پارێزنەرا نۋیسینگەو یاسایی سەڎەی، "ڕێزان ساریجا، نەورۊز ئویسال، مەزڵوم دینچ و فایەق ئۊزگۊر ئەرۊل" پۍ ۋیناو "عەبدوڵا ئۊجالان"ی ڕابەرو گەلوو کورڎی، کە جە زینڎانۍ ئاسایشی ئاستبەرزو جۊرو ئێف-ی جە ئیمراڵینە زینڎانی کریان، سەرداو نۋیسینگەو داواکاری گرڎی بورسای و ڕاۋەبەرو زینڎان و ئیمراڵیشا کەرڎ.

حەرپاسە پارێزنەرۍ پۍ ۋیناو "عومەر خەیری و کۊنار و حامیلی یڵدرم و وەیسی ئاکتاش"، کە ئاڎێچ ئیمراڵینە زینڎانی کریێنۍ، سەرداو داواکاری گرڎی و ڕاۋەبەرو زینڎانەکەیشا کەرڎ.

پارێزنەرۍ عەبدوڵا ئۊجالانی "ڕێزان ساریجا و نەورۊز ئویسال" تاۋاشا دماو ٨ ساڵا جە ۲ وۍ و ۲۲ۍ ئایاری و ۱۲ و ۱۸و حوزەیرانی و ۷و ئابو ۲۰۱۹ ینە چەمشا بە موەکیلەکاشا گنۊ. چا ۋەختۊ تا ئیسە پارێزنەرەکۍ نەتاۋانشا چەمشا بە موەکیلەکاشا گنۊ.

ھ.ش