موراڎ قەرەیلان ئەنڎامو کۊمیتەی ۋېڕاوەبەری پەکەکەی ئەرەیاۋناش، گەلوو کورڎی چی ھۊرچنیەنە دژوو 'پلانەو دلېنەبەرڎەی، کە ماوەو ٨ ساڵان جە لایەن و هامپەیمانیی ئاکەپە – مەهەپە – ئەرگەنەکۊنەکاوە ملۊڕاوە، ویس و ئیراڎەو ۋېش نیشانەدا.
موراڎ قەرەیلان ئەنڎامو کۊمیتەی ۋېڕاوەبەری پەکەکەی ئەرەیاۋناش، گۊرەتەرین و گرنگتەرین ئەنجامو ھۊرچنیەکا ئی دماییە ئانە بۍ، کە سەپنای و کرڎەوەکۍ ڕژێمو ئاکەپە – مەهەپە - ئەرگەنەکۊنی جە دژوو گەلوو کورڎسانی بە ئاکام نەیاوا و ۋاتش: "ئاڎۍ نیازشابۍ هێزە شۆڕشگێڵەکا پاکتاو کەرا، دەستکۊتەکا دلېنە بەرا، پی جۊرە گەلی بۍ ڕێکوستەی کەرا، ئیراڎەو گەلی جە گەلی بساناوە و گەلی ڕادەسو ۋېشا کەرا. ئا ھۊرچنیۍ نیشانەشا دا، کە بە ئاکام نەیاۋېنۍ. دژوو گرڎو فشارە فاشیستییەکا، گېرتەی و، کۆکوشی، گۊشەگیری و گرڎ جۊرە ھجومېوە؛ ھەمڎیسان جارێوە تەر، سەرەڕاو گرڎو حۊلەکا دەوڵەتی و گرڎو دزی و چەواشەکاریەکاش پۍ ڕاگېرتەی جە گەلوو کورڎی، کە نەتاۋۊ چی ھۊرچنیەینە ئیراڎەو ۋېش نیشانە بڎۊ و نەتاۋا وەربەستو ھۊرچنیەی ۋیەرنا، ئا ئەنجامەی بەرکۊتەن، بەڕاسی ئەنجامێوە فرە گرنگا. ئینە پۍ گەلەکەیما جە ڕوو پارېزناو ئیراڎەو ۋېشاوە سەرکۊتەین. ئینە ماناش ئانەنە، کە ۋېت خۊتانکەرڎەی جە ئشناسنامە و ئاینڎەو ۋېت کەری. حیچ کەسۍ مەتاۋۊ چی ڕوۊ ئیراڎەو گلېرگەو کورڎسانی مرڎنۊ. ئانە جارێوەتەر ئیسپات کریاوە.
موراڎ قەرەیلان ئەنڎامو کۊمیتەی ۋېڕاوەبەری پەکەکەی ، جوابو پرسیارەکا ڕادوېنو دەنگو ۋڵاتیش داوە. تەمامو چەمپنەکۊتەکەی پی جۊرەنە:
گۊشەگیری سەرو عەبدوڵا ئۊجالانی رابەرو گەلوو کورڎی وەردەواما، ئایا چی مەجالەنە حیچ وەڵېکۊتەیۍ ھەن؟
گۊشەگیریی سەرو ڕابەر ئاپۊی وەردەواما. سەرەڕاو پرۊسەو ھۊرچنیەی و ڕووەدایە جۊراوجۊرەکا جە تورکیا، ئانەی بە شێۋېوە سیستەماتیکی وەردەواما گۊشەگیریی سەرو ڕابەر ئاپۊین. جار جار دەسەڵاڎدارۍ تورکیای پەیلواکا ۋېشا سەرو ڕابەر ئاپۊی کەرانە بەرنامەو ڕۊی و ئەجێنداو تورکیای و باسش سەر کەرا. حەرپاسە وەردەوامېنۍ سەرو گۊشەگیری تنی. ئی سیستمەو گۊشەگیری جە حیچ یاگېوە جەهانی و جە حیچ یاسېوەنە وەران ۋەر بە حیچ کەسۍ بیەیش نییا. تەنانەت یاساکا تورکیایچەنە بیەیش نییا. بە پوختی، ئاڎۍ گرڎو یاسا و پیمەرە ئەخلاقییەکا تورکیای پاشێل کەرا و بە پا گیریۊ وەردەوامېنۍ سەرو ئی گۊشەگیرییە.
