جەنگیز چیچەک و سڕی سوڕەییا ئوندەر کاندیدەکاو پارتوو چەپی سەوزی ئەستەنبوڵنە، کە سەرۍ نویسگەو یاسایی سەدەیشا دا، لاو ڕازیە ئوزتورک، ئیبراهیم بیلمەز، جەنگیز یورەکلی و رێزان سارجا پارێزنەراوعەبدوڵلا ئۊجالانی ڕابەروو گەلوو کورڎیوە خێرامایشا چەنە کریا.

جە سەرڎایەکەنە باسوو دۊخوو عەبدوڵڵا ئۊجالانۍ ڕابەروو گەلوو کورڎی و زیندانیای تەری کریا، کە جە زیندانوو پیتی ئێفوو ئاسایشوو باڵاو ئیمڕالینە گیریێنۍ.

پارێزنەرۍ ئەرەیاوناشا کە ئا قەرارە بارەو گۊشەگیریوە نیشانە دریۊ یاسایی نییا و باسوو حەوڵەکاشا چی ڕووەوە کەرڎەن. پارێزنەرۍ باسوو ئانەیشا کەرڎ، کە زیاتەر جە دووۍ ساڵان زانیارییشا بارەو موەکیلەکاشاوە نییا و ئاماژەشا بە قەراروو کۊمیەتەو مافەکاو ئینسانی (کەمەمە)و سەر بە نەتەوە یۊگێرتەکا کەرڎ. ئانەشا وستەن ڕووە، کە دۊخەکە ئادێش نیگەرانۍ کەرڎێنۍ و پێسە کارڎایۊشا نیشانە دا، " چەنی ئی دۊخەیچە، قسەوباس بارەو بەڕێز عەبدوڵلا ئۊجالانی موەکیلەکەیماوە کریۊ، ئێمە ئی گفتوگوا بە ڕاس و ئێتیکی مەزانمۍ."

پارێزنەرەکۍ واتیچشا، " بەڕێز عەبدوڵلا ئۊجالان پەی چارەسەری هەمیشەیی مشکیلەو کورڎی و دیموکراسی لایەنێوە سەرەکی و گرنگا. پەنەوازا نامۍ بەڕێز ئۊجالان پێسە ئامێرێوە نیشانە نەدریۊ. بەپێچەوانەوە زەرەرش پەی گرڎوو وەڵاتی بۊ. جە وەختێوەنە کە بەڕێز ئۊجالان ئینا چێروو گۊشەگیریێوە قورسینە ، ئینە قبووڵ مەکریۊ."

پارێزنەرۍ هومێدوو سەرکەوتەیشا پەی کاندیدەکا جە ورچنیەینە واست و جە سەرڎایەکەینە بەگرڎی باسوو گۊشەگیری و چارەسەروو مشکیلەو کورڎی کریا.

س.ز