ڕۊو ٢٥و نیسانی جە ئۊپەراسیۊنو پاکتاوکەرڎەی سیاسینە جە ئامەڎ و ٢٠ شارۍ تەرینە لانیکەم ١٢٦ کەسۍ دەستگیرکریۍ. پۍ ۋنەکۊڵیایۊ سەرو دۊسیەکەی قەراری شاراوە 'نهێنی' بەرکریان و ڕا مەدریۊ مەڵامەتو دەسگیرکەرڎەکەیشا زانیۊ.
داواکارو گرڎی کۊماری جە ئامەڎ چنی نزیکبیەیۊ جە ھورچنیەکاو ١٤و ئایاری جە دژوو کورڎا یەک وەختەنە جە ٢١ شارېنە ئۊپەراسیۊنۍ پاکتاوکەرڎەیش ڕاۋەبەرکەرڎ.
لانیکەم چا ئۊپەراسیۊنە پاکتاوکارییەنە ١٢٦ کەسۍ دەستگیرکریېنۍ کە پېکئامېنۍ جە، ڕۊنامەنۋیسا، سیاسەڎمەدارا، مافناسا، سەندیکاکارا، هونەرمەنڎا و ئەنڎاما ڕێکوزیاکا گلېرگەی مەدەنی.
جە دۊسیەو دەستگیرکەرڎەکەینە ڕاگیری جە لوۋای شۊنەو دۊسیەکەیرە کریۊ و سەربارو ئانەی ٢٤ سەعاتۍ سەرو دەستگیرکەرڎەکەیشارە ۋیەرڎەن و پارێزنەرەکېشا متاۋا چەمشا بە موەکیلەکاشا گنۊ، بەڵام بە بەھانۍ قەراری شاراوەی 'نهێنی' سەرو دۊسیەکاوە، ڕا مەڎریۊ چەمپنەکۊتەی چنی گیریایەکا ئەنجام دریۊ.
کەسە دیل کریېکۍ چا ئۊپەراسیۊنە پاکتاوکارییەنە جە شارە جیاجیاکانە زینڎانی کریېنۍ.
ھ . ش
