نویسگەو ئەرەیاۋنای ئەنجومەنوو سوریای دیموکراتیکی (مەسەدە) سەبارەڎ بە هجوومەکەو هێزی (٢٦/٢/ ٢٠٢٤) دژوو بیناو ئەنجومەنەکەیشا جە شاروو قامیشلۆو کانتۆنوو جزیرەینە ئەرەیاۋنێوەش وەڵاکەردۆ.

جە ئەرەیاۋناکەینە ئامان، "شەوەو ٢٦و شوباتی هجومێوە تیرۆریستی جە دژوو ناوەندەکەیما جە شاروو قامیشلۆینە ئەنجامدریا. کەسانۍ نەشناسیۍ نارنجۆکێوەشا وستە دلۍ حۊشۍ بیناکێما. هجومەکە تەنیا زەرەری ماددیش چنە کۊتۆ. هێزەکاو ئاسایشوو دلێینەی دەسشا بە ئەوەکۊڵیای کەردەن.

ئا هوجوومەیە بە تنی شەرمەزار کەرمۍ، ئەنجامدەراو هجوومەکەی هەڵوێسی نیشمانیی ئێمەشا جە بارەو بەقوەتکەردەی گفتووگۆو دلێینەی پۍ پێکئاوردەو دیموکراسی جە وڵاتەکەنە کەردەن ئامانج.

رای گرڎی دڵنیا کەرمێوە کە ئا هجوومە جە کۊشیای پۍ ئامای دی ئامانجەکاما دوورما مەوزۆوە. تا چەسپنای سەقامگیری سیاسی جە سوریانە درێژە بە کۊشیایما مڎەیمۍ".