کۆمیتەو مېیانی مەکەپەی بە ئەرەیاۋنێوە نویسیا، بە ڕێز و پنەزانایۆ کادرا سەرمەشقۍ پەکەکەی عەلی حەیدەر قەیتان و ڕەزا ئاڵتونش یاڎۍ ئاوردۍ و سەرەوەشیش جە گەل و تەڤگەرو کوردی کەرڎ.

جە ئەرەیاۋناکەینە ئاماژە پانەی کریان، عەلی حەیدەر قەیتان و ڕەزا ئاڵتون دەوری ستراتیژیشا گێڵنان جە ئەرەمەرزنای و وەڵێوستەی و یاونای تەڤگەرو ئازادیی کوردی پی ڕووەیە، واتش: "جە گرڎو سەنگەرەکا ئەوەکۊشای شۆڕشگێڵنینە بۍ مردای و دووەدڵی یاگێشا گێرتە، تەمەنو ۋێشا فیداو ئەوەکۊشای کەرڎ. پا هۆشیارییەی کە بە مڎرامانو واتا بەدەس مۍ، زینان و کەشەکێش جە فاشیزمی تەنگ کەردۍ، گرڎ مېڎانێوەشا فاڕا پەی قەڵاو ئەوەکۊشای. پېسە جەنگەوانی و فەرماندەی و سەرمەشقی، ڕاو ئەوەکۊشایشا کەرڎۆ.

پارتەکەما حەجگیز ئی ڕەنج و هەوڵا جە یاڎ نمەکەرۆ، جە هەر سەنگەرێوە ئەوەکۊشاینە یاڎو عەلی حەیدەر قەیتانی و ڕەزا ئاڵتونی بەرز ڕاگێرمۍ.

گەلو کوردی و کرێکارا و چەوەسیاکا و کۆمۆنیستەکۍ ئاڎیشا جە یاڎ نمەکەرا، ئا ئاڵاو شۆڕشەی کە ئاڎۍ هۊرشا گێرتە، مېیاوناش بە سەرکۊتەی و ۋنەپەرسایۆ جە دۊڵەتو فاشیستو تورکی مکەرا.

سەرەو ڕێزی پەی یاڎو هەمڕا عەلی حەیدەر قەیتانی و ڕەزا ئاڵتونی منامنمېرە، جە کەسایەتی ئاڎیشانە گرڎو گەشمەرڎا شۆڕشی و سۆسیالیزمی یاڎ مارمېوە، قەول مڎەیمۍ کە جە هەر ساتێوە ئەوەکۊشای شۆڕشگێڵنیمانە، یاڎو ئاڎیشا بەرزڕاگێرمۍ".