دەسەو ڕاوەبەریی کەژەکەی بە وەڵاکەرڎەیۊ ئەرەیاوناێوە یاڎوو ئەندامەو مەجلیسوو پاژکی و یووە جە فەرماندەکاو قەرارگەو ناوەندوو هەپەگەی "گوڵچیا گابار"ە و "پەلشین نەورۊز"ێش کەرڎۊ، کە لە هجوومێوەنە جە ۲۹و نیسانوو ۲۰۱۹ینە گەشمەرڎێ بیێ.

ئەرەیاونایەکەو کەژەکەی پێسنەن:

"شۊڕشوو کوردسانی بە قوربانیداێوە فرە گەورەوە یاوان ئی ئاستە. جە ماوەی ئی شۊڕشەینە، خەباتوو ژەنایچ بە پڕۊسێوە سەخترە لوان، چا وەختەنە، کە هەناسە جە ژەنا حەرام کریابێ، ئارۊ یاوان ئا ئاستە، کە گەرەکشا سەدەو ۲۱ کەرۊ بە سەدەو ژەنێ. بەدڵنیاییوە، حیچ خەبات و دەسکەوتێوە بەبێ قوربانیدای دەس مەگنۊ. پەوکای جە خەباتوو ئێمەنە گەشمەرڎە ئا هێزەنە، کە گەورەتەرین ڕەنجشا دا و پا ڕەنجی ڕای سەختە و قورسەو شۊڕشیشا پەی ئێمە ڕۊشنە کەرڎۊ. جە ئەنجامووهجوومەکاو دەوڵەتی فاشیستوو تورکینە پەی سەروو هەرێمەکاو پارێزنای مەدیای، هامڕێما "گوڵچیا گابارە" و "پەلشین نەورۊز"ە جە ساڵەو ۲۰۱۹ینە گەشمەرڎێ بیێ. بە خەبات و ژیوایشا بیێ پا گەشمەرڎا، کە ڕاو ئێمەشا ڕۊشنە کەرڎۊ.

هامڕا "گوڵچیا گابار"ە، جە بنەیانێوە وەڵاتپارێزنی و نیشتمانپەروەری جە شاروو ڕاپەڕینی  مێرڎین-نە پەیدێ بیێنە. بە نەریتی دێرینوو وەڵاتپارێزنیی بنەیانە و مێرڎینییەکا بەشدارییش جە خەباتینە کەرد و پاسە ژیوا. جە گرد یەسە خاکێوە کوردسانینە ڕەنجش دان، کاریگەرییش وەش کەرڎەن، ئارەقوو دلێچەمایش متەنش، بە ڕەنجێوە بێهامتا و بە فۊڕموو خەباتوو وێش بەشدارییش کارەوانوو نەمرانە بییەن. هامڕا گوڵچیا بە عەشق و وەشەسیایێ گەورەوە کەشەکەرە وروەستە، پێسە نامەکێش، بییە بە یووە جە ولو ورچنیایەکاو ئی کەشا. ئادە ڕەنجش دا، ئارەقش مت، گرد دڵۊپێوە جە ئارەقەکەیش ژیوایش ملوو خاکیرە کەرڎۊ تا ولیی تازێ سەوزێ با. بە خەباتوو وێش، بییە بە شۊڕشی ڕەسەن و دژواروو کەشەکا، بییە بە ڕۊشنتەرین نموونەو ئا ڕاسییە، کە ژەنی جە کەشەکانە، کەشەکێچ  بە ژەناوە جوانێنێ.

هامڕا گوڵچیا گابارە جە سەرنیشتۊ پەی پانیشتی، پانیشتۊ پەی وەرنیشتی جە سەرانسەروو کوردسانینە کۊشیێنە، ڕەنجش دان، جە دژوو دوژمنە فاشیستە ئەرەگیرەکا گژیێنە. جە سەختتەرین وەختوو خەباتوو ئێمەنە، جە سەختتەرین هەرێمکانە مەنۊ، بەبێ حیچ بێتاقەتیێوە شەخسی، گردچێوی وێش پێشکەشوو کۊشیای کوردسانی ئازادی و خەباتوو ژەنە ئازادا کەرد. حەر مەنتێقیوەنە بیێ، پێسە سوپێ بەشداریی چا جەنگ و کۊشیاینە کەرێ و پاسە هەرمانە کەرێ. ڕابەرایەتی و گەشمەرڎەییش دایمەوخوای کەرڎەبێ پیمانەو ژیوای، سەرچەمەو ورەی، دایمە وێش چی هانەوە تێراو کەرێ و ورەیچ بەخشێ بە گردوو ڕەفێقەکاش. لە ڕاپیمای شۊڕشگێڵنانەو ۲۷ ساڵەیشنە جە موراڵ و ورە و مەعنەویەتنە حیچش کەم نەبێ، بەپێچەوانەوە، گرد وەختێ ورەو مەعنەویاتش بەرزتەر بێوە، پەی گردوو ڕەفێقەکاش بیێبێ بە ناوەند. هامڕا گوڵچیا بە عەشق و  وەشەسیایێ گەورەوە تەماشەو گردوو دنیێ کەرێ، ئی وەشەسیاییە دلێشنە بێ بە دڵسۊزییوە گەورە پەی تەماموو خەڵکی، پەی ژەنا و پەی هامرایەکایچش، ئانەش پەی وێش کەرڎەبێ بە بنەما، کە ۲٤ سەعاتە چەنی ڕابەر ئاپۊی ژیوۊ و سروشت و قسێ و  چالاکییەکێش دایمە پێسە ئادی بێنێ.

