ڕێکوستەو شارو ئیستەنبوڵو پارتو چەپی سەوزی شەکواش سەرو ٢٣٦ سنوقا دەنگدای ٢٧ مەنتیقانە، کە ئەنجامەکېشا یۊگیرۍ نەبېنۍ تۊمار کەرڎ. لانیکەم ٣ هەزارۍ و ٥٧٠ دەنگۍ پارتو چەپی سەوزی تۊمار نەکریېنۍ.
ئەنجامۍ ھۊرچنیەکا سەرۊکایەتی و پەرلەمانی، کە ڕۊو ١٤ و ئایاری لوۋاڕاوە، تا مۍ زیاتەر ڕۊشنۍ باوە. پارتو چەپی سەوزی جە ئیستەنبوڵ ئانەش پۍ ڕۊشنبیەنۊ، کە ئەنجامە ئیمزاکریېکۍ بنکەکا دەنگدای چنی ئامارەکا دەسەی باڵاو ھۊرچنیەکا یۊ مەگېراوە.
پارتو چەپی سەوزی جە ٢٧ مەنتیقۍ ئیستەنبوڵی، جە هەرێمەکا یوۋەم و دوۋەم و یەرەمیش دیاریکەرڎېنۍ. پارتو چەپی سەوزی ئەرەیاۋناش، جە ٢٦٣ سنوقانە پاشێلکاری ئەنجامدریان و بە گرڎی ٣ هەزارۍ و ٥٧٠ دەنگۍ پارتو چەپی سەوزی، بەپاو ئا ئیمزایا کە ئینۍ وەرودەسیشانە، تۊمار نەکریېنۍ. پارتو چەپی سەوزی ئەرەیاۋناش، زیاڎ جە هەزاران دەنگۍ بە نامۍ ئاکەپەی و مەهەپەیۊ تۊمار کریېنۍ.
ھ . ش
