کۆردیناسیۆنوو کەژەکەی ئەرەیاوناێوەش وەڵا کەردۆ و ناڕەزایەتیی تندش دژوو هجووموو وەراوەروو ژەناو کوردیوە نیشانە دا.

هجوومەکێ بە شێوەی سیستماتیک جە یەک ناوەندۆ بریا ڕاوە

ئەرەیاونایەکە پێسنەن:

"وەراوەروو هەڵوێست، کۆشیای و مدرامانوو ژەناوە، کە چالاکییەکاو ٨ مارسینە سەروو ئاستی هەرێمی و میاننەتەوەیی نیشانە دریێ؛ پیا-دەوڵەت-هامکار و داردەسە کوردەکێ دەسشا تێکەڵ کەردەن، دژوو دەسکەوتەکاو ژەنا قورساییشا وستەن سەروو هجوومکەردەی. بەتایبەتی ئەنداما و دماکەوتاو سولەیمان سۆیلوی بکوشوو کوردا، کاراکتەری سەرەکیی جەنگوو قڕکەردەی دژوو گەلوو کوردی و جەنگی تایبەتین؛ هجووم دژوو دەسکەوتەکاو ژەناو کوردیشا بەهەرمانەو وێشا زانێنە. ئەگەر خەڵک  ویرش مەنەبۆ، سولەیمان سۆیلو وەردەموو ڕای گردینینە بەئاشکرا واتەبێش، جە کۆشیای و مدرامانوو گەلوو کوردینە ژەنی یەکلاییکەرەوێنی و مشۆم هجوومشا کریۆ سەر. ئاشکران کە ئانێ هجووم کەرا سەروو سیستموو هامسەرۆکایەتی، نوێنەرایەتیی یەکسان و هامژیوای ئازادی، ئەندامە نەژادپەرسەکا و فاشیستاو سیاسەتی و ئەقڵیەتوو دوژمنوو ژەنا و کوردانێ. ئا سیاسەتە هجوومکارانە کە ماوێوەن بەسیستماتیک سەروو بنەماو بەهانە جیاجیایا کریۆ، چی ساڵەی وەڵینێنە زیاتەر سیستماتیک بییەن و جە یەک ناوەندۆ بریۆ ڕاوە. ئا ناوەندەیچە بە هامکاریی نۆکەرە کوردەکاو چێروو کاروەنەکەروو ئاکەپە-مەهەپە/هوداپار/پەدەکەینە بە هامکاریی یۆترینی جووڵیاوە.

هجوومەکێ پەی سەروو زوانی ئەدایی کریا

بە هەزاران سیاسەتمەدارێ و چالاکێ ژەناو کوردی دەسبەسەرێ کریێنێ، بە گرد نۆعێوە هجوومشا کریا سەر، بە سیاسەتوو ماڕای ئیرادەی زیندانیێ کریێنێ و زیندانەکانە گیریێنێ. زیندانەکێ پەڕێ بیێنێ. وەراوەروو ئانەیچنە مدرامانوو زیندانییە سیاسییا زیندانەکانە بەتایبەتی ژەنی بە قەراردارییوە بەردەواما. جە چالاکییەکاو ٨ مارسینە هێزە ئەمنییەکاو تورکی هجوومشا کەرد سەروو ژەنا، بەشداربیێ جە چالاکییەکاو ٨وو مارسیشا کەرد بە بەهانێ و جارێوە تەر دەسشا بە گێرتەی ژەنا کەردەن. ڕاو ئا گێرتەیاوە کە ناوەندوو جەنگی تایبەتی کەراشا بە سیستماتیک، موازییۆ کە کۆشیای ژەنا و دەسکەوتەکاشا لاوازێ و بێکارێگەرێ کریا. هەمان وەختەنە ژەنی وەڵاتپاڕێزنێ و شۆڕشگێڵنێ، کە گەرەکشانە سیاسەت کەرا و سازش سەروو کۆشیای ئازادیی نەکەرا، بە بەهانێ 'نەزانای کوردی' و دەوری یەکسانیوازانەیشا، بە سیستماتیک کریا ئامانجوو هجووم و کوشتەی سیاسی. هەرپاسە هجوومی جەسەیی و دەرونیچ. دەستکەوتەکاو نوێنەرایەتیی یەکسانی، هامسەرۆکایەتی، واوەی بییەی زوانی ئەدایی و بەکارئاردەیش، ئا دەستکەوتێنێ کە بە هەزاران ژەنی پەیشا ونی و گیانشا بەخشان. جە بنەماو دەسکەوتەکانە ڕەنج، قوربانیدای و مدرامانێوە گەورە هەن. ئا بەهێ نیەنێ کە پەی سیاسەتوو ڕوانەی، داواکاریی کەسی، بەرژەوەندیی کەسی و ئەقڵیەتی پیاسالاری کریا قوربانی. چێروو چە نامێوەنە کدا بۆ با بۆ، مشۆم دەس جە زواندرێژی و مشتومڕوو سەروو ئا دەسکەوتا ورگێریۆ، پەی بەرژەوەندی و داواکاریی کەسی بەکارێ نەیا. دەسکەوتە ئاماژەپەنەدریێکێ سووکێ نیەنێ، بەهێ چانێ نییەنێ کە بەئاسانی وزیا وەروو مشتومڕیوە. ئێمە داوا وەنەو گردوو لایەنەکاو بەشدارا مشتومڕەکەی کەرمێ دەمودەس دەس چا ئەقڵیەت و هەڵوێستەیە ورگێرانێ، بە پاو بنچینەو هەرمانێ و وەرپەرسییشا گێڵاو ەپەی هەرمانەکاشا. گرد شۆڕشگێڵن و وەڵاتپارێزنێوە کوردی بە نوێنەرایەتیی یەکسان شانەشا دان وەروو هەرمانێ، مشۆم وەراوەروو ئا سیاسەتاو دوژمنیوە ورییێ با و نەگنا دلێ ئا دامێوە و هەڵوێسشا بۆ. ئا هەڵوێستەشا چەنە چەمەڕا کریۆ سەروو ئا بنەمێوە. جگە جە گەورەتەرکەردەی دەسکەوتەکاو گەلوو کوردی، جگە جە پارێزگاری جە دەستکەوتەکا، جگە مدرامانی و کۆشیای هیچ پەرسێ و بابەتێوە گەرمی تەر نییا.