ئا کۊشسەی، کە بە هەڵۋێسو ڕابەر ئاپۆی چا سیستمو ئەشکەنجەینە وەڵېکۊت و هەڵۋێسو گەلەکەیما جە دەورو ڕابەر ئاپۆینە، سیاسەتو گۊشەگیریی دووژمنیش بۍ کاریگەر و بۍ ئەنجام کەرڎەن. ئامانجو ئی ئەشکەنجە دەروونی و گۊشەگیرییە قورسەیە چېش بۍ؟ ئی گۊشەگیرییە پۍ دلېنەبەرڎە و پاکتاوکەرڎەی جمیەری ئازاڎیی، دلېنەبەرڎەو دەسکۊتەکا گەلوو کورڎی، زەعیفکەرڎەو گەلوو کورڎسانی و وېدایدەسۊی ئەنجام مڎریۊ. ئینە ئامانجو ئا گۊشەگیرییە بۍ، بەڵام ئارۊ سەرکۊتە نەبیەن. یانی دەسکۊتەکۍ گەلوو کورڎی ھەڵای مەنېنۍ، ئارۊ جمیەرو ئازاڎیی جە گرڎو مەجالەکا کۊشیاینە ئینا گەشە ئەساینە و گەلەکەما جە سەختتەرین ئاژەنە وەرگیری جە ویست و ئیراڎەو ۋېش کەرۊ و پارېزنۊش. جە ھۊرچنیەکا چن ڕوۋۍ چېۋەڵتەرینە، گەلەکەما بە ڕۊشنی ئا ڕاسییەشا ئیسپات کەر. یانی ئیراڎېوە وۍ ڕاگرانەشا نیشانە دا، نەتاۋاشا ئیراڎەو گەلەکەیما ماڕانە و نەتاۋاشا بە ئامانجەکاشا بیاۋا، کە وېشا گەرەکشابۍ. وەرو ئانەی ئارۊ گۊشەگیری پووچکریانۊ، بەڵام ئەرەگیری تورکی، فاشیزمی ئاکەپە و مەهەپەی وەردەوامېنۍ چی گۊشەگیرییەنە.
بێگومان ئەنجامەکۍ کۊشیای، کە جە دەوروبەرو ڕابەر ئاپۊینە ملۊڕاوەو تەنیا کورڎسانەنە مەۋینیۊ، بەڵکم جە هەمان وەختەنە، پەیلوا و ڕامانەکۍ ڕابەر ئاپۊی ئارۊ بیېنۍ ڕۊژەڤو جەهانی، جە گرڎ وەختۍ بەقوەتتەرا. پارادایمو ڕابەر ئاپۊی بیەن بە ھومېڎۍ گۊرە پۍ ئا گەلا، کە بە مەڵامەتو مۆدێرنیتەی سەرمایەدارییوە چەوەسیېنۍ. ئینەیچ ئانەی نیشانە مڎۊ، کە مۆدێرنیتەی سەرمایەداری بۍ ئەڵتەرناتیڤ نییا و جە هەمان وەختەنە ئا ڕاسیەشە ئاشکرا کەرڎەن، کە سۊسیالیزمی دیموکراتیک و مۆدێرنیتەی دیموکراتیک ھۊرچنیېوە بەقوەتا. سەرو ئی بنەمۍ، ئانە بەرگنۊ، کە قووڵیی ڕابەر ئاپۆی و ئا پارادیگمایەی کە پێشکەشش کەرڎەن ئارۊ بیەن ھومېڎێوە پۍ گرڎو چەوەسیاکا. ئینەیچ بە ڕۊسنی ئانەی نیشانە مڎۊ، کە سیاسەتو پاکتاوکەرڎەی و گۊشەگیری، کە جەلایەنو ئەرەگیری تورکیایۊ ملۊڕاوە، بە ئەنجامەکا ۋېش نەیاۋان.
