پێسەو گرڏ ساڵێ ئێساڵ بە تایبەتی کە کورد ئینا هەوڵو یاوای بە ئامانجە نیم سەدە ئەوەکۆشاکەیش مڏۆنە، جەژنەو نەورۆزی کە دلێ کوردینە بە ڕوێوە سەکۆتەی سەرو ستەمکارانە شناسیان، ئێساڵ وەرکەوتوو کوردەستانینە بە خرۆشۆ دەسش پنەکەرد.

هیزی جومعە ٢٨و شوباتی، جە دەگاو سەراوکامو ناوچەو کامیارانی جە پارێزگاو سنەینە، جەژنەو نەورۆزی بە بەشداربییەو جەماوەرێوە فرە جە هاموڵاتیا ناوچەکەی بە پێشوازیێ گەرمۆ لوا ڕاوە.

جە مەراسیمەکەنە هاموڵاتیا دەگاکا دەوروبەر و شارەکا وەرکەوتوو کوردەسانی بەشداریشا کەرد.

 هەرپاسە ڕێوڕەسمو جەژنەو نەورۆزی جە دەگاو زاکرلو، ناوچەو شارو پلدەشتی جە پارێزگاو ورمێنە بە خرۆشۆ بە بەشداری هەزاران هامووڵاتییێ کوردی لواڕاوە.

گەل مەراسیمەکەنە بە هورگێرتەو ئێرو نەورۆزی و زەماوەن گڵنای، هورپڕای، جەژنە و نەورۆزیشا موبارەکە کەردە.

وەڵێ وینای مکریۆنە مەراسیمەکێ جەژنەو نەورۆزی جە چن ڕوێ ئایندەنە جە شار و ناوچەکا وەرکەوتوو کوردەسانینە بە شێوێ فرە جەماوەری گۆرە  بلۆ ڕاوە.