لەندەنو پایتەختو بەریتانیاینە، ئارۊ بە سەرمەشقایەتیی تەڤگەرو گەنجە شۊڕشگێڵنا و گەنجاو کوردیی وانیارۍ زانکۊی، پەی چەسپنایمەنتێقەو دژەفڕای وەرنیشتنە و دژو هجوومەکاو دەوڵەتی ئەرەگیرو تورکی پەی سەرو خەڵکی بێتاوانی ڕاپیمایشا کەرد.  

گەنجۍ پەیامەکەشانە ئاماژە بە هجوومەکاو دەوڵەتو تورکی کەرا پەی سەرو وەرنیشتی و ماچا: "گرد ڕوۍ بە فڕۊکەی بێفڕۊکەوان هجووم کەرۊ و بەنیازا وەرنیشتی هاڵی کەرۊوە جە خەڵکی. وەلۍ گەلو کوردی و گەلاو وەرنیشتی بە پاگێرتەیرەوە مەنتێقاو وێشا پارێزنا، مدرامان کەرا و پی مدرامانەیە با بە نموونۍ وەرکەوتوو دلێڕاسەی".

" بە فیکرو ڕابەر ئاپۊی ژیواێوە تازە بونیاد منریۊ"

ئا گەنجۍ بەرەو ترافلگار ڕاشا پیما، برۊشۊرێشا وەڵۍ کەردێوە و واتشا:

" وەرنیشتنە بە فیکرو ڕابەر ئاپۊی، ژیواێوە تازە بونیاد منریۊ. بییەی دەوڵەتو تورکی سەرو بناغەو ناستەی چاند و گەلی و زوانین. گەلو کوردی بە مدرامان دژو دەوڵەتە ئەرەگیرا سەرکەوتەیش بەدەس ئاردەن و بە گردوو جیهانیش نیشانە دان، کە مدرامان چە دەسکەوتێوەش بییەن. پەی پاریزنای و پتەوکەردەی ئی هومێدو ژیوایە، خەڵک گردوو دنیێوە ڕووە کەرۊ وەرنیشتی. پێسە گەنجا و تەلەباو کوردی، داوا وەنەو هێزە میاننەتەوەییەکا کەرمۍ، دەس جە پەشتیوانیکەردەی وەنەو دەوڵەتی ئەرەگیرو تورکی ورگێرا.. چونکوم سەدێو چیوەڵتەر ئی دەوڵەتە دڕندە قڕکەردەیش دژو ئەرمەن و ڕۊمەکا کەردەن و گەرەکش بیەن کوردەکایچ دلێنە بەرۊ. ئێمەیچ ماچمۍ مەبیدۍ هامبەشۍ مەرگی و قڕکەردەی. بیدۍ بە پارێزنەرۍ دیموکراسی و یەکسانی و شۊڕشو ژەنێ".