گەشمەرڎە گوڵچیا بە ڕاپیمای خەباتوو ۲۷ ساڵەو وێش نیشانەش دا، کە مشۊم ژەنێوە شۊڕشگێڵنە، گەریلایێ و فەرماندەێوە چەنینێ با و چەنی بژیوا. دایمە گەرەکش بێ جوابوو 'تاسەو ژەنا پەی قسەوباسی فەلسەفی و قسەوباس سەروو گرد بابەتێوە تەری بدۊوە'، کە ئانەیچ گەورەتەرین وەرموو "ڕابەر ئاپۊ"ین. پا داواکاری و گێڵایە، دایمە وێش وەڵێ وزێ و وێش وێزێوە، بییە بە شۊڕشگێڵنێوە، جوابوو گردوو وەختەکا بدۊوە. بە یۊگێرتانە دیێ پەی شۊڕشی و ژیوایچ، جە هەرمانێ سەروازیێوە تا هەرمانەی ئایدۊلۊژییە وێش بە وەرپەرس زانێ جە گردوو پێویستییەکاو شۊڕشی، جە حەر مەیدانێوەنە مەنێبێوە ئا یاگێ کەرێ بە مەکتەبێوە چەنی هامڕایەکاش هامبەشیی کەرێ. هامڕا گوڵچیا، کە ئەندامەو دەسەو سەروازیی یەژاستاری و هەپەگەی بێ بە کۊشیای وێش، کە حیچ ئاستەنگیێوە نەناسێش و ژیوای وێش دەروێشانە بێ و بییە بە شۊرشگێڵنێوە سەرمەشقەو جمیەروو ژنا.

پێسە جمیەروو ژەنیی ئازادەو کوردسانی، کە بە چندین ڕووەدایێ ئەوەڵیێ، سەختێ و زەحمەتێش وینێ، هامڕا گوڵچیا بییە بە بە نامێ دلێنەبەرڎەی ئا سەختی و زەحمەتییا. بە عەندازەو سەرمەشقایەتیی بەسوپابییەی ژەنا، سەروو بنەماو وەڵێوەبەرڎەی ئانەیە حەوڵێ فرێش دێ، بۊ ئەوەی تەنانەت یەک ژەنیچ بە بێ پارێزگاری نەبۊ، فرە فرە کۊشیا.

هامڕێش پەلشین نەورۊزە، سەرەڕاو ئانەیە جە شارەکاو تورکیاینە گەورێ بیێبێ، پێسە هامڕا گوڵچییێ بە کولتووروو نیشتمانپەروەری و سەرەورڎای مێرڎینی گەورێ بیێبێ. ئادەیچ خیانەتش جە وەرمەکاو زارۊڵەییش نەکەرد، ژیوای هەقەتینش کەشەکانە دیۊ، پێسە نامێ وێش پێسە گەریلێوە ژەنێ گەنجێ سەرجەنۊ کەشەکانە جە ئەدێ بیۊ و عەینوو گەڵایەکا سەوزە بیۊ و گەشەش کەرد.

جە چوارەم ساڵیاڎوو گەشمەرڎەییشانە، ئێمە بەڕێزۊ یاڎوو هامرایا گەشمەرڎە "گوڵچیا گابار"ێ و "پەلشین نەورۊز"ێ کەرمێوە، ئێمە دڵسۊزیی وێما پەی ئا هامڕایاما نیشانە مدەیمێ، کە داراو ئا هێزی بێنێ کە جە مەرڎەی ژیواێوە تازە خولقنا، قەرار تازە کەرمێوە، کە گرد وەختێوە جە خەباتی پەی بەدیئارڎەی وەرمەکاشا کۊشیەیمێ."

س.ز