ژەناو کوردی پارێزنەراو زوانی ئەداییشانێ  

دلێ کوردانە ئانێ زوانی ئەدایی و کولتوورشا یاونان ئێگە ژەناو کوردینێ. پەوکای هجوومێ سەروو ئابابەتەیە نامەردی و دووەڕوویین. کۆشیای ئازادیی ژەناو کوردستانی بنەڕەتنە سەروو دڵسۆزی پەی زوانوو ئەدێ، خاک و وەڵاتپارێزنی کەوتەن وەڵێ. چا بابەتەنە ژەناو کوردی دەسکەوتێ گەورێشا خوڵقنێنێ، هەوڵێ مدا ئا دەسکەوتانە گرد ڕوی زیاتەر پەرە پەنە بدا وزاشا وەڵێ. جە گردوو بەرەکاو مدرامانی و کۆشیاینە پا وەرپەرسیوە جماوە. ئانێ شانە بەشانەو ئا دوژمنەیە مردێنێ، کە نکۆڵی جە زوان و کولتووروو کوردا کەرۆ، هجوومشا کەرۆ سەر، بە نەبییە منیۆشارە و متاونۆشاوە، هجووم کەرا سەروو ژەنە سیاسەتمەداراو کوردی، ئانە سیاسەتی دوژمنکارانەن و مایێ قبووڵکەردەی نیا. ئامانجی سەرەکیی ئا هجووما لاوازکەردەی دەسکەوتە سیاسییەکاو ژەنا و گەلوو کوردین، هەوڵداین پەی دەسدرێژیی پەی سەروو دەسکەوتەکا.

وەراوەروو هجوومەکاو جەنگی تایبەتینە دژوو ژەنا، کە گرد ڕوێ زیاتەر بەسیستماتیک کریا، ئێمە موینمێ کە گەلەکەما، ژەناو کوردی و تورکیای هەڵوێستی پێویس نیشانە نمەدا و ئێمە ڕەخنە چا بابەتەیە گێرمێ. وەراوەروو ئانیشا زواندرێژی و دەسدرێژی پەی سەروو دەسکەوتەکاو ژەنا کەرا، مشۆم هەڵوێستێوە قەوەت نیشانە بدریۆ. گرنگا کە هەمان هەڵوێست وەراوەروو دەسبەسەرکەردەی و زیندانیکەردەیشا نیشانە بدریۆ. ئەگەر ئا هجوومە هەمەلایەنە و یەکپارچاو ئیساتێ نەمەڕییا، کۆکوشییەکاو ژەنا زیاتەرێ با.

مشۆم هەڵوێست نیشانە یۆ

بانگەوازوو ئێمە هەرپاسە پەی ئا پیایانە، کە بڕواشا بە ئازادیی ژەنان هەن، شانە بەشانە کۆشیای ئازادیی ژەنا مرداوە، دژوو ئی سیاسەتوو قڕکەردەی و هجووما هەڵوێستشا بۆ.  

هجووم دژوو شناسنامەی و هێزوو دیموکراتیککەردەی سیاسەتا. جەوهەروو پارێزنای و وەڵێوەبەردەی دیموکراتیکوو ژەنان.  

جە وەرپەرچدایۆ و بێکاریگەرکەردەی ئا هجوومانە، کۆشیای ڕێکوزیاو ژەنا یەکلاییکەرەوەیچ بۆ گرنگا، کە گردوو هێز و لایەنە دیموکراتیکەکا دەوروو هەڵوێستوو ژەنە ڕێکوزیایا، هەڵوێست بەروزا. ژەنی پێسەو هیزی، ئارۆیچ کولتوور و زوانی ئەداییشا، ژیوای ئازاد و دیموکراتیک مپارێزنا".