دۊڵەتو ئێرانی جە یەرۍ مانگۍ سەرەتاو ساڵۊو ٢٠٢٥ینە جە ۋەرکۊتوو کوردەسانی و سەرانسەرو ئێرانینە ٢٣٠ کەسێش جە قەنارە دێنۍ. بە پاو داتاکاو ڕێکوزیاکا مافو مرۆڤو ئێرانی، دلۍ ئا کەسانە ٨ ژەنۍ هەنۍ.
مەحمود ئەمیری موقەدەم، ڕاوەبەرو ڕێکوزیاکا مافەکا مرۆڤو ئێرانی کە مېیانەکەش ئینا نەرویج، سەرو ئامارەو جە قەنارەدای جە ۋەرکۊتوو کوردەسانی و ئێرانی گوزارشتێوەش وەڵا کەرڎۆ.
جە گوزارشتەکېنە ئاماژە پانەی کریان جە یەرۍ مانگۍ سەرەتاو ئېساڵینە جە ۋەرکۊتوو کوردەسانی و ئێرانەنە، ٢٣٠ کەسۍ، کە ٨شا ژەنینۍ جە قەنارە دریێنۍ.
زیاڎ بیەو ڕێژەو جە قەنارەدای
مەحمود ئەمیری ئاماژەش پانەی دا ژمارەو ئی جە قەنارەدایا ئی یەرە مانگەیە، مقارنە بە ساڵەی ۋېیەردۍ دووۍ ئاڼنە زیاڎشا کەردەن و واتش: "ئێران پەی جە قەنارەدای زینانیا سیاسی ئیسفاڎە جە پشێوی بەینو وڵاتا و ئەمریکای هۊرگێرۆ."
شیاوو باسیا ساڵەی وەڵینە ٩٧٥ کەسۍ جە ۋەرکۊتوو کوردەسانی و ئێرانەنە، جە لایەنو ڕژێمو دۊڵەتو ئێرانیوە دریێنۍ قەنارە.
