پۆلیسو تورکیای هۊرشکوا سەرو بیناو مەد-دەری و کتێبخانەو پایز پەرتووکی
پۆلیسو تورکیای هۊرشکوا سەرو بیناو مەد-دەری کە وەنەو زۋانی کوردیش چنە مونیۆ و دەسشگێرت سەرو ناوەندو پایز پەرتووکیرە و چڼین کەسێش گێرتۍ.
سەرسەعبو ئارۆی جە بەردەوامی ئۆپراسیۆنە قڕکاریە سیاسیەکانە پۆلیسو تورکی هۊرشکوا سەرو بیناو جەمەو ئەوەکۊڵیای زۋانی و کولتورو میزۆپۆتامیا (مەد-دەر)ی کە هەرمانەو پەرەپنەدای زۋانەوانیش چنە ئەنجام مڎریۆ، هەر چا ئۆپراسیۆنەنە دەسش سەرو ناوەندو پایز پەرتووکیرە گېرت.
ئاشکرابیەن چا ئۆپراسیۆنەنە چڼین کۊششکارۍ هەردووە ناوەندەکەی گیریێنۍ و گێڵای و وشکنای پۆلیسی جە ناوەندەکانە بەردەواما.
ناوەندو جەمەو ئەوەکۊڵیای زۋانی و کولتورو میزۆپۆتامیا (مەد-دەر)ی جە ساڵەو ٢٠١٧یۆ جە ئامەدەنە وەنەو زۋانی کوردیش چنە مونیۆ.
هەر ئارۆ پۆلیسوو تورکیای جە ناوچەو قۆسەرێی مێردینی هۊرکوۆ سەرو چڼین یانا و چڼین کەسۍ گێرۆنە. ئاشکرابی کە چا ئۆپراسیۆنەنە ڕاوەبەرا وەڵینۍ هەدەپەی نەجلە کایە، عەبدولغەنی فەریدغۆلاری و یاسەمینە ئینۍ دلۍ ئا چڼ کەسەینە کە گیریێنۍ.
ئەرەیاۋییا ئانۍ کە گیریێنۍ بریێنۍ پەی فەرماندەیی جەندرمەی جە شارەکەنە.
