ڕاوەبەروو نویسگەو ڕێکوستەی پارتۆ یۆبییەی دیموکراتیک (پەیەدە)ی کانتۆنوو مەنبەجی و دەوروبەریشنە، ڕیم دەروێش دەربارەو سەرەورڎای ١٢ ئاداروو قامیشلۆی دوا و واتش: "ئارۆ ٢٠ ساڵێ سەروو سەرەورڎای ١٢ ئاداروو قامیشلۆیرە ویەرۆ، ئی سەرەورڎایە ساحەو بەلەدوو (ساحەو ١٢و ئادار)ینە دەسش پەنە کەرڎ، ڕاسیی ئی سەرەورڎایە پەی ماوەو ٢٠ ساڵا هێزش پەنە بەخشایمێ، کورڎ دژوو سیستمە سەرمایەداری و چەوسێنەرا و نەتەوەپەرسە تاکڕەنگەکا سەرەورڎایش کەرڎ ".

هەرپاسە واتش: "ئا گەشمەرڎا یادێ کەرمێوە، کە پەی ژیوای ئارام و ئاشتییانەو گەلەکەیما گیانشا بەخشا، ئی سەرەورڎایە نەوەک تەنیا گەلوو کورڎی، بەڵکوم گرڎوو پێکئامایەکاش گێرتێوە."

درێژەنە واتش: "سیستمی ستەمکار هەوڵێش دێ فیتنە بنیۆوە  بەینوو کورڎی و عەرەبی ڕاو گۆڵانێوە، بەڵام نەیاوا ئامانج، بەڵکوم سەرەورادیەکێ بیێ مایێ هەماهەنگیی گەلاو هەرێمەکەی".

ئاخروو قسەکاشنە ڕیم دەروێش واتش: "ئێمە پێسە پەیەدەو مەنبەجی، سەرەو ڕێزی پەی گەشمەرڎاو ئی سەرەورڎایە کۆمنمێرە، درێژە بە ڕاوئا گەشمەرڎا مدەیمێ، کە پەی ژیوای ئاشتیانەو ئێمە، قوربانیێوە گەورەشا بەخشا".