ئێمە ئینایمۍ مانگەو ئایارینە. مانگەو ئایاری بە مانگەو گەشمەرڎا مشناسیۊ. شمە نیازتانە چی بارۊ چېش واچدۍ؟
جە ٤٦ەمین ساڵیاڎو گەشمەرڎەبیەو هەڤاڵ حەقی قەراری و جە کەسایەتی ئاڎینە یاڎو گرڎو گەشمەرڎا ئایاری و گەشمەرڎا ئاخېزی کەروە و بە ڕێزو ئیحترامۊ سەرەو ڕێزیشا پۍ نامنورە. بۆنەو ئی ڕوۋە مبارەکەیۊ، من ئا وەعدەیە واوەی کەرووە، کە بە گەشمەرڎەیما دان. ئێمە تا دما هەناسە درێژە بە ڕېکېشا مڎەیمۍ، ئا ئاڵۍ کە پۍ ئێمەشا جیا ئاستە بەرزینە شۊکنمېشۊ و ڕاشگېرمۍ، ئێمە کۊشیاکەو ئاڎیشا بە سەرکۊتەی یاۋنمۍ، پی جۊرە جە تاریخو ئەرەکۊشایمانە، کەرمېشا بە کەسایەتیی نەمری. ئێمە تا دمای و تا دما هەناسە پابەنڎۍ بیمۍ پا وەعدەیۊ.
جە مانگەو ئایارینە جە ئاخېزو تورکیایچەنە شەهادەتۍ گرنگۍ بېنۍ. پی بۊنۊ، یاڎو گرڎو گەشمەرڎا ئاخېزو تورکیای جە دەنیز گەزمیشیۊ پۍ ئیبراهیم کایپاک کایای مکەروە و بە ڕێزۊ سەرەو ڕێزی جە وەران ۋەرو یاڎ و یادەوەرییەکاشانە منامنورە. جە ڕاسینە ئا ئەرەکۊشایە، کە ئیسە ئێمە ڕاوەبەرش کەرمۍ وەردەوامبیەو کۊشیای ئی پاڵەوانانە و جە ئەرەکۊشای ئازاڎیی کورڎسانینە نوێنەرایەتیشا کریۊ.
گرنگیی ڕاسیی گەشمەرڎا
ئیسە پۍ گرڎ جمیەرۍ شۊڕشگێڵی، کۊششەر و کۊمەڵایەتی دەور و ئەرک و پێگەو گەشمەرڎا گرنگا. جە کورڎسانەنە پۍ ئێمە و جمیەرەکەیما، ئی دەور و ئەرک و پێگە جە گرنگی گرنگتەرا. حەر جە ئەرەمەرزناو ئاخېز و جمیەرەکەیماوە حەتا ئیسە گەشمەرڎەکۍ گرڎ چېۋېنۍ. گەشمەرڎەکۍ بیېنۍ ئامیانو جمیەرەکەیما. گەشمەرڎۍ جە ئاخېزو ئێمەنە دەورېوە ئنڎە گرنگ گېڵنا، پۊکەی پۍ ئێمە، ڕاسیی گەشمەرڎا جە جمیەرەکا تەری جیاوازتەرا. لایەنی مەعنەویی پۍ ئێمە فرە بەرزا، گرنگییەکەش فرە قووڵتەر و مانادارتەرا. ئینسان متاۋۊ باس جە دوۋۍ مەڵامەتا ئا مژارەیە کەرۊ:
*وڵاتەکەما ئینا چێروو پاکتاوی و جینۊسایدینە و نکۊڵی جە گرڎ چێوێوە وەڵاتەکەیما و گەلەکەیما کریۊ. تەنانەت نامۍ وڵاتەکەیچما قەدەغێنە، دیفاعچەنەکەرڎەیش بە تاوان نریۊرە، جا هینوو وەلاتی بۊ یان هینوو کەسی، گەرەکشانە دمایی بە تایبەتمەندییەکاو ئشناسنامەی و شوناسی بارا و سڕاشۊ. پەوکای وەڵاتێوە چینەنە، ڕوەبەرڎەی کۊشیای شۊڕشگێڵنانە چێوۍ ئاسای نییا و گرنگا. سەختیێ و قۊرتێش فرێنۍ، ئگەر تۊ فیداییانە جەنەش نزیک نەبیوە، مەتاوی شۊڕش پەی ئازاڎیی نەتەوەی و وەڵاتی ئازاڎی بەرەو وەڵۍ بەری ئانە لایەنێوەشا.
