پژاک ئەرەیاۋناش، " گەشمەرڎە بیەو دوۋۍ جوۋانۍ کۊششکاری و شۊڕشگێڵ و ئاخېزو کورڎسانی (هەڤاڵ كاروان هەورام و ئارام سیروان) جە ۋەرکەوتوو کورڎسانی وەرپەرسی زیاتەر وزۊنە سەروشانا هەڤاڵا و هامرێبازاشا."
كۆمیتەو یاۋنەری پارتو ژیای ئازاڎیی كورڎسان (پژاک)ی یاۋنەریېش جەبارەو گەشمەرڎەبیەو دوۋۍ کۊششکارا و شۊڕشگێڵا کورڎسانی (هەڤاڵ کاروان هەورام و ئارام سیروان)ی ۋەڵاکەرڎۊ.
جە یاۋنەریەکەو پژاکینە ئامان، " گەشمەرڎە بیەو دوۋۍ جوۋانۍ کۊششکاری و شۊڕشگێڵ و ئاخېزو کورڎسانی (هەڤاڵ كاروان هەورام و ئارام سیروان) جە ۋەرکەوتوو کورڎسانی وەرپەرسی زیاتەر وزۊنە سەروشانا هەڤاڵا و هامرێبازاشا.". بۊنەو گەشمەرڎەبیەو هەڤاڵ کاروانی و ئارام سیروان)یۊ پەرسە و سەرەوەشی ۋېما جە گەلەکەیما جە ۋەرکەوتوو کورڎسانی، خانەواڎەو سەربەرزو هەر دوۋە هەڤاڵی گەشمەرڎەی و ئازادیواز و هۊگرا یاۋنەری ئازاڎی مکەرمۍ و سڵام جە ھەڵۋېسو ئەڎایا ئاشتی و بە تایبەت جە ئەڎاو گەشمەرڎە کاروانی مکەرمۍ کە بە ورېوە بەرز و شۊڕشگێڵانۊ خۊتانکەرڎەی جە ڕېبازو گەشمەرڎا مکەرۊ."
پژاک ماچۊ، " هەڤاڵ كاروان یۊ چا شۊڕشگېڵ و خەباتكارا یاۋنەری ئازاڎین كە جە کۊشیای ئازاڎیوازی گەلەكەیمانە جە ۋەرکەوتوو كورڎسانی و ئێرانی خۊتان رەنجێوە بۍ وچان بۍ. هەڤاڵ كاروان جە خەباتو ۋېشەنە هەڤاڵا گەشمەرڎەو یاۋنەری ئازاڎیی”سیروان ناری و شاهۆ جوانڕو، گەشمەرڎۍ ١و گوڵانی، شیلانە، زیلانە پەپوولۍ، میلیتان جوودی و زاگرۊس مانی” کەرۊنە سەرمەشقو کۊشیای كاروخەباتو رێكوستە و كەسایەتی یاۋنەری شۊڕشگېڵیی بەدرێژایی عمرو شۊڕشگێڵی دلۍ خەبات و کۊشیای ئازادیوازی گەلوو كورڎسانینە. پېسە مامۊسېوە و شۊڕشگېڵۍ ئەركی هەمیشەیی ۋېش بەرەو گەلینە ۋینېوە و ئەرك و وەرپەرسیاری سەرەكیچش وشیارکەرڎەیۊ گەلین جە واران ۋەرو تەڵەكەبازیەكا دەسەڵاتی و دەسەڵاتە ملهوڕ و فاشیست و دیكتاتۊرەكانە."
