حەوتەمین فیستیڤاڵی شانۆیی شەهید یەکتا هەرەکۆڵ بە درووشمی "وڵاتپارێزی ڕاستەقینە، هونەرمەندێکی بوێرە" لەلایەن تەڤگەری کەلتوور و هونەری دیموکراتیکی میزۆپۆتامیا و کۆمۆنەی شانۆ ڕێکدەخرێت. چالاکییەکانی فیستیڤاڵەکە لە ٢٧ ی ئادار دەستی پێ کرد. بەڵام بەهۆی پشووەکانی جەژنی ڕەمەزان و جەژنی ئەکیتۆ تا دوای ٤ ی نیسان دواخرا.

گرووپی "هاوڕێیانی گەزیزە" لە شاری سلێمانی باشووری کوردستانەوە بەشداربوون. گرووپە بە ناونیشانی "مۆسیقای سوور" شانۆیەکیان پێشکەش کرد. شانۆکە لە دەرهێنانی نووسەر و ئەکتەر، گەزیزە عومەرە. شانۆکە تیشک دەخاتەسەر ئەو سەختییانەی کە ژنان لە ژیاندا ڕووبەڕووی دەبنەوە.

لە فیستیڤاڵەکەدا ١١ گرووپ لە شارەکانی سوریاوە بەشداردەبن. لە ڕۆژێکدا ٢ شانۆ و سیمینارێک پێشکەش دەکرێت. سیمیناری یەکەم بە ناونیشانی "شانۆگرافیا و دەروازەی تێپەڕاندنی ڕەخنە" لەلایەن ئەحمەد مەکاراتی، سیمیناری دووەم بە ناونیشانی "گرنگی شانۆ لە پێگەیاندنی تاک و کۆمەڵگەدا" لەلایەن مامۆستا ڕێزان ساڵح، سێمیناری سێیەم بە ناونیشانی "گرنگی ڕووناکی و زانستی ڕەنگەکان و بەشەکانی" لەلایەن مامۆستا موعین دوێر پێشکەش دەکرێت.

فیستیڤاڵەکە لە ١١ ی نیسان بە ڕاگەیاندنی ناوی براوەکان کۆتایی دێت.