(پەدەکە) بە شێوازێوی تەرسناک دەستش دان فروان کەردەی دەسەڵاتداری وێش و سەر و وار و چەپ و ڕاستەرە هێز و جبەخانە ڕەوانە مەکەرۆن و بنکێ و بارەگایێ سەربازیێ دروستێ مەکەرۆن.
جە ئی چوارچوەنە، (پەدەکە) نەک تەنیا پەی هەرێمەکێ پارێزنای میدیای و گەریلای، بەڵکو پەی ناوچەکێ چێرو دەسەڵاتو (یەنەکە)ی هێز و جبەخانەی سەربازی ڕەوانە مەکەرۆنە و بنکێ و بارەگایێ سەربازیێ دروسێ مەکەرۆن و سنورو دەسەڵاتداری وێش فراوانتەر مەکەرۆنەوە.
جەی ئی بارەوە ئاژانسو (ڕۆژ نیوز)ی بە وێنێ و دیمەنێوە ئی زانیاریێشە وەڵاوێ کەردێنێوە:

 گەرەوان و گەروێ سپی
 
یەکێتی نیشتیمانی کوردستان-یەنەکە و پەدەکە، 
جە دمای کۆتایی ئاوردەی بە جەنگی براکوشی، دەگایەکێ گەرەوان و گەروێ سپی سەر بە ڕواندز-یسان چوون سنورو میانیشان دەستنیشانێ کەدێ بێن. بەڵام جە ئیسەنە پەدەکە ئاسنورەشە بەزانان و سنورو دەسەڵاتداری و سەربازی وێش فراوانتەر مەکەرۆنەوە و جە ناوچەکەنە بنکێ و بارەگایێ سەربازیێ دروستێ مەکەرۆنە.

بەرزایی (سمۆر)ی

پەدەکە هیزی پەنج شەممە هێز و چەکی قورسش بەردەن بەرزایی (سمۆر)ی نزیک جە گەرەوان و یاگەگیرێش کەردێنی و سەنگەرێ و بنکێ و بارەگایێ سەربازیێ دروستێ مەکەرانێ.

بێخمە، هەنارە و خەلان

٣٠ و ٣١و مانگۍ ویەردێ، هێزەکێ زێرەڤانی و چەکدارە چەتەکێ ڕۆژ-ی بە چەکی قورس و جبەخانەوە بریێنی (بێخمە، هەنارە و خەلان)، کە مەگنانە نزیکو (گەلو عەلی بەگ)ی و یاگەگیرێش کەردێنێ.

کۆڕەک و گۆرس

دیسان پەدەکە هێز و چەک و جبەخانەی قورسش کیاستەن کەشەکێ (کۆڕەک-ی و گۆرس-ی) نیازش هەن بنکێ سەربازیێ دروستێ بکەرۆن.

دەگاو (گەرەوان)ی، یاگێوە سترایژیەش هەنە و (ڕانیە – ڕواندز)ی پێوەرە مەبەسۆنەوە. هەر هێز و لایەنێ ناوچەکەی کۆنترۆڵ بکەرۆنە، ئاوەختە زاڵ مەبۆنە سەرو ڕووبەرێوی فراوان جە ناوچەکێ (ڕانیە و ڕەواندۆز)یەرە و کویسانەکێ (سێوەک، زین، بێڕێش و کاروخ)ی کە سەر بە هەرێمەکێ پارێزنای میدیا-یەنێ مەوزۆنە چێرو چەمداری و دەرەنجام ڕانیە و ڕەواندوز-ی جە هەنەتری مەبڕۆرە.