سەروو بانگەوازوو چین و بەشەکا و پارتیزانا بەمەبەسوو یاڎکەرڎەیۊ گەشمەرڎاو مانگەو ئایاری وەرڎەموو یاگۍ مرڎای مانۊرهاوسینە مەراسیمێوە جەماوەری کریا.

جە یاڎەکەنە جمیەروو شۊڕشگێڵنیی یۊگێرتەو گەلا (هەبەدەهە)یچ ئامادە بی. یاڎەکە بە دەیەقێوە بێدەنگی پەی ڕێزنیایرەی جە گەشمەرڎاو شۊڕشی دەسش پەنە کەرڎ.

ڕسمەکاو سەرمەشقاو شۊڕشی ئیبراهیم کایپاکایا، حەقی قەرار، ٤ شۊڕشگێڵنا، کە زیندانوو ئامەدینە وێشا سۊچنا و ڕسموو دەنیز گەزمیشۍ بەرزۍ کریێوە.

جە یاڎەکەنە سەروو نامۍ پارتیزانۍ و تیوری چینی ئەرەیاوناێوە هامبەش ونیاوە، نوێنەراو هەبەدەهەی، مەلەکەپە و کەجەدەکەو پانیشتیچ واچێوەشا پێشکەشە کەرڎ.

جە وتارەکانە ئانە وزیا ڕووە، کە فاشیزموو ئاکەپە-مەهەپەی بە گیانوو ئیبراهیم، حەقی، ماهیر و دەنیزەکا مەڕیۊ.

دوای یاڎکەرڎەیۊکەی جە مانۊر هاوسنە جەماوەرەکە بەرەو یاگۍ مرڎای تونپیک لانی ڕاشا پیما.

لە ڕاپیماکەینە دروشمەکاو "گەشموەرڎۍ مەمرا"، "ژەنی، ژیوای، ئازادی" و "کورڎسان بۊ بە قەبرسانوو فاشیستا" وچیێوە.

س.ز