ئەنجوومەنی ئەدەب-فەرهەنگی ڕۆجیاری وکۆمەڵیوە جە نویسەراو هەورامانی، مەبارەکبایی وەنەو نویسەر و ڕۆماننویسوو کوردی بەختیار عەلی کەرا، بۆنەو ورگێرتەی خەڵاتوو هێڵدا-دۆمینی ئەڵمانیوە پەی ساڵەو ٢٠٢٣ و ئەرەیاونانشا، کە پیسە نویسەراو هەورامانی سەرەبەرزی  ئی خەڵاتییەتە وەنە مەبارەک کەرمێ و هومێدوو لەشساقیت پەنە ماچمێ و  هامدەنگ پەنەت ماچمێ چەمەڕاو خەڵاتوو نۆبڵیەنمێ چەنەت، دلێ مەبرەکباییەکەیچنە ئاماژەشا بە قسێ دادوەراو  خەڵاتەکەی کەردەن و کە واتەنشا " چی دنیاو جەنگ و ئاژاولێنە، بەختیار عەلی نموونەو ئینسانیەتیش دلێ ئەدەبیاتەکەیشەنە ئەرمانان".

یاگێ واتەینە هیزی دەسەو ڕاوەبەراو خەڵاتوو هێڵدا-دۆمینی ئەڵمانی پەی ساڵەو ٢٠٢٣ ئەرەیاوناشا، کە ئێساڵ خەڵاتەکەشا پەی نویسەری نامیەو کوردی بەختیار عەلین، بۆنەو ئا خزمەتیوە کە دلێ ڕۆمانەکاشنە بە ئینسانیەتیش کەردەن.