"ئایدۊغان"ە ئەرەیاۋناش، ھورچنیېکۍ ١٤و ئایاری یۊنۍ جە گرنگتەرین ھورچنیاکا جە تاریخو سیاسی تورکیاینە و ۋاتش، "ھورچنیېکۍ ١٤و ئایاری پۍ گەلا تورکیای و سەرکوتکریایا و چېردەسا بۊ بە ھورچنیەو ڕزگاری جە دەسەڵاتو ئاکەپە و مەهەپەی."

 ئایدۊغانە ۋاتش، "بە نامۍ هەدەپەیۊ پەشتیوانی جە پارتو چەپە سەوزەکا مکەرمۍ و ئێمە ئی ھوچنیەیە پۍ ئاینڎەو گەلا تورکیای فرە بە گرنگ مزانمۍ. ئینە پۍ گەلا تورکیای بە ھورچنیەو دیاریکەرڎەو چارەنوۋیسی مزانمۍ. پۊکەی ئانە ڕۊشن بۊۋە کە گەلا تورکیای و، گەلوو کورڎی، ۋیر و باوەڕیە جیاوازەکۍ و کولتورە جیاوازەکۍ تورکیېۋە تەرشا پنە خاستەرا یان نا؟. ئایا گەل دماو ١٤و ئایاری بەرەو دیموکراسی کەرۊۋە و ئێمە جە تورکیېۋە تازەنە بە هیوا و ھومېڎۊ مژیۋمۍ؟ یان ئایا ئێمە چېرو دەسەڵات و فاشیزمی ئاکەپە – مەهەپەینە مەنمېۋە؟ بێگومان ئێمە قەناعەتما ئانەن کە گەلا تورکیای پنەشا خاستەرا دیموکراسی ھورچنا، بە دڵنیاییۊ ئانەیچ جە ڕوۋەو ماف و ئازاڎیی و مافەکا مرۊڤیۊ مکەرا. ئاڎۍ ھورچنیەو ۋېشا مکەرا پۍ ڕزگاربیەی جە ئاکەپەی، کە چا ڕوۊن ئینا دەسەڵاتەنە کێشەو کورڎیش چارەسەر نەکەرڎەن و گەندەڵیش پۊۋە مکەرۊ .

پۊکەی ئێمە ماچمۍ، پارتو چەپە سەوزەکا. ئێمە پۍ ئاینڎەو تورکیای دروشمێۋە سەرنج کێشەما هەنە: چەپە سەوزەکۍ تەنیا ڕانە. پۍ ئانەیچ گرنگا گرڎو دەنگدەرا تورکیای، چ جە ۋڵاتەنە یان جە جبەرو ۋڵاتی دەنگ بە پارتو چەپە سەوزەکا بڎا".

ھ.ش