کوردیناسیۆنوو کەژەکەی جەژنەو نەورۆزوو ٢٠٢٤یش پیرۆز کەردە و ئەرەیاۋناش، "ئێمە گەلاو میزۆپۆتامیای و ۋەرکەوتوو دلێڕاسەی جەژنەو نەورۆزی پیرۆز کەرمۍ، دڵنیێنمۍ نەورۆزوو ئێساڵی بۆ بە مەڵامەتوو ئازاڎیی ڕابەرایەتیما."
کوردیناسیۆنوو کەژەکەی بەیاننامێوەش وەڵاکەردۆ و چنەشەنە جەژنەو نەورۆزیش پیرۆز کەردە. کەژەکە سەرەتا مەزڵوم دۆغان، چاران، زەکییە ئاڵکان، ڕەهشان دەمیرەل، سەما یوجە و گرڎوو گەشمەرڎا کۊشیای ئازاڎیی کوردسانیش ویر ئاوردۍ و واتش: "نەورۆزوو ئازاڎیی ڕابەر ئاپۆی کە پۍ ژەنا و گەلوو کوردی و گەلا ۋەرکەوتوو دلێڕاسەی جەژنەو ژیۋایۆ و مدرامانیا، جە سەروو گردیشاوە جە ڕابەر ئاپۆی، جە گرڎوو گەشمەرڎا ڕاو ئازاڎیی کە پۍ نەورۆزوو ئازاڎییی گیانشا بەخشا، جە گرڎوو ژەنا، گەلەکەیما و گەلا میزۆپۆتامیای پیرۆز بۆ.
بەیاننامەکەو کەژەکەی پی جۊرەنە: "بەکاوەی سەردەمی مەزڵوم دۆغان کە جە زینڎانوو ئامەدینە بە جەسڎەو ۋێش ئێروو نەورۆزیش گیسنانە، ڕاو ڕزگاریش جە دەسوو ستەموو ستەمکارا کەردۆ و بە واتەی هەر کەس، ئێرەکەی کوشنۆوە خیانەتکارا، ' ئێروو مدرامانیش گەشکەردۆ، جە زەکییە ئاڵکانێوە کە بە واتەو 'نەورۆز بە هۊرکەردەی ئێروو نەورۆزی کریۆوە' پۍ دلێنەبەردەی تەرسۍ و بێدەسەڵاتی خەڵکوو ئامەدی سەروو کوردسانیرە سەپیۍ، جە سوری ئامەدینە جەسڎەو ۋێش بە ئێروو نەوروزی گیسنانە هەتا بە ڕەهشانان کە جە شارەکانە سەروو گەلەکەیمارە سەپیۍ ماڕاش و جە شارەکانە بیە بە سردۍ پۍ گەلەکەیما جە کوردسانەنە، جە ڕۆناهی و بێریڤانێوە کە بە تووڕەیێوە فرۆ پێسە ئازاڎیوازا ژەنۍ دژوو کۆیلەکەردەی ژەنا ۋەرا ۋەر بە سیستموو ڕەگەزپەرسی کۊشیایشا کەرد و بیۍ بە گەشمەرڎۍ وەڵینگەو مرۆڤایەتی. حەرپێسە ڕابەر ئاپۆ ماچۆ ئانۍ کە جە ژیۋای عالتەر یاۋێنە ئا هەڤاڵۍ بێنۍ ، جە کەسایەتی ئاڎیشانە دڵسۆزی ۋێما پۍ گەشمەرڎا ڕاو ئازاڎیی واوەی کەرمێوە.
نەورۆزوو ئازاڎیی ڕابەر ئاپۆی، کە جەژنەو ژیۋایۆ و ۋێڕاگرین پۍ ژەنا، گەلوو کوردی و گەلاو ۋەرکەوتوو دلێڕاسەی، وەڵۍ گرڎ چێوێنە جە ڕابەر ئاپۆی و گرڎوو ئا گەشمەرڎای کە پەی نەورۆزوو ئازاڎیی، پۍ گرڎوو ژەنا، گەلەکەیما و گەلاو میزۆپۆتامیای گیانشا بەخشا بەرز و پیرۆز کەرمۍ
بە کۊشیای زیاتەر جە نیم سەڎەو ڕابەر ئاپۆی، کە نەورۆزش جە گرڎ وەختۍ زیاتەر کەرد بە نەورۆزوو ئازاڎیی پۍ ئا گەلەی کۊکوشی سەرشەرە سەپیۍ، بی بە مەڵامەتوو واوەی جە ئەڎابیەیۆ ژەنا. پۊکەی نەورۆز ئانڎەی کە پۍ شوناسوو نەتەوەیی گرنگی ۋێش هەن، ئانڎەیچ پۍ ژەنۍ ئازاڎۍ خاوەن گرینگییا، ئانڎەی کە نیشانۍ ژیۋایۆ نەتەوەییا، بە پلەی یووەم پۍ ژەنا کوردی، نیشانۍ جە ئەڎابیەیۆ ژەنێن جە گرڎوو ۋەرکەوتوو دلێڕاسەینە. نەورۆز جە کوردسانەنە نامۍ ژیۋایۆ ژەنێن.
