جە کەمپو پەناھەندا گەشمەرڎە رۊستەم جودی (مەخمور)ینە پەرسە پۍ دڵشاد گەڤەری گەریلاو هەپەگەی نریارە. پەرسەکە جەلایەن و دەزگا و گەلوو کەمپو مەخموریوە نریارە. گەل دەسەجەمعی کۊبیێۋە و بەرەو پەرسەکەی لوۋۍ و جە کەسایەتی گەشمەرڎە دڵشاد گەڤەڕینە دەیەقېۋە پۍ گەشمەرڎا ئازاڎیی کورڎسانی مرڎۍ. دماتەر "پاکستان پیلەن" ئەنڎام و کۊردیناسیۊنو ئەنجومەنی عەشتاری قسېش کەرڎۍ.

"پاکستان بیلەن" سەرەتاو قسەکاشنە جە کەسایەتی گەشمەرڎە دڵشادینە یاڎو گرڎو گەشمەرڎا ئاخېزو کورڎسانیش کەرڎۊ و ۋاتش، " ئێمە پۍ ئازاڎیی گەلوو کورڎی گەشمەرڎۍ مڎەیمۍ. پۊکەی ۋەختۍ باسو گەشمەرڎا کریۊ، گرڎ قسېۋە جە ئاستو گۊرەیشانە کەما و نمەتاومۍ بە قسەکەرڎەی باسو رەنج و خەباتیشا کەرمۍ. جە سایەو سېبەرەو ئا گەشمەرڎانە دوژمن مەتاۋۊ بیۋۊ بە وەرمەکاش. سەرو ئی بنەمۍ واوەی(دووبارە) سەرەوەشی جە سەرۊکایەتی و هەڤاڵا و خانەواڎەو گەشمەرڎەی و گرڎو گەلوو کورڎی ۋڵاڎپارێزی مکەرمۍ."

حەرپاسە بەنامۍ خانەواڎەو گەشمەرڎەیۊ، "زیا گەڤەر" مامۊو گەشمەرڎە دڵشاد گەڤەری قسېش کەرڎە و سەرەتا خېرئامایش جە ئاماڎەبیا کەرڎ و ۋاتش، " سەرەۋەشی جە رابەر ئاپۊی و گەلوو کورڎی و هەڤاڵاش مکەرو کە جە سەنگەرەکاو جەنگینە مدرامان مکەرا و ' گەشمەرڎۍ مەمرا."

دماو پەرسەکەی، مەراسیمەکە بە دروشمەکا '' بژیۋۊ رابەر ئاپۊی' و ' گەشمەرڎۍ مەمرا" دمایش پنەئاما.

ھ.ش