بە دروشموو "بەخشای کرێڵوو بەختەوەریین" سەعات ١٠و سەرسەعبوو ئارۊی، بە سەرپەرشتیی ڕێکوزیاو شنروۍ کاکەیی و بە سپۊنسەری دارایی ئەرەمەرزیاو "کەریموو عەلەکەی"، جە دەگاو هاوارینە، چوارەمین مەراسیموو "ماسوو قەڵاتۍ"ی تایبەت بە کاکەییەکا لوا ڕاوە.

 مەراسیمەکە "ڕۊو بەخشاین" کە بۊنێوە ئاینی و کۊمەڵایەتیی کاکەییەکاو دەگاو هاوارین و ساڵانە و چی سەروبەندنە ملۊ ڕاوە.

  مەراسیمەکەنە چندین چالاکیۍ ئاینیۍ و هونەریۍ پێشکەشۍ کریۍ، چەنی بەخشای بەرهەموو شۊتەمەنیی ئاژەڵۍ ملوو یۊترینیرە، یاگۍ واتەینە ئی مەراسیمە زوۊن کاکەییەکاو مەنتێقەو هەورامانوو لهۊنی، دەگایەکاو "هاواری و هاوارەکۊنی و دەرەتوێ" جە پارێزگاو هەڵەبجەینە بەراش ڕاوە، بەشداریکەرڎەی چەنەش پێسە ئەرکێوە ئاینی تەماشە کریۊ لاو خەڵکوو ئی مەنتێقەیۊ و کاکەییەکاوە، مەراموو مەراسیمەکەی پتەوتەرکەرڎەی گیانوو تەبایین بەینوو یۊترینینە، کاکەییەکۍ گەرەکشانە چێوە پەنەما واچا ئارۊ گرڎما نمەکەو یۊترینی کەرمۍ و پێسەنمۍ یەک خێزانی، بەخشای کە پاێوە گرنگەو ئاینەکەیمانە، کەرڎەنما بە بنەماو پێوەرەژیوای.

س.ز‌‌