لەندەننە یاڎوو گەشمەرڎاو ۹و ئایاری کریاوە
لەندەننە بە دەسوڵێوستەی کۊمیتەو پارتوو ژیوای ئازاڎوو کوردسان (پەژاک)ی و (کەژار)ی، یاڎوو گەشمەرڎاو ٩و ئایاری کریاوە.
وەرڎەموو کونسوڵخانەو ئێرانینە جە لەندەنوو پایتەختوو بەریتانیاینە، یاڎوو گەشمەرڎاو ۱۹و ئایاری کریاوە. ئەوەڵۊ بە دەیەقێوە ڕێزگێرتەی پەی یاڎوو گەشمەرڎا دەست بە چالاکییەکەی کریا و دماتەر، بە نامۍ پەژاکیوە "شاخەوان دالەهۊ" پەیامێوەش واناوە، ئینجا بەنامۍ کەژار-یوە "سۊنیا کەریمی"ە و بە نامۍ نوێنەروو ئەنجوومەنوو گەلوو کورڎی جە بەریتانیانە "ئەرجان ئیقبال" و بە نامۍ کۊمسیۊنوو کەجەدەکەو پانیشتیوە لە لەندەننە "شوان ئاوارە" قسێشا کەرڎە.
جە پەیامەکانە دەوڵەتوو ئێرانی پێسە دیکتاتۊرۍ و دژە ئینسانۍ نامی بریا و ئەرەیاونیا، جە دژوو خەتەو خیانەتی کۊشیای بە سەرمەشقبییەی گەشمەرڎاما درێژە پەنە مدا. دژوو قەنارەی و شۊڤێنیزموو دەوڵەتوو ئێرانی بەرڎەوامۍ با جە خەباتی.
یاگۍ ویرئارڎەیۊنە "شیرینەی عەلەمهولی-یە، علی حەیدەریان، فەرهاد وەکیلی، فەرزاد کەمانگەر" چوار ئەندامۍ پارتوو ژیوای ئازاڎوو کوردسانی (پەژاک)ی لاو ڕژێموو ئێرانیوە جە ۹و ئایارینە جە زیندانوو ئەوینوو تارانینە دریۍ قەنارە.
س.ز
