جەواد پۊلان ئەنداموو لوجنەو ئاسایش و وەرگێریی پەرلەمانوو عێراقی، قسەکاو وەزیروو چوەروو تورکیای شەرمەزارۍ کەرڎۍ سەبارەت بە هجوومکەرڎەی سەروو سنوورەکاو عێراقی، داوا جە حوکمەتوو عێراقی کەرۊ جە ئەنجوومەنوو ئاسایشی و نەتەوە یۊگێرتەکانە دژوو تورکیای سکاڵا جووڵن
جەواد پۊلانی واتش: «پەرلەمان دژوو گرڎ ئۊپەراسیۊنێوە سەروازیی تورکیاین پەی سەروو عێراقی، ئینە قبووڵ مەکریۊ و بەزنای سەروەریی وەڵاتین»، ئاماژەش پانەیە کەرڎ «ئامانج چی قسا بۊ پڕوپاگەندەو ورچنیەینێ».
پەرلەمانتارەکەوعێراقی داوا جە حوکومەتی کەرۊ سنوورەکاش پارێزنۊ، جە ئەنجوومەنوو ئاسایشی و نەتەوە یۊگێرتەکانە سکاڵا جووڵنۊ دژوو تورکیای و پیلانگێڵنییەکاش پەی سەروو عێراقی.
وەزیروو چوەروو ئەرەگیروو تورکی، سولەیمان سۊیلو، بانگەشەو ئانەیش کەرڎ، حەلەب گنۊ سنووروو ئادیشاوە و ئشناسنامە بە ئەرەنیشتەکاش بەخشا، حەرپاسە سنوورەکاو سوریا_عێراقی کۊنتڕۊڵ کەرا.
س.ز
