ڕۊنامەنویس "محەمەد گولەش" بۊنەو ئانەیۊ جە تۊڕە کۊمەڵایەتییەکانە، هەواڵێش وەڵۍ کەرڎێنۍ، بە بەهانۍ 'بانگەشەکەرڎەی پەی ڕێکوستەی' یەرۍ ساڵۍ و ١٥ ڕوۍ سزاو زینڎانییش ملەرە سەپیا، دماو ئانەی سزێکێش ورە شنیاوە، واوەی داڎگایی کریاوە.

دووەمین ئەرەنیشتەی داڎگاکەی جە دووەمین داڎگاو سزا قورسەکاو خارپێت-ینە کریا. گولەش و پارێزنەرەکەش "ڕەسول تەمور" جە داڎگاو ئامەدیوە بە سیستموو دەنگی و ڕەنگی بەشڎاریشا جە ئەرەنیشتەکەینە کەرد.

داواکاری کۊماری داواش کەرڎە، ڕۊنامەنویس "محەمەد گولەش" بە بەهانۍ ' بانگەشەکەرڎەی پەی ڕێکوستەی' سزا دریۊ.

لوجنەو داڎگای سزاو ساڵێوە و ٩ مانگا و ٢٥ ڕوا زینڎانییش ملوو گولەشیرە سەپنا.

س.ز