دماو بانگەوازییە تاریخیەکەو ڕابەر ئاپۆی جە ٢٧و شووباتینە، کۆمیتەو ڕاوەبەری پەکەکەی ئەرەیاۋنێوەش وەڵا کەرڎۆ و ئایێربەسش ئەرەیاۋنا.

هامشێوەو بانگەوازو ڕابەر ئاپۆی، ئەرەیاۋنای ئایێربەسو پەکەکەیچ مانشێتو میدیا جەهانییەکاش تەننا، جە سەرانسەرو دنیێنە جگە جە ئاژانسەکاو هەواڵوو ڕسمی ڕووسیای و ئێرانی Sputnik و IRNA، گرڎو میدیاکا جەهانی هەواڵشا سەر وەڵا کەرڎۆ. بەشو تورکی  Sputnikـیچ هەواڵەکەش بە زوانو میدیای لایەنگری وەڵاکەرڎۆ.

REUTERS  

REUTERS  ئەرەیاۋناش، دماو بەنگەوازییەکەو ڕابەر ئاپۆی، پەکەکە ئایێربەسش ئەرەیاۋنا، جە هەواڵەکەنە سەرنجش وستەن سەرو بانگەوازییەکەو ڕابەر ئاپۆی کە جە ٢٧و شووباتینە ئەرەیاۋناش و ئاماژەشا پانەی دا کە ٤٠ ساڵێ جەنگ بەردەوامبۍ.

ASSOCIATED PRESS NEWS (AP)

جە هەواڵەکەو AP ینە ئامان، پەکەکە جە ماوەو دووۍ ڕووانە ئایێربەسش ئەرەیاۋنا و پەکەکە ئینەش وەڵا کەردۆ: "پەی ئانەی بانگەوازو ئاشتی و گلېرگەو دیموکراتی ڕابەر ئاپۆی جابەجێ بکریۆ، ئایێربەس ئەرەیاۋنمۍ، هەتا هرووژما نەکریۊنە سەر، هیچ هێزێوە ئێمە چالاکی چەکڎاری ئەنجام نمەڎۆ.

FRANCE 24

کەناڵو هەواڵیی France 24 هەواڵەکەش پی جۆرە وەڵا کەرڎۆ، دلېینەو بانگەوازەکەی قبوڵ مکەرمۍ و شۊنیرە لوایش پەی مکەرمۍ و جابەجێش مکەرمۍ.

XINHUA

ئاژانسوو هەواڵیی ڕسمی چینی Xinhua هەواڵەکەش پېسە دەمودەسی وەڵاکەرڎۆ و ئەرەیاۋناش کە پەکەکە پەی بانگەوازییەکەو ڕابەر ئاپۆی ئایێربەسش ئەرەیاۋنا.

AL JAZEERA

هەرپاسە AL JAZEERA ئاماژەش پانەی دا، پەکەکە ئایێربەسش ئەرەیاۋنا و واتش: "پەکەکە داواش کەرڎ کە ڕابەرەکەشا عەبدوڵا ئۆجەلان کە ئینا زینانەنە، ئازاڎ بکریۆ."

JARUSALEM POST

JARUSALEM POST کە مېیانەکەش ئینا ئیسرائیلەنە، ئەرەیاۋناو ئایێربەسو پەکەکەیش وەڵا کەرڎۆ.

SKY NEWS

تەلەڤزیۆنو سکای نیوزی هەواڵو ئەرەیاۋنای ئایێربەسیش بە شێوۍ دەمودەسی وەڵا کەرڎۆ.

BBC

بی بی سیچ جە گەشتو هەواڵەکاشەنە قەرارو ئایێربەسو پەکەکەیش وەڵاکەرڎۆ.

SPUTNIK

بەشو ئینگلیزی Sputnik کە ئاژانسو هەواڵیی ڕسمی ڕووسیاین، هەواڵەکەش پەشتگۊش وست و بەشو تورکیچ هەواڵەکەش بەزوانو میدیای تەرەفڎاری وەڵا کەرڎۆ.

هەرپاسە هەریۆ جە DW، CNN، Al ARABIYA، Boomberg، The Washington Post، The Time Of Israel و فرەو ڕۆناما، تەلەڤزیۆن و ماڵپەری هەواڵیی، قەرارو ئایێربەسو پەکەکەیشا وەڵا کەرڎۆ.