مشۊم ژەنی فرە عالتەر جە نەورۆزەنە ڕەنگ بڎاوە
جە ۋەرا ۋەروو ئی هۆشیارییە نەتەوەیی و وڵاتپارێزییەینە کە ڕابەر ئاپۆ وەشش کەردەن ، دوژمناو مرۆڤایەتی گەرەکشانە بە سیاسەتوو کۆمکوشی ئیکۆلۆژی کوردسانی جە کوردی چۆڵ کەرا. گەرەکشانە ڕۆحوو مدرامانوو ئا ژەنا کە جە نەورۆزەنە دژ بە سیاسەتوو کۆمکوشی ژەنا زینڎۍ بیێنێوە ماڕا، گەرەکشانە عەقڵییەتی تاکڕەوانە سەروو ڕەنگ و زینڎەیی نەورۆزیرە سەپنا. دژوو سیاسەتوو کۆمکوشی ، کۆمکوشی ژەنا، کۆمکوشی ئیکۆلۆژی دەسەڵاتە دیکتاتۆرەکا و هەمیشە بە ڕۆحوو نەورۆزی کۊشیای جە گرڎ شۊنێنە بەرز بکریۆوە و ڕۆحوو نەورۆزی هەمیشە جە بەرزتەرین ئاستەنە بلۆڕاوە. پێسە چنی ڕابەر ئاپۆ نیم سەڎەن گرڎ ساتێوە پی ڕۆحیانەتۆ مژیۋۆ و جەنگوو کۊشیای کەرۆ، ئێمەی ژەنایچ مشۊم گرڎ ڕووۍ جە ئاژەو نەورۆزینە بە جۆش و خرۆشۆ کۊشیای کەرمۍ. بەرەو ژیۋایۍ ئازاڎی و شکۆمەندانە و یەکسانی تەنیا پۍ ئێمەی ژەنا پی جۊرە کریۆوە.
نەورۆز کە نیشانۍ ژیۋایۆ، ڕەنگ، ئازاڎیی و ئاردەینەین، پۍ ژەنۍ فرەیەرین ماناش هەنە، چوونکی ژەنی خاوەنوو ئا گرڎ تایبەتمەندییەینۍ. بە بەقوەتی هەمان ڕۆحی، پێویسا ژەنی زیاتەر جە نەورۆزەنە بەرۍ گنا و پا جۆش و خرۆش و مۆڕاڵەو ٨و مارسیوە مامەڵە کەرا، جە مێڎانەکانە بە تنتەرین شێوە جوابوو ئەژدەهاکەکا بڎاوە.
نەورۆزوو ئازاڎیی پۍ سەرۆک ئاپۆی
ڕابەر ئاپۆ ماچۆ: "دوژمن ماچۆ، نەورۆز پۍ کوردا ژیۋایۊن، بەڵام پۍ ئێمە مەردەین، پۊکاتی دوژمن گرڎ وەهارۍ زیاتەر هجووم کەرۆ سەروو گەریلای و گەلەکەیما. ئەگەر دوژمن ئینەی کەرۆ، ئانەی گنۆ سەروو شانا ئێمە ئانەنە کە مشۆم زیاتەر جە ساڵا ویەردەی ۋەرەنگارۍ دوژمنی بیمێوە. چی ڕووانە کە جە نەورۆزوو ٢٠٢٤ نزیکۍ بیمێوە کە بە نەورۆزوو ئازاڎیی پۍ ڕبەر ئاپۆی پیرۆز کریۆ، ئا پلانە گڵیاوۍ کە جە پانیشت، سەرنیشت، ۋەرنیشت و ۋەرکەوتوو کوردسانی دژ بە جمیەروو ئازاڎیوازیما و گەلەکەیما ملاڕاوە. پۊکەی مشۊم بە ڕۆحوو نەورۆزیوە جوواب و ئا هجووما بڎەیمێوە. چونکی ڕابەر ئاپۆ حەقەتینۍ پاسەش خوڵقنان کە گەلێوە کە کۆمکوشی، نا هومێڎیی و داماگی سەرشەرە سەپیۍ، نەک تەنیا ڕووۍ بەڵکوو گرڎ ڕووۍ بە ڕۆحوو نەورۆزی، بە حەماسەتوو نەورۆزیۆ مدرامان و کۊشیای کەرۆ.
ئارۆ پۍ شکسپنەئاردەو ئا تەرسۍ کە وەششا کەردێنە، جە دژوو تیرۆروو ستەمکارا ڕۊو هەڵمەتێوە بە غیرەتانەتەرین و ئێروو سەرکۊتەی جە گرڎ شۊنێنە مشۆم بەرز بکریۆە. ئارۆ ئا ڕووەنە کە ژەنی جە نەورۆزوو ئازاڎیینە داواو ئازاڎیی پۍ ڕابەر ئاپۆی کەرا و گەرەکشانە ژیۋایۍ تازەو و دیموکراتیک بارانە ئاراوە و بە ئامای مێڎانەکا بە گرد ڕەنگ و شێوازێوە، ناڕەزایی ۋێشا جە دژوو سیستموو پیا سالاری بەربڕا.
داوا جە گرڎوو گەلەکەیما و گەلا میزۆپۆتامیای بەتایبەت ژەنا و گەنجا، کەرمۍ کە بەشدارۍ نەورۆزوو ئازاڎیی پۍ ڕابەر ئاپۆی با، بە ڕۆحوو ژیۋایۆ و هێزوو نەورۆزی شۊڵەچراوەو ژیۋای ئازاڎیی بەرز کەراوە، ژیۋایۍ ئازاڎ خوڵقنا. جارێوەتەر جەژنەو ژیۋایۆ نەورۆزی جە ژەنا، گەنجا، گەلوو کوردی، گەلاو میزۆپۆتامیای و ۋەرکەوتوو دلێڕاسەی پیرۆز کەرمۍ و تەسەورما چانەن کە نەورۆزوو ئێساڵی بۆ بە مەڵامەتوو ئازاڎیی ڕابەرایەتیما.
