویسەر هەردی دولبەر سەروو پوختەو گرنگی کتێبەکەی پۍ ئاژانسوو هەواڵی فوراتی(ANF)ی قسێش کەردۍ و واتش،" نویستەو ئی کتێبەیە پەنەوازیۍ فرە بۍ پەی دلۍ کایەو ڕۆشنگەری پانیشتوو کوردسانی. حەر پاسە  نویسەر ئاماژەش پانەی دا کە پەی یاواینەی جە ئاژەو گلێرگەو کوردی و تەماموو پشێویەکا جە ۋەرکەوتوو دلێڕاسەینە پەنەوازیما پانەین بە ڕوانگێوە کوردیانە وەنایۆ پەی کۆو لایەنەکا ژیۋای کەرمۍ،. جە درێژەو قسەکاشەنە نویسەر ئاماژەش پانەی کەرد، کە تەماموو بەشەکا ئی کتێبەیە جە ڕوو ڕوانگەو ڕۆشنگەری فەلسەفەو ڕابەر ئاپۊینە نویسیان و جە شش بەشا پێک مۍ".

جە دمادمایی کۊنیشتەکەینە کتێبەکە سەروو بەشدارا کۊنیشتەکەیرە بەشکریا.