پەیەدە جە ئەرەیاوناێوەنە ئەوەخوایش کەرڎۊ، ڕۊی جیهانیی کرێکارا هامپەشتی و یۊبییەی چینە چەوسیاوەکا بەرجەسە کەرۊ پەی بەدیئارڎەی دادی کۊمەڵایەتی و گەشەپەنەدای، بە دەور و حەوڵە دڵسۊزانەکاشا وەڵاتۍ بنیات نریاوە و گلێرگەکۍ گەشیاوە.
جە ئەرەیاوناکەینە ئامان:
«بە بۊنەو ١ وو ئایاری، ڕۊی جیهانیی کرێکاراوە، پەیەدە مەبارەکبایی جە گردوو چینە چەوسیاوەکا کەرۊ؛ ئی ڕوە هامپەشتی و یۊبییەی چینە چەوسیاوەکا بەرجەسە کەرۊ بەدیئارڎەی دادی کۊمەڵایەتی و گەشەپەنەدای، بە دەور و حەوڵە دڵسۊزانەکاشا وەڵاتۍ بنیات نریاوە و گلێرگەکۍ گەشیاوە. ئی چینە جە سەرنیشت و وەرکەوتوو سووریاینە بەگرڎین، چەوسیایۊ فرەش چەشت بە دەسوو ڕژێمی ستەمکاروو مەرکەزی، کە گردوو چینەکاو گلێرگەی کەرۊ بە کۊیلە، حەرپاسە بۊنەو قەیرانوو سووریایۊ کە بە حوکموو دەستوستەیدلۍ هەرێمی و میاندەوڵەتییەکا فاڕیا پەی جەنگوو دلۍ، پا بۊنەوە سوورییەکۍ بە گردوو چینەکاوە ڕووبەڕووۍ کارەساتی بیێنێوە، بەتایبەت چینوو ڕەنجدەراو گلێرگەی جە سەراپاو جوگرافیاو سووریاینە، کە بۊنەو ملەملۍ دەسەڵاتیوە ناڵنا.
ئێمە پێسە پەیەدەی ئجۊما، هەرمانە و دادپەروەریی کۊمەڵایەتی جە سیستەمێوە نامەرکەزی و ژیوگەێو فرەیینە بناغێوەن پەی بەدیئارەدی ورێستەیۊیۍ سەراپاگیری و هامشانبییەی چەنی ئا پەرەسانایە کە جیهانی هامچەرخ وینۊش بە وێشۊ، جە گردوو بوارەکانە تا گەلۍ بە ڕەنج و کۊشیای ڕەنجدەرا گنا وەڵۍ، واخواش کەرمێوە، دیموکراتیزەکەرڎەی سووریای و نامەرکەزیەت، تاکە گەرەنتیین پەی گەشەپەنەدای و پتەوکەرڎەی ماف و ئازادییەکا و ژیوای هامبەشی و شکۊمەندانەی، بنیاتنیای سووریاێوە بە دەسوو گردوو پێکئامایەکا ئامانجی ستراتیژیی ئێمەن، بەتایبەت ئینە بەرجەسەو ئامانجە بەرزەکا کەرۊ، کە ئیدارەی وێڕاوەبەری سەرشاوە مەرزیانرە و چی دمایەیچۊ دەسوەڵێوستەێش ئەرەیاونا، پەی حەلی سیاسی سەروو بنەماو مافوو ڕەنجدەرا. ئی قۊناغە پەنەوازییش بە یۊوستەی ڕوانگەی و حەوڵاو سوورییەکان دژوو ڕژێموو ستەمی و ئەرەگیروو تورکی پەی زاڵبییەی ملوو قۊرتەکارە و ئامایدی سەقامگیریی وازیای، تا بەرهەمئارڎەی و بنیاتنیای نەمرڎۊ.
ئێمە جە مەجلیسی گرڎینوو پەیەدەینە، مەبارەکبایی ڕۊی جیهانیی کرێکارا، جە کرێکاراو جیهانی و سوورییەکا و گەلەکەیمان وەرکەوتنە کەرمۍ، جە هەمان وەختنە یادوو قوربانییەکاو سووریای کەرمێوە، بە گردوو پێکئاما و چینەکاوە، وەڵۍ گرڎیشانە گەلەکەما جە سەرنیشت و وەرکەوتوو سوریاینە، قەرار مدەیمۍ بە درێژەدای بە کارەوانیشا تا یاوای بە سووریاێوە دیموکراتیکی و نامەرکەزی، بە دەستوورێوە تازەوە کە دلێشنە مافوو گرد پێکئاما و چینەکاو سوریای پارێزیا بۊ و گردوو پەرسەکا چارەسەر ۍ کریا، بەتایبەت پەرسەو کورڎی».
س.ز
