نەورۆزو نسێبینی : بەرەکاو ئیمراڵی بکەردێوە
ئاهەنگو نەورۆزو نسێبینینە، هامسەرۆکو کەجەدەی بەردان ئۆزتورک داواش وەنەو دەسەڵاتی کەردە: "بەرەکاو ئیمراڵی بکەردێوە، چەنی بەڕێز ئۆجالانی کوێ بیدێوە".
نسێبینو مێردینینە بە درووشمو "ئەرەپڕە، وەختو ئازادی و سەرکەوتەین" مەیدانو نەورۆزیینە وەردەمو پارکو جگەرخوێنینە، نەورۆز مەبارەک کریا.
هەزاران کەسێ بەیانیوە بە عەلەمەی سەوزە و سورە و زەردەوە درووشمو "بژیوۆ نەورۆز" و "بژیوۆ سەرۆک ئاپۆ" مجیێرە مەیدانەکا.
سەرەڕاو ئاستەنگو پۆلیسی، جەماوەر وێش یاونا مەیدانەکە و ورپڕایشا گەرم کەرد.
هەزاران کەسێ درووشـمو "بژیوۆ سەرۆک ئاپۆ" و "بژیوۆ مدرامانو زیندانەکا" و "ژەنی، ژیوای، ئازادی"یشا بەرزێ کەردێوە، هاموەخت چەنی بەرزکەردەیۆ ڕسماو ڕابەرو گەلو کوردی عەبدوڵا ئۆجالانی.
هامسەرۆکو کۆنگرەو جڤاکی دیموکراتیک (کەجەدە)ی بەردان ئۆزتورک و ئەدایاو ئاشتی ئاویرو نەورۆزیشا کەردۆ.
کاندیدو دەم پارتی پەی هامسەرۆکی شارەوانیی مێردینی، ئەحمەد تورک واتش: "بە گۆشەگیری و ستەم نمەتاوا پەرسەو کوردی چارەسەر بکەرا، تا گەلو کوردی نەیاوۆ دیموکراسی و ئازادی، تورکیچ ئازاد نمەبۆ، بەیدێ پێوە پەرسەو کوردی چارەسەرە بکەرمێ، پەرسەو کوردی بە ڕاو ئاشتیێوە شکۆداری چارەسەرە مبۆ".
هامسەرۆکو کەجەدەی، بەردان ئۆزتورک واتش: "مەیدانو نەورۆزی پەیامێوە مدۆ پا فاشیستا، با وەزیرو دلێ و وەزیرو بەری و وەزیرو دارایی نەلا وەردەمو بەرەو واشنتۆن، بەرەو ئیمراڵی بکەراوە، چنی بەڕێز ئۆجالانی کوێ باوە، با گردو کێشەکاتا چارەسەرێ با".
ئۆزتورک واتش: "وەختو ئازادی و سەرکەوتەین" هەرپاسە قسەکاش بە بەروستەی "یا سەرکەوتەی، یا سەرکەوتەی" دمایی پنە ئاردێ.
ئاهەنگەکە بە ورپڕای دماییش ئاما.
