ڕاپیماکەی جە چوارڕاو میزانوو مەنبەجیوە دەسش پەنە کەرد، بێجگە جە ئیدارەی مەدەنی دیموکراتیکوو کانتۆنوو مەنبەجی و ئەنداماو ئەرەمەرزیایەکاو  سەر بە ئیدارەکەی، مەجلیسوو کۆمەڵەو ژەناو زنوبیای، مەجلیسوو ژەناو سوریای، ئەنداماو مەجلیسوو بنەیانەو گەشمەردا، نوێنەروو پارتە سیاسییەکا و پیاماقووڵاو هەرێمەکەی بەشداریی ڕاپیمایەکەیشا کەرد.

هەزاران کەسێ بەشداریی ڕاپیمایەکەیشا کەرد، کە تا چوارڕاو ئەل دەلۆی بەردەوام بی، جە هامسەرۆکایەتیی خزمەتگوزارییەکاو مەجلیسوو هەرێموو وەرکەوتی ڕابیعە بەکرۆی واتش، تاکە داواشا مسۆگەرکەردەی ئازادیی جەستەیی ڕابەروو گەلوو کوردی عەبدوڵا ئۆجالانین.

ئەنداموو ڕێکوستەی مەجلیسی جڤاکی مەدەنیی ئیسماعیل قەتوان واتش: "ئێمە ئازادیی جەستەیی ڕابەر عەبدوڵا ئۆجالانیما گەرەکا، ڕابەر عەبدوڵا ئۆجالان پەی دادپەروەری و ماف و ئازادی سەرچەمەی سەرەکیی باوڕیمانە".

قەتوان واتش پێویسا دژوو زوڵم و فشاروو دەوڵەتی ئەرەگیروو تورکی سەرەوردای و مدرامان کریۆ و پەی ئایندێوە ئازادی.

جە دەسوەڵیوزیی سوریای پەی ئازادیی ڕابەر عەبدوڵا ئۆجالانی، حوسام ئەلشەواغ واتش: "دۆزوو ڕابەر عەبدوڵا ئۆجالانی تەنیا دۆزوو گەلێوە نییا، هینوو گردوو گەلا و ئینسانیەتین".