*لایەنوو دووەمی و گرنگتەریچ، نزیکایەتی و ڕێبازوو ڕابەر ئاپۊین، هەر جە ئەوەڵۊ ڕابەر ئاپۊ بە گرنگیوە جە گەشمەرڎا نزیک بێوە پێسە مزانیۊ، ئاپۊ ژیوای وێش بە یەرۍ قۊناغۍ و پڕۊسەو پەیدابییەی شیکار کەرۊ. دووەمین پڕۊسەو پەیابییەی ئاپۊی بە یادوو گەشمەرڎاوە دەس پەنە کەرۊ، یانۍ ئینە ئەوەڵووو جەئەدابییەی دووەمین. ئەرەمەرزنای و بونیاتنیای کۊشیای حەر جە ئەوەڵۊ ڕابەر ئاپۊ بەگرنگیوە جە گەشمەرڎا نزیک بێوە. ئینەیچ بە ماناو سەرەتاێوە مۍ پەی داکۊکی جە یاد و ویرەوەرییی گەشمەرڎا.
پەی یادکەرڎەیۊ گەشمەرڎاو جمیەروو شۊڕشگێڵنی
ڕابەر ئاپۊ سەرەتا ماهیر چایانی مشناسۊ، کە یۊ بۍ جە سەرمەشقەکاو شۊڕشوو تورکیای،دماتەر ماهیر چایان چەنی ١٠ هامرایا وێش گەشمەرڎە بی، ڕابەرایەتیی پەی یادوو ئادیشا جە کولیەو زانستە سیاسیەکاو سەرمەشقوو سازکەرڎەی بایکۊتی و مانگێرتەیش کەرڎ. پەوکای گیرا و کریا سجنجە زیندانوو ماماکینە."دەنیز گەزمیش، یوسف ئاسڵان و حسێن ئینان"یچ چاگە دریۍ قەنارە، ئا وەختە ڕابەر ئاپۊیچ چا زیندانەنە بۍ. ئد با قەرارێوە گەورەو جە زیندانی زیارە. بۊنەو ئا ورڎبیەیۊ قووڵەیۊ چاگە کەرڎش ئیتر سەروو بنەما و یادوو گەشمەرڎا، قەراروو وەڵیوەبەرڎەی جمیەری شۊڕشگێڵنییش دا. دماو زیایرەیش زینداننە هامڕا حەقی قەرار و کەمال پیریش ئشناسۍ. ملۊ یانەشا و پەیلوایەکاش چەنیشا باس کەرۊ، چەنیشا ژیوۊ و جووڵیۊوە، قسەوباس و کۊڵیایۊ کەرۊ و دماتەریچپەی ئازاڎیی کورڎسانی دەس بە خەباتوو گرووپی ئایدۊلۊژیکی کەرۊ .
قەراروو بییەی بە حیزبی ڕۊشن بۊوە
وەختۍ گرووپەکە گەورە بۊ و کورڎساننە وەڵا بۊوە، بەتایبەت دلۍ گەنجا و تەلەبانە ئەنقەرە و ئەستەنبووڵنە وێشا ڕێک وست، شۊڕشگێڵنی میاننەتەوەیی هامڕا حەقی قەرار جە پلۍ یارڎەیدەروو ڕابەر ئاپۊینە بۍ. ڕابەر ئاپۊ بارەشۊ واتەبێش 'ئاد رۊحی شاریاوەو منا'. هامڕا حەقی قەرار بە بۍ دووەدڵی و بە هێزێوە گەورەوە وەڵۍ گرڎ کەسینە ئاما کورڎسان و دەستش بە خەباتی کەرڎ. جەنگاوەرێوە بەنرخ و پاگیر بۍ. پەوکای دوژمنی بە ئامانج گێرت، جە ڕاو ڕێکوزیاێوە کۊنترایۊ بە نامۍ ستێرکا سۊر، کە کە ڕێکش وستەبۍ گەشمەرڎە بی. دماو گەشمەرڎەبییەیشڕابەر ئاپۊی وات، 'گەشمەرڎەما دا و ونیما مجیا، ئیتر گێڵایۊما نییا' پەی یادوو هامڕا حەقی قەراری بەرنامەو پەکەکەیش نویستۊ و قەراروو وەشکەرڎەی حیزبیش دا.
