پەی گەریلاو هەپەگەی جەسور ڤەدات وەڵاتی، کە ١٠ ئاداروو ٢٠٢٣ هجوومێوە دوژمنینە پەی سەروو هەرێمەکاو پارێزنای مەدیای چەنی دووۍ هامڕایاش گەشمەرڎە بی، پەرسەخانەو فارقینو ڕێزانوو ئامەدینە پەرسە نریارە، بەشێوەی جەماوەری پەرسەکۍ لوا ڕاوە.  

سەردایەکە بە سەرمەشقایەتیی کۊمەڵەو چاندی و یۊبییەی و پەشتیوانی و هامکاریی بنەیانەو بێسەروشۊناو بێشکۍ شارستانییەتی میزۊپۊتامیا (مەبیا-دەر)ی کریا، هامسەرۊکوو کۊنگرەو جڤاکی دیموکراتیک (کەجەدە)ی بەدران ئۊزتورک و نوێنەروو پارتە سیاسییەکا و ڕێکوزیا مەدەنییەکا بەشدارۍ بێنێ.

دماو خولەکێوە ڕێزگێرتەی پەی یاڎوو گەشمەرڎاو ئازاڎیی کورڎسانی، دوعا ونیا.