پارتو چەپی سەوزی دەسنیشانش کەرڎ کە فرەو مەنتیقەکانە دەنگەکۍ پارتو چەپی سەوزی دزیېنۍ.

پارتو چەپی سەوزی ئانەش وستڕوە کە جە دژو ئا پاشێلکارییا، حۊلەکېشا وستېنۍ گەڕ و ئەرەیاۋناش: "مشۊ شۊنیرە لوای پۍ پرۊسەکەی کریۊ". پارتو چەپی سەوزی ئا سنووقۍ کە پاشېلکەرڎەی و گزییشا چنەکریان پی جۊرە دەسنیشانش کەرڎېنۍ:

شڕنەخ

جزیر

*بە پاو تۊمارو ئەنجمی سنوق و پسوڵەو ھۊرچنیەی سنوقو ژمارە ١٠٨٥ی، پارتو چەپی سەوزی ١٧٤دەنگۍ و، پارتو یۊبیەی داڎپەروەری ٠ دەنگشا بەدەسئاورڎەن، بەڵام بە پاو ئا پسوڵا کە ۋەڵاکریېنۍ پارتو یۊبیەی داڎپەروەری ١٧٤ دەنگۍ و پارتو چەپی سەوزیچ ١  دەنگش پۍ نۋیسیان. حەرپاسە پۍ پارتو یەنیدەنی رەفای کە دەنگش پنەدریان ٧٣ دەنگېش پۍ نۋیسیان و پۍ مەهەپەیچ کە ١ دەنگش بیەن دوۋۍ دەنگېش پۍ نۋیسیان.

*بە پاو تۊمارو ئەنجامو پسوڵەو ھۆرچنیەو سنوقو ژمارە ١٢٤٠ی پارتو چەپی سەوزی ٢٣٣ دەنگۍ و مەهەپەیچ ٣ دەنگېش بیېنۍ، بەڵام بە پاو ئا پسوڵەیەی کە ۋەڵاکریانۊ مەهەپە ٢٣٣ دەنگۍ و پارتو چەپی سەوزیچ ١ دەنگش پۍ نۋیسیان. حەرپاسە بە پاو تۊمارەکەی پارتو یەنیدەی رەفاهی کە دەنگش بەدەسنارڎەن ٣ دەنگۍ و پۍ پارتو یۊبیەی بویوکیچ کە دەنگش نارڎەن، ١٨ دەنگېش پۍ نۋیسیېنۍ، حەرپاسە پارتو گەنجایچ کە دەنگیش نارڎەن دوۋۍ دەنگېش پۍ نۋیسیان.

* بە پاو تۊمارو ئەنجامو پسوڵەو ھۆرچنیەو سنوقو ژمارە ١٢٤٩ پارتو چەپی سەوزی ١٤٧ دەنگۍ و مەهەپە ١ دەنگشا بیەن؛ بە پاو ئا تۊمارەیە کە ۋەڵا کریانۊ ١٤٧ دەنگۍ پۍ مەهەپەی و ٢ دەنگېچ پۍ پارتو چەپی سەوزی نۋیسیان. پارتو یۊبیەی گۊرەی کە حیچ دەنگێوەش نەبیەن ٢٤ دەنگۍ و پۍ پارتو یۊبیەی هێزی کە حیچ دەنگېش نەبیەن ٢ دەنگۍ و پۍ پارتو داڎپەروەری کە دەنگش نەبیەن ١ دەنگ و پۍ پارتو رزگاری گەلا کە دەنگش نەبیەن ١ دەنگ و پۍ جەهەپەیچ کە دوۋۍ دەنگېش بیېنۍ ١ دەنگش پۍ نۋیسیان.

باسا

بە پاو تۊمارو ئەنجامو پسوڵەو ھۆرچنیەو سنوقو ژمارە ١٠٠٦ ی پارتو چەپی سەوزی ١٢٢ دەنگۍ و، مەهەپە ٩ دەنگېشا بیېنۍ، بە پاو ئا تۊمارەیە کە کۊمسیۊنو باڵاو ھۆرچنیەی ۋەڵا کەرڎەنۊ مەهەپە ١٢٢ دەنگۍ و پارتو چەپی سەوزیچ ١ دەنگش پۍ نۋیسیان.

جۊلەمێرگ

ناۋەنڎ

جە سنوقو ژمارە ١٠٩٤ینە پارتو چەپی سەوزی ٢٢٩ دەنگېش بیېنۍ، بەڵام دەنگەکېش پۍ ئاکەپەی نۋیسیېنۍ.

رحا

خەلیلیە

٨٢ دەنگۍ پارتو چەپی سەوزی جە سنووقو ژمارە ١١٢٠ پۍ پارتو عەدالەت بیرلیکی نۋیسیېنۍ.

سێوەرەگ

٧٤ دەنگۍ پارتو چەپی سەوزی جە سنوقو ژمارە ١٠٦٩ پۍ مەهەپەی نۋیسیېنۍ.

ئێلیح

ناۋەنڎ

٢٣٢ دەنگۍ پارتو چەپی سەوزی جە سنوقو ژمارە ٠٥١ پۍ پارتو یەنیلیکی نۋیسیېنۍ.

مێردین

نسێبین

٢٢٥ دەنگۍ پارتو چەپی سەوزی جە سنوقو ژمارە ١٠٣٥ پۍ مەهەپەی  نۋیسیېنۍ.

ئامەڎ

پەیاس

١٩٨ دەنگۍ پارتو چەپی سەوزی جە سنوقو ژمارە ٢٢٥٢ پۍ مەهەپەی نۋیسیېنۍ، جە فارقین ٢٢٨ دەنگۍ پارتو چەپی سەوزی جە سنوقو ژمارە ١٠٣٢ پۍ مەهەپەی نۋیسیېنۍ، ١٢٥ دەنگۍ پارتو چەپی سەوزی جە سنوقو ژمارە ١١٤٥ پۍ مەهەپەی نۋیسیېنۍ".

هـ . ش