کۆردیناسیۆنو کەژەکەی، جە ئەرەیاۋنای تایبەت بە ساڵوەگەڕو پیلانگێڵنی مېیاننەتەوەیی دژ بە ڕابەر ئاپۆینە واتش: " ئیتر وەرگەو ئانەی نمەگیریۆ، ڕابەرما ١٥و شوباتێوە تەری دلۍ سیستەمو ئیمراڵیینە بەرۆ سەر."
کۆردیناسیۆنو کەژەکەی جە ٢٦ەمین ساڵوەگەڕو پیلانگێڵنی مېیاننەتەوەیینە دژ بە ڕابەر ئاپۆی ئەرەیاۋنێوە نویسیاش وەڵا کەرڎۆ.
ئەرەیاۋناکەو کەژەکەی پی جۊرەنە:
"جە ٢٦ەمین ساڵوەگەڕو پیلانگێڵنی مېیاننەتەوەیی ١٥و شوباتینە، کە جە لایەنو گەلوو کوردی و ئا گەلاوە کە جە پارادیمەکاو ڕابەر ئاپۆینە هیواو ژیۋایۍ دیموکراتیکی مویناوە، پېسە ڕوۍ سیاوی پێناسەشا کەردەن، گرڎو گەشمەرڎاما کە بە واتەی 'نمەتاودۍ ڕۊما تاریک بکەردۍ' بەڎەنو ۋێشا جە دەوورو ڕابەر ئاپۆینە کەرد بە بازنێوە جە ئێری، بە ڕێز و پنەزانایۆ یاڎمارمێوە. قەولما واوەی مکەرمېوە کە سیستەمو قڕکەردەی ئیمراڵی جە ئارانە نازمۍ، جە کەسایەتی ڕابەر ئاپۆینە دلېنەبەردەی گەلوو کوردی، ژەنا دیموکراسی و ئازادیواز و گەلا مسەپنۆ، پی جۆرە ئامانجو گەشمەرڎاما مېیاونمۍ ئەنجام. دۊڵەتا هەژمونوازی کە بەشداری پیلانگێڵنی مېیاننەتەوەیی بێنۍ، چڕیەی و هاوارو گەلەکەیماشا نەژنی کە سەدێوەن پەی ئازادی قوربانی مڎۆ و هامکارا پیلانگێڵنا شەرمەزارۍ مکەرمۍ و ماچمۍ ۋەردەمو تاریخو مڎرامانوو گەلانە، بە دڵنییاییوە دادگایی مکریا.
مزانمۍ هێزەکاو مۆدێرنێتەی سەرمایەداریی کە بەشدارۍ ئی پیلانگێڵنیە شومەیە بێنۍ، ئامانجی بنەڕەتیشا ئانەبۍ جە کەسایەتی ڕابەر ئاپۆینە تەڤگەرو ئازادی و گەلو کوردیما دلېنەبەرا و بەتەمامی کوردا قڕ بکەرا. کاتێ ئی ئامانجەشا پێکئاورد بە پاو دڵو ۋێشا دەسوەردای جە جوغرافیاو کوردەسانی و ۋەرکۊتوو مېیامینینە بکەرا، بە پاو بەرژەوەندییەکا ۋێشا سنورەکا بکێشا و ئی جوغرافیاییە کە لانکەو گەلان، وزانۍ دلۍ ئاژەوۍ و جەنگێوە بۍ کۊتای. تەنیا ئایدۆلۆژیێوە کە متاوۆ ۋەردەمو ئی پلانە نەگریسانە مردۆوە، فەلسەفەو ژیۋای هامبەشی و ئازادی ڕابەر ئاپۆی بۍ.
ڕابەر ئاپۆ دلۍ سیستەمو قڕکەردەی ئیمراڵینە کە کەس نمەتاوۆ وەرگەش گېرۆ و ئینا چېرو گۆشەگیری ڕەهاینە، نەک بە تەنیا بە زیڼەیی مەنۆ، بەڵکم پېسە سۆسیالیستێوە بەردەوامیش دا بەژیۋای. چېرو دەسا دووژمنیچەنە بۆ، پارادایمو ژیۋای دیموکراتیک، ئازادی و سۆسیالیستیش وەشکەرڎ و پی جۊرە ماناڎارتەرین جوابش بە هێزە پیلانگێڵنەکا داوە.
سیستەمو قڕکەردەی و ئەشکەنجەو ئیمراڵی پەی هیوا بڕکەردەی ڕابەر ئاپۆی بە شێوێوە تایبەت مجیاراوە بە ۋېیەرنای کاتی بیاوۆ پینەی. ڕابەر ئاپۆ دلۍ ئی سیستەمو ئەشکەنجە و قڕکەردەینە گرڎ ڕوۍ و ساتێوە ۋێش تازەکەردۆ و ماناڎارتەرین جوابش دا پی سیستەمو قڕکەردەیە. بە واتەی، شمە چنی متاودۍ ملیۆنان مرۆڤۍ جە ژوورێوە تەنگەنە بازدۍ، بی بە هیواو ملیۆنان مرۆڤا. بە واتەی ژیوایۆ و جە ئەڎابیەیۆ یەرەمو ۋێش سەرو بنەماو ئازادی ژەنۍ، ئیکۆلۆژی و دیموکراتیکی جوبو دادگایکەردەکەیش داوە و ئی پارادایمەشە خوڵقنا. جە ڕاو ئی پارادایمەیۆ جە جبەرو ژیۋای پا نەوەشیەی کە مۆدێرنێتەو سەرمایەداری سەرو گەلوو کوردی، ژەنا، گەلاو ۋەرکۊتوو مېیامینی و جەهانی مسەپنۆ، چنەیچشەنە متاویۆ ژیۋایۍ دیموکراتیک و ئازاد وەشکریۆ.
