پارتوو چەپی سەوزی وەرپەرساو فراکسیۆنەکەیش پەرلەماننە دیاریێ کەردێ
پارتوو چەپی سەوزی کۆبیەیۆێش پەی ئا کاندیداشە ساز کەرد، کە جە ورچنیەی ١٤و ئایارینە سەرێ کەوتێبێنێ و وەرپەرسێ جیاجیێ فراکسیۆنەکەیش پەرلەماننە دەسنیشانێ کەردێ.
پارتوو چەپی سەوزی دماو ورچنیەی یووەم کۆبیەیۆش چەنی پەرلەمانتارەکاش کەرد.
کۆبییەیۆکەی ئەنقەرەنە بە سەرۆکایەتیی هامقسەکەراو پارتوو چەپی سەوزی چیدەم کلیچگون ئوچارە و ئیبراهیم ئاکن، هامسەرۆکە گردینەکاو پارتوو دیموکراتوو گەلا (هەدەپە)ی پەروین بوڵدانە و میدحەد سانجای لوا ڕاوە.
کۆبییەیۆکەینە وەرپەرساو فراکسیۆنەکەی پەرلەماننە پێسە دەسنیشانێ کریێ:
سەرۆکوو فراکسیۆنوو پەرلەمانی: پەرلەمانتاروو ئیستەنبوڵی سڕی سوورەیا ئوندەر
قەراردەروو کارگێڵنای پەرلەماننە: پەرلەمانتاروو سێرت تونجەری باکرخان
کاندید پەی سەرۆکایەتیی پەرلەمانی: پەرلەمانتاروو ئەدەنەی تولای حاتیمئوگیولاری
سەرۆکایەتیی فراکسیۆنی: تا ڕاوەلوای کۆنگرەو پارتوو چەپی سەوزی پەرلەمانتاروو ئەرزرومی مەرال دانش بەشتاش و پەرلەمانتاروو ئانتالیای ساروخان ئولوچ، دەستنیشانێ کریێ.
س.ز
