جە کۊبیەیۆ گەلینە جە ساینت-ئاڤۆلد، داوا کریا جە کوردا ئەوروپای، جە ڕاپیماو ١٧و شوباتینە کۆڵن کوۍ باوە، کە پەی ئازاڎیی جەستەیی ڕابەروو گەلوو کوردی عەبدوڵا ئۆجالانی و چارەسەری سیاسی پۍ پرسوو کوردی و دمایی ئاردەی بە ئەرەگیری ئەنجام مڎریۆ.
هەڵمەتەو 'ئازاڎیی پۍ عەبدوڵا ئۆجالانی'، چارەسەرکەردەی کێشە سیاسییەکا کوردی' کە جە ١٠/١٠/٢٠٢٣ێوە دەسشپنەکەردەن، حەتا مۍ ۋەرفراوانتەر بۆ. چی چوارچێوەیچەنە 'ڕاپیمای ناوەنڎوو کۆڵن'ی جە ١٧و شوباتینە، جە ساڵوەگەڕوو پیلانگێڵنی میان نەتەوەینە دژ بە ڕابەروو گەلوو کوردی، ملۆڕاوە. پۍ ئا مەبەستیە گەلوو کوردی بە ڕۆحی سەفەربەرییوە کۆبۆوە و دژ بە ئەرەگیرا ڕاپیمای کەرۆ. جە چوارچێوەو ئاماڎەکارینە پۍ ئا ڕاپیمایە، گلێرۆبیەیۍ جە ناوەنڎوو گلێرگەو دیموکراتیکی کوردی، جە شاروو ساینت-ئاڤۆلدینە ڕێکوزیا.
جە کۆبیەیۊکەینە باس جە گۆشەگیری ئیمراڵی کریا، ئاماژەشا پانەی دا؛ گۆشەگیری جە کەسایەتی ڕابەروو گەلوو کوردی عەبدوڵا ئۆجالانینە، گەلوو کوردی و گەلا ۋەرکەوتوو دلێڕاسەی گۆشگیرکریێنۍ، حەرپاسە ئاماژەشا پانەی دا پۍ چارەسەرکەردەی کێشە سیاسییەکا کوردی، پێویسا گۆشەگیری لابریۆ.
دماتەر جە گلێرۆبیەکەینە داواکریا "پۍ ئازاڎیی، دمایی ئاردەی بە ئەرەگیری و مردنای تاوانەو جەنگی جە دژوو مرۆڤایەتی، پێویسا گرڎ ئازاڎیی وازۍ کۆڵنەنە ئاماڎەبۆ و هەڵوێس نیشانەو دەوڵەتوو ئەرەگیری تورکی و هێزی میان نەتەوەی بڎا".
