٩ گەنجۍ تەرۍ بە ئەرەیاۋنېوە بەشداربیەی ۋېشا جە ڕیزەکاو پەکەکەینە ئەرەیاۋنا.

جە ئەرەیاۋناکەو ئا گەنجانە ئامان، "ڕابەر ئاپۆ جە کۊشیای ٥٠ ساڵەو ۋېشەنە دژوو سیستموو مۆدێرنیتەی سەرمایەداری و ئەقڵیەتە چەپەڵ و نائەخلاقیەکەو ئا سیستمەینە، ڕاو بنیاڎنیای ژیۋای ئازاڎیی، یەکسانی و ئەخلاقیش بە ئێمە نیشانەدان.

گەنجەکۍ ئەرەیاۋناشا، کە ژیۋای ئازاڎ جە کەشەکانە شێوازوو ژیۋای ڕابەروو گەلوو کوردی عەبدوڵا ئۆجالانیا و واتشا، "گەریلاکۍ ئازاڎیی ئارۆ بە گیانبازی و کۊشیای رۆحی ئاپۆیی دلۍ کۊشیای شۆڕشگێڵنینە پۍ وەڵۍ ملا".

گەنجەکۍ ئانەیچشا وست ڕووە، کە گەریلاکاو ئازاڎیی ٤٥ەمین ساڵیاڎوو ۋېشا بە دایوەنەو گورزۍ جە فاشیزموو دەوڵەتوو تورکی پیرۆز کەرڎ و ئەرەیاۋنایچشا، "پی رۆح و هەڵوێستۆ ئێمە پایېما وستېنۍ ٤٦ەمین ساڵیاڎوو ئەرەمەرزناو پەکەکەی و ئێمە پېسە گەنجا ئەرەیاۋنمېش کە ئامېنمۍ دلۍ ریزەکاو پارتوو کرێکاراو کوردسانی".

گەنجەکۍ ئانەیچشا وست ڕووە کە گەرەکشانە حەقەو شش گەنجا بساناوە کە ٢ ساڵۍ چېوەڵتەر جە کۆبانۍ جە ئاکاموو هجومېوە ئاسمانی دەوڵەتوو تورکی فاشیستی قڕکەرینە گەشمەرڎۍ بیۍ و واتشا، "ئێمە حەقەو ئا هامڕایا کەرمېوە و ئاوات و وەرمەکاشا مارمۍ دی و نمازمۍ تفەنگەکېشا سەروو زەمینیۆ مەناوە".

جە دمادمایچەنە گەنجەکۍ ئەرەیاۋناشا، کە ئاڎۍ چنی هامڕا گەریلاکاشا شان بە شان جە کەشە ئازاڎەکانە ژیۋایۍ ئازاڎ و ئەخلاقی بەراڕاوە و واتشا، "ئێمە ۋېما جە فەلسەفەو بیردۆزوو ڕابەر ئاپۆینە قووڵتەر کەرمېوە و جە کوردسان، ۋەرکەوتوو دلېڕاسەی و جەهانینە زیاتەر بیمۍ بە یاردیدەر پۍ وەڵاکەرڎەیۆ ئا ئەندێشا".

جە دمایی ئەرەیاۋناکەیشانە گەنجەکۍ داواشا جە گرڎوو گەنجا کەرڎەن کە بەشداری جە ریزەکاو گەریلاینە کەرا و ئەرەیاۋنانشا، "بەیدۍ ژیۋایۍ راستەقینە بژیودۍ و جیهانێوە شایستە بنیاڎبنیەیدۍ".