پرشنگ عەزیزیە جە سەرەتاو نامەکەینە ئاماژەش بە خەموەری پەخشان عەزیزیێ کەردەن پەی دۆخو ژەنە ئێزدیا و ماچۆنە: "پەخشانە خەمو ژەنا ئێزدینە بێ، کە بە مەڵامەتو جەنگیۆ ئاوارێ کەشەکا بیی، ماچۆنەیچ، جە حەر یاگێنە ژیواو خەڵکی تەرسینە بحنە مشۆم بلمێ پەی هامکاری کەردەی و زامەکا ساڕێژ کەرمێنە."

'لوێ گرڏ یاگێ پەی یارمەتی ژەنا'

جە بەردەوامی نامەکەینە ئاماژە بە خەموەری پەخشان عەزیزیێ پەی ژەنا کریان و ئامان: "ئەڏیا و تاتەم گەرەکشا بێ پەخشان عەزیزیە مەهەبادەنە چنیشا مەنۆوە، بەڵام ئاڏ  جە خەمو ژەنا ئێزدینە بێ، کە بە مەڵامەتو جەنگیۆ ئاوارەو کەشەکا و بیابانەکا بییبینێ.

پەخشانە هەمیشە واچێ ئەر ئێمە یاگێ ئاڏشانە بییەنمێ و ئاڏێ بێدەنگێ بیێنێ، ئێمە چنین ویر کەرێنمێ؟، ئارۆ چاکە جەنگ هەن و دووێ ڕوێ تەر یاگێ تەرەنە."

'ئینسان بییەی گرنگا و وابەسەو یاگەکێش نەبۆ'

پرشنگ عەزیزیە جە درێژەو قسەکاشەنە ماچۆنە: "پەخشانە بەردەوام ئاماژە پانەیە دێ، کە گرنگ نییا جە حەر یاگێنە بی، ئینسان بییەی گرنگا، جە حەر یاگێ عێراقی، سووریا، فەلەستین، شنگال، حەلەب، غەزە و لوبنان ژیواو خەڵکی تەرسینە بۆ مشۆم بلمێنە پەی هامکاری کەردەی و کەمتەرخەمێ نەبیمی و زامەکا سارێژ کەرمێنە، چونكە جە دلێڕاسە جەنگینە، ئاوارەکێ بەبێ یارمەتی مەژیوا."