چالاکی ئېساڵو وەنایۆ کتېبەکا ڕابەر ئاپۆی، مقارنە بە ساڵا وەڵینی جیاوازتەرا بە وەنایۆ تەنیا کەسی و بە گفتگۆی جەمی، چەمپنەکۊتەی فەلسفەیی، سازدای چالاکییەکا و بانگەوازی هونەری ئەنجام دریا. بەشدارا چالاکییەکەی چنی ئانەی پېسە سەرچەمېوە دۊڵەمەڼی تیۆری تەماشەو کتېبەکا مکەرا، هامکات پېسە یاگەگیرێوە کاریگەری خاوەنداریشا جە فکرو ڕابەر ئاپۆی کەرد.

چالاکی جە شارەکا ئۆروپای

مارسیلیا – فەرەنسا

جە چالاکییەکەنە کە بە سەرمەشقایەتی دەسەکۆیی ئەنتەرناسیۆنالیستی مارسیلیا-کوردەسانی (CIMK) جە مارسیلیا ئەنجامدریا، دەربارەو فکرەکا ڕابەر ئاپۆی گفتوگۆی ۋەرفراوانی سیاسی و فەلسەفی ڕاوەبەر کریا. جە بەردەوامی چالاکییەکەینە نەمام زەیتوونۍ نریۍ.

سالۆنیک – یۆنان

جە شارو سالۆنیک و یۆنانی-چنە  کتێبو سۆسۆلۆژیای ئازادی بە هۊرگێڵنایش پەی زۋانی یۆنانی ئشناسیا. نوێنەرا دەسوەڵێوستەی مېیاننەتەوەیی و چاپەمەنی گفتوگۆشا سەرو کتێبەکەی کەرد.

ڤال پیلیس – ئیتالیا

جمېیەرە شۆڕشگێڵنیەکۍ جە شارو ڤال پیلیسی ئیتالیاینە جە چوارچێوەو پەنەوازی بنیاڎنیای گلېرگېوە ئەخلاقی و سیایسینە دەربارەو پارادایمەکا ڕابەر ئاپۆی گفتوگۆ و هۊرسەنگنایشا کەرد. جە چالاکییەکەنە ئاماژە بە فکرەکاو ڕابەر ئاپۆی کریا کە ڕا نیشاندەرێنۍ پەی چارەسەرکەردەی پرسەکا گلېرگەو مرۆڤایەتی.

جەنەوا – ئیتالیا

بە سەرمەشقایەتی جونە ژەنا ئەنتەرناسیۆنالیستی جە چوارچێوەو چالاکییەکەینە ڕاپیمایۍ کریا. جە کاتو ڕاپیماکەینە بەشێوە جە کتێبەکا ڕابەر ئاپۆی ونیێوە و دەربارەو ئازادی ژەنا گفتوگۆ کریا.

چیری - ئیتالیا

شارو چیری ئیتالیاینە جەمېوە جە جوانا چالاکیێوە وەنایۆیشا بە جەم ڕێکوست. جە چالاکییەکەنە بڕۍ بەشۍکتێبەکا ڕابەر ئاپۆی ونیێوە و پېوەس بە ئازادی ژەنا و ئەوەکۊشای ئازادی ڕابەر ئاپۆی گفتوگۆ کریا. جوانۍ چالاکییەکەشا پېسە هەنگامېوە فیکری پېوەس بە پرسە کۆمەڵاتییەکاوە پێناسە کەرد.

تۆرینۆ – ئیتالیا

شارو تۆرینۆینە جە لایەنو دەسوەڵێوستەی کۆمونەو جوانا تۆرینی و ئالبا ڕۆزا ئۆرسۆی کۊششکاریوە چالاکییەکە ڕێکوزیا و پېوەس بە بانگەوازو 'ئاشتی و گلېرگەی دیموکراتیک'ی ڕابەر ئاپۆی، سەرو پرسەکا مۆدێرنێتەو سەرمایەداری و ئەلتەرناتیفەکاش مۆدێرنێتەو دیموکراتیکی گفتوگۆ کریا.

سالیرنۆ- ئیتاڵیا

شارو سالیرنۆینە جوانۍ و ژەنۍ گلېرۍ بیێوە و هۊرسەنگنایەکۍ ڕابەر ئاپۆی پېوەس بە ئازادی ژەناشا تاوتوێ کەردۍ. جە گفتوگۆکانە دەربارەو ماناڎاری جەهانو شۆڕشو ژەنا جە ۋەرکۊتوو مېیامینیچنە هەڵوێسەشا کەرڎ.