ڕووەدای و پێشئامایەکۍ ئیساتۍ ۋەرکۊتوو مېیامینی، سەرنیشت و ۋەرکۊتوو سووریای کۊڵەکە بنەڕەتییەکۍ ئی پارادایمەیە کە سەرنجو تەمامو جەهانیش لا ۋێشەرە کێشتەن، سەرەڕاو هرووژمی، کۆمکوژی و قڕکەردەی گەلا کورد، عەرەب، سووریانی، تورکمان، چەرکەزی و باوەڕدارییە جیاوازەکا جەخت سەرو ژیۋای ئازادی مکەراوە و بە سەرمەشقایەتی ژەنۍ ژیۋایشا خوڵقنا. مۆدێلو ۋێڕاوەبەری کە گرڎو فرەچەشنییەکا پێوەرە بە ئشناسنامە و ئیرادەو ۋێشاوە ئینێش چنە، ئانەش سەلەمنا کە مکریۆ ئی پرۆژە جە ۋەرکۊتوو مېیامینینە جابەجێ بکریۆ.
ژەنی کە جە کورڎەسان و ۋەرکۊتوو مېیامینینە جە ئاژێوەنە ژیوێنۍ کە جە ئاستو کۆیلایەتینە بێنۍ، بە پارادایمەکاو ڕابەر ئاپۆی هۆشیارۍ بیێوە و ئەوەکۊشای ۋێشا بەردەوام مکەرا، پېسە زەنا فرە عال چانەی میاومێنە ئی پلانگێڵنییە پیسە جە هەمان کاتەنە دژو هێڵۊو ژەنا ئازادی ڕابەر ئاپۆیمانە و سەرو ئی بنەمایۍ پەرە بە ئەوەکۊشایما مڎەیمۍ.
سەرکۊتەی بیەی و ئازادی گەلوو کوردی و ژەنا بە هۊرشێونایۆ سیستەمو ئەشکەنجەی و قڕکەردەو ئیمراڵی موېیەرۆ. سەرو ئی بنەمایۍ داوا جە ژەنا، جوانا، گەلی وڵاتپاریزنیما و ڕای گرڎی دیموکراتیکی مکەرمۍ و ماچمۍ؛ ئیتر وەرگەو ئانەی نمەگیریۆ ڕابەرما ١٥و شوباتێوە تەری دلۍ سیستەمو ئەشکەنجەو ئیمراڵینە مەنۊوە. پۊکەی ئانەی بەشێوێوە ئازاد بژیوۆ و هەلومەرجی گونجیا پەی کۊششی مەیسەر بکریۆ، مشۊم جە گرڎ ڕوێوە بە شێوێوە بەهێزتەر بەشدارۍ هەڵمەتۊو "ئازادی پەی ڕابەر ئاپۆی، چارەسەری دیموکراتیکانەی پەی پرسو کوردی"بیمۍ. مشۆم جە گرڎو تەمەنەکاوە، گرڎ کەسێ بە ئایدیاو یاونای ئی ڕووە سیاوەیە بە ڕەنگەکا ئازادی، بە بەرزکەردەیۆ هیواو ژیۋای ئازادی هەرمانە بکەرۆ. تا ئانەی ڕابەر ئاپۆ تاوۆنە پرۆژەکاو ۋێش بە تایبەت پەی ژەنا، گەلوو کوردی و گەلا ۋەرکۊتوو مېیامینی کرێڵو ژیۋایۍ هامبەشی، ئازاد و دیموکراتیکی جە گرڎ یاگێنە ئەرەمەرزنۆ و تاوۆنە دەوری تاریخی ۋێش گێڵنۆ، مشۊم پەی مەیسەرکەردەی ئازادی بەڎەنی ڕابەر ئاپۆی و پێكئاوردەی هەلومەرجی گونجیای جە مېڎانەکانە بیمۍ. داوا جە گرڎو ژەنا مکەرمۍ پا هۆشمەندیۆ جماوە؛ کە ئا ڕاپیمایەی پەی ڕابەر ئاپۆی مکریۆ، جە بنەمانە ڕاپیماو ئازادییا. پۊکەی پەی هۊرچەرخنای تورکیای و ۋەرکۊتوو مېیامینی سەرو بناغێوە دیموکراتیکی کە ڕابەر ئاپۆ ئارەزوو دەسپنەکەردەیش هەن، گرڎو ژەننا بە دڵ و گیان هەرمانەو کۊشش بکەرا."
