خەڵکوو کانتۆنوو فراتی مەراسیمێوە جەماوەریینە جەنازەو جەنگەوانوو قەسەدەی شێرۆ کۆبانێ (ئیبراهیم حەسەن بۆزۆ) کە جە ١٢ ئادارینە وەختوو ئۆپراسیۆنوو پاککەردەیۆ ئەوەمەنەکاو داعشینە گەشمەردە بی، قەبرسانوو گەشمەردە دیجلەینە بەخاکی ئسپارییا.

ئەوەڵوو مەراسیمەکەی بە دەیەقێو ڕێزپەی گەشمەردا دەسش پەنە کرد. ڕاوەبەروو ئەنجومەنوو بنەیانەو گەشمەرداو قنێ، شرین محمەد حسێ وەعدوو لوایش سەروو ڕاو گەشمەردا ئەوەخوای کەردۆ و واتش: " حەر یسە زەمینێوە ئی خاکەینە ونەو گەشمەردێوە مجیێنە. وەعد مدەیمێ بە گەشمەرداما تا دما وەختوو ژیوایما سەروو ڕاو کۆشیایشاوە بیـمێ."

دمایی ئەنداموو ئەنجومەنوو سەروازیی کۆبانێ زانا قەهرۆ واتش: "گەشمەردە شێرۆ وەراوەروو دوژمنی کۆنەپەرسینە ڕاو مدرامانیش گێرتە. تا ئاخر خاوەندارێتیی جە میراتوو گەشمەردە شێرۆی کەرمێ."

ئاخرۆ ئەنجوومەنوو بنەیانەو گەشمەردا نامێ گەشمەردەیشا واناوە و داشا دەسوو بنەیانەکەیشاوە. دمایی گەل پێوە لوێ دلێ خێمێ سەرەوەشی و دەگاو قاسمیەینە وەرنیشتوو کۆبانێنە و سەرەوەشیشا پەی بنەیانەو گەشمەردەی بەروست.