بەرشەلۆنە – کەتەلۆنیا

شارو بەرشەلۆنەیچەنە جە لایەنو جوانا ئەنتەرناسیۆنالیستیوە چالاکی ئەنجام دریا و قسەکۍ ڕابەر ئاپۆی چنی زاوڵا وەڵۍ کریێوە. چالاکییەکە پېسە سەرەتاو ئەرەیاۋنای فکری ڕابەر ئاپۆی پەی نەوەکا ئایندەی پێناسە کریا.

چالاکییەکۍ جە مالی و ئەندەنوسیا

بامۆکۆ- مالی

٤و نیسانی جە شارو بامۆکۆی مالینە بە سەرمەشقایەتی کۆمیتەو جوانا-  UACDDDD چڼین ژەنۍ و جوانۍ کوۍ بیێوە. چالاکییەکە جە چوارچێوەو تۆڕەو "جوانۍ تاریخ منویساوە"ینە ئەنجام دریا و سەرو ئەوەکۊشای ڕابەر ئاپۆی جە کوردەسانەنە پەی ئازادی ژەنا، شۆڕشو ۋەرنیشتی و مڎرامانو کۆبانێ تاوتوێ کریا. وەڵاکریاوۍ بەخشیێوە و بەشێوە جە کتێبەکاو ڕابەر ئاپۆی ونیێوە و چالاکا قەولو ئەوەکۊشایشا پەی ئازادی بەڎەنی ڕابەر ئاپۆی دا.

جاکارتا – ئیندۆنیزیا

شارو جاکارتاو پایتەختو ئیندۆنیزیاینە جە لایەنو تۆڕەو ABC+ کرێکاراوە جە شۊنێوە سیاسینە چالاکی وەنایۆ ئەنجام دریا و جە چالاکییەکەنە کتێبو سۆسۆلۆژیاو ئازادی و نویسیێکۍ ڕابەر ئاپۆی جە زینانەنە ونیێوە. چڼین کەسۍ بەشدارۍ چالاکییەکەی بێنۍ.

جە چالاکییەکەنە بانگەوازو "نمەتاودۍ ڕاگیری جە فکری بکەردۍ" کریا و ئاماژە پانەی کریا سەرەڕاو گۆشەگیری سەختی فکرەکۍ ڕابەر ئاپۆی بە سەرانسەرو جەهانیرە وەڵۍ باوە. بەشدارا ئاماژەشا پانەی کەرڎ بە قەرارداریوە تا مسۆگەرکەردەی ئازادی بەڎەنی ڕابەر ئاپۆی تۆڕەو پەشتیوانی فراوانتەر مکەرا.

پۍ چی ڕوانو وەنایۆی و پێ چێشی ڕابەر ئاپۆ؟

ئا قەیرانۍ جە لایەنو مۆدێرنیتەی سەرمایەدارییوە وەش مکریۆ بە قڕکەردەی ژەنۍ، سروشتی و گلېرگەی قوڵتەر بۆوە و گېڵای چارەسەری پەی ئی قەیرانایچە زیاتەر بۆ. ئانەی ئیناسان ویرش چنەمکەرۆوە ئانەنە کە نویستەیەکۍ ڕابەر ئاپۆی هێزو چارەسەریش جە ۋەرا ۋەرو ئی قەیرانانە هەن. پارادایمو مۆدرنیتەی دیموکراتیکی، مافو گەلا دیاریکەردەی چارەنوویسو ۋێش، ئازادی ژەنا، ژیۋای ئیکۆلۆژی و ئایندەو ۋێش مسپارۆ بە دیموکراسی و ڕا ۋەردەمو چارەسەریینە مکەرۊوە.

شیکارییەکۍ ڕابەر ئاپۆی کە پێشکەش بە ژەناش کەرڎەن و ڕوانگەی پېوەس بە ئازادیی جوانا نەک تەنیا پەی گەلوو کوردی جە هەمانکاتەنە پەی گەلا جەهانیچ یاگەگیرێوە جەهانییا. پېوەس پینەی ڕوانو وەنایۆ پەی بنیاڎنیای ئاوەزیەتێوە هامبەشو ئەوەکۊشای ئەنتەرناسیۆنالیستی پېسە هەڵمەتێوە گرنگۍ مۊرەو ۋێش جە تاریخی دان.