ئەرەیاۋناکەو کۊمیتەو یاۋنەری پارتو ژیای ئازاڎیی کورڎسان (پژاک)ی پی جۊرەنە:
" چی وەختە هەستیار و چارەنۋیسسازەنە کە گەلەكەما و ئاخېزو كورڎسانیش پۊرە ۋیەرۊ، گەشمەرڎە بیەو هەر هەڤاڵێوە ئەرك و وەرپرسیاری و بارو سەرو شاناو هەر شۊڕشگېڵۍ و تاكێوە كورڎی و ۋڵاڎپارێز و نیشتمانپەروەری قورستەر و گرانتەر کەرۊ. گەشمەرڎە بیەو دوۋۍ جوۋانۍ کۊششکاری و شۊڕشگێڵ و ئاخېزو کورڎسانی (هەڤاڵ كاروان هەورام و ئارام سیروان) جە ۋەرکەوتوو کورڎسانی وەرپەرسی زیاتەر وزۊنە سەروشانا هەڤاڵا و هامرێبازاشا." بۊنەو گەشمەرڎەبیەو هەڤاڵ کاروانی و ئارام سیروان)یۊ پەرسە و سەرەوەشی ۋېما جە گەلەکەیما جە ۋەرکەوتوو کورڎسانی، خانەواڎەو سەربەرزو هەر دوۋە هەڤاڵی گەشمەرڎەی و ئازادیواز و هۊگرا یاۋنەری ئازاڎی مکەرمۍ و سڵام جە ھەڵۋېسو ئەڎایا ئاشتی و بە تایبەت جە ئەڎاو گەشمەرڎە کاروانی مکەرمۍ کە بە ورېوە بەرز و شۊڕشگێڵانۊ خۊتانکەرڎەی جە ڕېبازو گەشمەرڎا مکەرۊ."
جە تاریخو ئەرەکۊشای ئازاڎیوازی گەلوو كورڎسانینە یاۋنەری ئازاڎ زوۋان حاڵو راسەوخۊو کۊشیایی ئازاڎیوازی و ژیای و جەنگ و ئەرەکۊشای گەریلایەتی و خەباتو رێكوستەین. ئەركش ۋەڵاکەرڎەیۊ ۋیروهزرو رێكوستەی و وشیاركەرڎەیۊ گەلین و دەورو نیشاندای ئا ئەرك و وەرپرسیاریەو ئاخېزین جە قۊناخ و قەڵەمبازیە جیاوازەكا کۊشیاینە. پۍ جابەجۍ کەرڎەو ئا ئەركا و ھەرمانوكاروخەباتی یاۋنەری ئازاڎی هەمیشە هەڤاڵ مەزلووم دۊغان كە رابەر ئاپۊ پېسە رۊحی شاراوەو ۋېش پێناسەش کەرۊ و گەشمەرڎۍ غوربەت ئەلی ئەرسۊزە كە بە خەباتگېڕۍ سەرمەشقەو ھەرمان و کارو یاۋنەری ئازاڎی جە تاریخو کۊشیای ئازاڎیوازی بەنامۍ کریۊ؛ پېسە سیمبول و ڕانیشاندەرۍ ۋېشا جە ڕاپڕنای خەباتی یاۋنەری و هامشانو ئانەیچ پېسە كەسایەتیۍ شۊڕشگێڵی جە کۊشیاینە ۋېشا ۋیناوە.
هەڤاڵ كاروان یۊ چا شۊڕشگېڵ و خەباتكارا یاۋنەری ئازاڎین كە جە کۊشیای ئازاڎیوازی گەلەكەیمانە جە ۋەرکەوتوو كورڎسانی و ئێرانی خۊتان رەنجێوە بۍ وچان بۍ. هەڤاڵ كاروان جە خەباتو ۋېشەنە هەڤاڵا گەشمەرڎەو یاۋنەری ئازاڎیی”سیروان ناری و شاهۆ جوانڕو، گەشمەرڎۍ ١و گوڵانی، شیلانە، زیلانە پەپوولۍ، میلیتان جوودی و زاگرۊس مانی” کەرۊنە سەرمەشقو کۊشیای كاروخەباتو رێكوستە و كەسایەتی یاۋنەری شۊڕشگېڵیی بەدرێژایی عمرو شۊڕشگێڵی دلۍ خەبات و کۊشیای ئازادیوازی گەلوو كورڎسانینە. پېسە مامۊسېوە و شۊڕشگېڵۍ ئەركی هەمیشەیی ۋېش بەرەو گەلینە ۋینېوە و ئەرك و وەرپەرسیاری سەرەكیچش وشیارکەرڎەیۊ گەلین جە واران ۋەرو تەڵەكەبازیەكا دەسەڵاتی و دەسەڵاتە ملهوڕ و فاشیست و دیكتاتۊرەكانە. پاڵپەشتو مەزڵوومان و بە قەڵەمو كامێرە و تەجیلەكەیشۊ بۊ بە صەڎاو گەلی و ئاخېز و ئازاڎیی. هەڤاڵ كاروانیچ درېژی عمری شۊڕشگېڵی ۋېش چا ڕېنە نیارە و بۍ ئانەی دەیەقېوە جە ژیایشەنە هەس بەمانیای کەرۊ، حۊل دۍ بە شێۋېوە چنەئامایانە بۊ بە هاوارێوە دلۍ سەڎان هەزار هاوارا و دەنگو ئازاڎینە پۍ ئانەی صەڎاو ئاخېزو كورڎسانی و ئازاڎیی ژەنۍ كە پارادایمی هزری، فەلسەفی، رێكوستەی كۊمەڵایەتی رابەر ئاپۊین بیاۋنۊ گەلەكەیما جە ۋەرکەوتوو كورڎسانی و گلېرگەو ئێرانی.
