"پەی ئازادیی جەستەیی ڕابەر ئاپۆی بەشداری نەورۆزوو قەندیلی بیدێ"
گەنجێ وەڵاتپارێزنێ چەمچەماڵی، پەیامێوەنە داوا وەنەو تەماموو کوردا و ئازادیوازا کەرا، بەشداریی ئاهەنگوو نەورۆزوو قەندیلی کەرا.
ئێشەو شارەکڵەو چەمچەماڵینە، ئەنداماو کۆمەڵەو گەنجە وەڵاتپارێزناو کوردستانی و ژەنە گەنجە کۆشەرا، بە وەرگێرتەی چڵۆسکا پێسەو سیماو ئێروو نەورۆزی و سەروو ساڵێ تازێ کوردیێوە، پەیامێوەنە کە ئاڕاستەو سەرجەموو چینەکاو کوردی کەسە ئازادیوازاشا کەرد، پەیامەکەشانە داواشا کەردە گرد لایێ نەورۆزوو ئێساڵوو قەندیلینە بەشدارێ با تا پێوە نەورۆزی مەبارەک کەرا و ئازادیی جەستەیی ڕابەروو گەلوو کوردی ڕابەر عەبدوڵا ئۆجەلانی دەسەبەر کەرا.
دەقوو پەیامەکەو کۆمەڵەو گەنجە وەڵاتپارێزناو کوردستانی چەمچەماڵنە پێسنە بێ: "ئێمە پێسەو کۆمەڵەو گەنجە وەڵاتپارێزناو کوردستانی چەمچەماڵنە مەبارەکبایی جەژنەو نەورۆزی و سەروو ساڵێ کوردیێ وەنەو سەرجەموو گەلوو کوردی و ڕابەرەکەیش ڕابەر عەبدوڵا ئۆجەلانی کەرمێ، پەی بەدەسئاردەی ئازادیی جەسەیی ڕابەر ئاپۆی و ئازادیی گەلوو کوردی ئێمە پێسەو گەنجاو چەمچەماڵی ئاهەنگوو نەورۆزوو قەندیلینە بەشدارێ بیمێ، پەوکای داوا جە تەماموو چینەکاو گەلوو کوردی و گردوو ئازادیوازا کەرمێ بەشداریی نەورۆزوو ئێساڵی با قەندیلنە تا پێوە نەورۆزی مەبارەک کەرمێ و ئازادیی جەسەیی ڕابەر ئاپۆی دەسەبەر کەرمێ".
بە واتەیۆ دروشمەکاو "بژیوۆ سەرۆک ئاپۆی" و "بێ سەرۆکی ژیوای نمەبۆ" و "نەورۆز مەبارەک بۆ" کۆمەڵەو گەنجە وەڵاتپارێزناو کوردستانی چەمچەماڵنە دماییشا بە پەیامەکەیشا ئارد.
