چالاکوانێ دماو ئانەی جە ویل براندت پلاتز گلێرێبیێ، ڕاپیماکەی دەسش پنەکەرد. جە ڕاپیماکەینە بە بەردەوامی درووشمەکێ "بژیو مڏرامانو وەرنیشتی"، "بژیو سەرۆک ئاپۆ" و "ژەنی ژیوای ئازادی" واچێنی.

چالاکییەکەنە هرووژمە ئەرەگیرییەکا دۆڵەتو تورکی سەرو هەرێمەکا سەرنیشتوو و وەرکەوتوو سووریای شەرمەزار کریێ و، ئاماژەش دریا با تاوانا کە جە دژو گەلی ئەنجام دریانە و جەختکریاوە چانەی ئی هرووژمێ بەمەڵامەتو ئانەین گەل بێ کارەبا و ئاوی بۆنە.

چالاکییەکەنە ئەرەیاویێوە ونریاوە و داوا جە ڕاو گرڏی کریا جە دژو هرووژمەکا دۆڵەتو تورکی هەڵوێسشا بۆنە.

جە ئەرەیاوناکەینە سەرنج وسیا سەرو مۆدێلو وەرنیشتوو کوردەسانی و بە مۆدێلو ژیوای دیموکراتیکی و ئازادی باسکریا و جەختکریاوە چانەی مڏرامانو کۆبانێ پەی بنیادنیاو ئا مۆدێلەی بێ. وە بە درووشمو 'بژیو مڏرامانو کۆبانێ' ١٠هەمین ساڵڕۆو ڕزگارکەردەی کۆبانێ جە دەسو چەتەکا داعشی موبارەک کریا.

جە دماینە دەقێوە بێدەنگی پەی گەشمەرڏو مڏرامانو تشرینی تەرخان کریا.

چالاکییەکە بە درووشمەکا "گەشمەرڏە مەمرۆنە" و "بژیو مڏرامنو وەرنشتی بە یاوای بە پارکو ڕابیتی دمایش ئاما.