کۆنگرەو یەکسانی و دیموکراتیکی گەلا (هەدەکە) دەربارەو بانگەوازە تاریخیەکەو ڕابەر ئاپۆی بە نامونیشانو "ئاشتی و گلېرگەی دیموکراتیکی" ئەرەیاۋنێوە نوویسیاش وەڵاکەرڎۆ. جە ئەرەیاۋناکەینە تەئکیدکریاوە، ئەرەیاۋېیان فرە گرنگا و ماچۆ: "بانگەوازەکەو ئېژا ئۆجالانی جە ٢٧ و شوباتی، پەی بنیاڎنیای گلېرگەی دیموکراتیکی فرە گرنگ موینمۍ. پۊکەی بانگەوازو ئاشتی و گلېرگەی دیموکراتیک هامکات پەی گرڎو گلېرگەی و هێزە ڕێکوزیاکان".

"ئێمە ۋەرپرسیاری پەنەواز گێرمێنە ئەستۆ"

جە ئەرەیاۋناکەینە ئامان: " کۆنگرەو یەکسانی و دیموکراتیکی گەلا پەی بنیاڎنیای ژیوگێوە سیاسی، ۋەرپرسیاری پەنەواز گێرمێنە ئەستۆ. پەی ئانەی کلتوورو دیموکراتیکی باڵادەس بۆ، پەنەوازا هەنگامەی پەنەوازە بنریۆ. پەی ئانەی ئاشتی بە کۆمەڵایەتی بۊوە، پەنەوازا گرڎو لایەنە سیاسییەکا، جمېیەرەکا زەحمەتکێشی و ژەنا و جوانا و ژیۋگەپارێزنی و گەلی و باوەڕیەکا، پېوەرە ۋەرپرسیاری پەنەواز گێرانە ئەستۆ".