کۆمیتەو پەشتیوانی جە بنەماڵەو شەهیدانو پەکەکە-ی، جە ئەرەیاۋنایێۋەنە ئاشکراش کەرد، یوە جەژەنە کۆشەرە و پێشاهەنگەکانو جمیەر و کۆشای ئازادی کوردستانی بەگردیی و جمیەرو ژەنا بە تایبەتیی، شەهیدبیێنە.
کۆمیتەکە دەستنیشانش کەردەن: (دەلال عەزیزئۆلو ئەشناسیۍ بە ڕاپەڕین ئامەد)ـە، جە رۊدیارو ١٧و حوزەیرانو ٢٠٢٢ـە جە هەرێمەکۍ پارێزنای میدیای شەهیدە بیێنە و جە بارەشەۋە ئی زانیاریێشە ئاشکرۍ کەردێنۍ:

راپەڕینە یوە جە ژەنە کۆشەرەکانو جمیەر و کۆشای ژەنێ وئازدی کوردستانی، جە ساڵەو  ١٩٦٩ جە ناوچەو فارقینی سەر بە پارێزگاو ئامەدی ئامێنە دنیۍ.. تا؟ساڵەو  ١٩٧٧ی جە ئاگە ژیۋێنە و دماتەر چەنی بنەماڵەکەیش کۆچبەرۍ شارو ئەنقەرەی بیێنۍ. جە ئا شارەنە هامتەریب چەنی قۆناغەکانو وانای و مسیاری، ئاشنایەتیش چەنی جمیەر و کۆشای ئازادی کوردستانی بە ڕابەرایەتیی پەکەکەی پێڎا کەردەن و تێکەڵەو کاروانو خەباتی بیێنە بە جۆرێ کە جە ساڵەو ١٩٩٢ـە جە ئیالەتو ئامەدی بەشدارەو دلۍ ڕیزەکانو پەکەکەی بیێنە.
هەڤاڵەما ڕاپەڕینە ١٩٩٦ی شیێنە مێڎانو سەرۆکایەتیی تا ساڵەو ١٩٩٨ی جە ئاگە مەنێنەۋە و تا ٢٠٠٠ جە فرە یاگێنە کۆشێنە. ٢٠٠٠ تا ٢٠٠٥ جە ئەوروپا ئەرکدارە بیێنە و درێژش بە کۆشای دان و جە فرێو جە چالاکییەکانە بەشداری کارا و پێشاهەنگانەش کەردەن.
دماتەر جە ٢٠٠٦ – ٢٠٠٧ پەی درێژەدای بە خەباتی، ڕووەش نیێنە وەراسانو کوردستانی. بە هەمان مەبەست جە ٢٠٠٨ـەنە شیێنە پانیشتو کوردستانی و کۆشەرانە پەی زیاتەر جەیەک ساڵی بەشدارەو کۆشای پارتو چارەسەرو دیمۆکراتی کوردستان (پ.چ.د.کە)ی بیێنە.
دماتەر جە کۆشای بەردەۋامە بیێنە تا ٢٠١١ـەنە بە ئەندامەو دیۋانو سەرۆکایەتیی کۆنگرەو گەلی هۆرۋچنیێنە. هەڤاڵ ڕاپەڕین ئامەده، هەتا ئا ساتە جە ١٧و حوزەیرانو ٢٠٢٢نە کەشە سەرکەشەکانو کوردستانییەنە بە هێرشو ڕژێمە ئەرەگێرەکەو تورکیای شەهیدە بیێنە، بەبێ مدرای و مانیانەشناسانە کۆشێنە و تەرسیش ۋستێ بێنە دڵو دوژمنی.

ئێمە جە کۆمیتەو پەشتیوانی جە بنەماڵەو شەهیدانو پەکەکە-ی، سەرەڕاو سەرەوەشی جە وێمان و کەسوکاریش و گەلە وڵاتپارێزەکەیمان،  جە کەسایەتیی شەهید راپەڕینێنە ڕێز جە سەرجەم شەهیدانو شۆڕشی منیێمۍ و بەدڵنیایەوە بەڵێن تازە مکەرمێوە؛ جە دەوڵەتە بکوشەر، پاکتاوکەر، ئەرەگێر و فاشیستەکەو تورکیا و هامکارە خائینەکاش بپەرسمێوە و تۆڵەشان ونە بکەرمێوە.