هەڤاڵ كاروان جە خانەواڎېوە نیشتمانپەروەر و رەنجدەرو هەرێمو هۊرامانی پا عەشق و ئەۋینەی پۍ گەشمەرڎا و هرزو رابەرایەتی بېش، بەشڎارو ئاخېزو كورڎسانی و ریزەكا گەریلای بۊ و هەر پا عەشق و ئەۋینۊ كە پېسە پاشخانێوە نیاش و گەلەكەما جە دەڤەرو هۊرامانی پنەش گۊشكریابۍ بۊ بە شەرڤانێوە ڕاو حەقیقەتی و دلۍ ریزەكا خەباتی گەریلاینە بە بۍ دوۋەدڵی جە گرڎوو مەیڎانەکا خەباتینە سەرمەشقبیەو خەباتو رێكوستەی و راپڕناو ئەرك و وەرپرسیاری گېرۊنە ئەستۊ.
هەڤاڵ كاروان ماوەو چنڎ ساڵۍ جە کۊمیتەو یاۋنەری پەژاکینە بۊ بە صەڎاو گەلەكەیما و خۊتان رەنجێوە گۊرەن و یاگە پەنجۍ دەسیش جە پەروەردەكەرڎەی فرەو ھەرمانو کارو خەباتەكا یاۋنەری ئازاڎو ۋەرکەوتوو كورڎسانی و ئێرانینە ۋینیۊ و بۊ بە سیمبولېوە كە پۍ هەتا هەتاین قافڵەکەو گەشمەرڎە كاروانی و ئارام سیروانی پەی رۊشنفکری و وشیاركەرڎەیۊ گەلەكەیما و سەروستەو ئاخېزو كورڎسانی و چانیشایچ ئاخېزو "ژەنی، ژیای، ئازاڎی"نە مرڎایش پۍ مەبۊ و قافڵەکەو گەشمەرڎە كاروانی تەنیا ئامانجش سەركۊتەی و ئازاڎین. هەڤاڵ كاراوان تەنیا یاۋنەری کارۍ نەبۍ؛ بەڵكم یاۋنەریکارۍ شۊڕشگېڵ بۍ پۊکەیچ مانیایی نەشناسۍ و شەوو ڕۊ حۊل و فاڕایۊ دەنگو ئیشەکا گەلەكەیما و ئازاڎیوازا بۍ.
هاموەخت ئا ئەرکەی کە هەڤاڵ کاروان بە قەڵەم و کامێرەکەیش ئەنجامش دۍ، هەڤاڵ ئارام سیروانیچ جە سەنگەرەکا مدرامانو زاپی و ئاڤاشینی و مەتیناینە جە وەران ۋەرو وەحشی تەرین و گەورەتەرین سوپاو ناتۊی و دەوڵەتو فاشیستی تورکی و چەتەکاش بە تفەنگەکەو دەسیش زیڕەش وستەبۍ دڵو ئا دوژمناوە کە حۊلو دەسدرێژی و ئەرەگیری سەروکورڎسانی دېنۍ. هەڤاڵ ئارام سیروان فیدایۍ بەرەکا جەنگی و گەریلېوە فیدایی بۍ. ئا فیدایی بیەیشە پێۋیسا بۊ بە ڕەمزېوە دلۍ جیلو گەنجی و ئازاڎیوازەکا ئێرانینە.
پېسە كۊمیتەو یاۋنەری پەژاكی؛ جارێوەتەر سۊز و وەعدما درێژەداین بە قافڵەکە و گەشمەرڎە كاروانی و گرڎو گەشمەرڎا یاۋنەری ئازاڎی كە پەی ئامانجەكا گەشمەرڎە كاروانی گوڕ بە ئەرەکۊشای ئازاڎیوازیما بڎەیمۍ و سەركۊتەی حەتا نەسرەوتەی کەرمۍ دروشمو خەبات و ئەرەکۊشای ئازاڎیوازیما."
ھ . ش