گەشمەرڎەبییەی ئادۍ دووۍ ئەنجامێش چۊوە کەوتێوە:
*یووەم وەڵیوەلوای قەراروو بەحیزبیبییەی و درێژەدای بە یادوو گەشمەرڎا پەی هەقکەرڎەیۊ، ئینە پاسەش کەرڎ، گرووپەکا قەراروو حیزبی بدۊ، پەوکای پەکەکە کۊنگرەش گێت و مەرزیارە، ئینە لایەنێشا..
* *دووەم، پەی ئانەی هەقەو هامرا حەقی قەراری کریۊوە، ئەوەڵۊ یەکینۍ چەکداریۍ وچکلۍ ئەرەمەرزیۍ. پەی هەقسانایۊ و هەقەیچشا ساناوە. یانۍ ئەوەڵوو شۊڕشی چەکداری پەنەوازییوە چینە بۍ. پەی پارێزنای وێشا و هەوقکەرڎەیۊ چەکشا ورگێرت..
ئەڵقەکاو گەشمەرڎەبییەی بیۍ سەبەبوو دەسپەنەکەرڎەی قۊناغەکا
وەروو ئینەی و بەتایبەت پەی ئا قۊناغەیە ئینسان متاوۊ باسوو چەمکوو 'ڕەفاقەتی قووڵی جە پەیوەندییەکاو گرووپەکەینە' کەرۊ. چوون گرڎوو ئەنداماو گرووپەکەی پێوە وابەسۍ و لکی دریێبێنێ؛ گرڎ ڕەفێقێوە چانەبۍ. پەوکای حەروەخت یۊشا گەشمەرڎە بیۍ، پەیوەسبییەی پۊشۊ زیادتەر بۍ. چێوە گرڎ گەشمەرڎەیۍ قولڵبیەیۊ و ورڎبیەییۊش چەنە گنێوە. بەتایبەتیچ پەیوەندیی ڕابەر ئاپۊی چەنی هامڕایا، دڵسۊزی دلۍ ئادی، چەنی گرڎ گەشمەرڎەبییێوە ک هەڵوێسێوە قووڵو پەیوەندیێوە گەورەتەر ئۍ ئاراوە. پەی نموونەی گەشمەرڎەبییەی مەزڵوم دۊغان و فەرهاد کورتایەکابەڕاسیچگەشمەرڎەبییەی فەرهاد کورتای و ئەو یەرە هامڕایا چەنیش بێنۍ جە ساڵیادوو گەشمەرڎەبییەی حەقی قەراینە جە زیندانوو ئامەدینە جە راو گڕە جە وێوەرڎایۊ ڕووەش دا. مدرامانی سەختشا نیشانە دا. ئانە ڕۊحێوەش وەش کەرڎ. پێوەس و پێوەن بە ماناو ڕەفاقەتیوە، بی بە بناغەو وەڵیوەبەرڎەی هەڵمەتەو ١٥وو تەباخی و بناغەو گرڎوو گەشمەرڎەبییەیش فاڕا. دوژمن گەرەکش بۍ کادرەکاو پەکەکەی کەرۊ بە ئامانج. پێسە ئیسەی، ئا وەختیچ ئامانجی سەرەکییش ئانە بۍ گرڎ هجوومیوە دوژمنی، یا گرڎ گەشمەرڎەبیێەیۍ جیای لاوازبییەی قووەتش چەنە گنێوە، ڕاسیی گەشمەرڎا، هامپەشتیێوە چینەش خولقنان.
گیانوو فیداکاری ئاندەی تەر لوا وەڵێوە
یانۍ ئا پەیوەندیی ڕەفاقەتی، کە ڕابەر ئاپۊی بەرڎ وەڵیوە؛ ئەوەڵۊ بەینو وێش و هامڕایەکاشنە سازش کەرڎەبۍ، دماتەر چەنی گەشمەرڎەکا سازش کەرڎەبۍ پاسنا بۍ کە؛ گرڎوو گەشمەرڎەکا جمیەرەکەشا بەقووت کەرڎ، زیاتەر بەشداربییەی کۊمەڵایەتی وەش بۍ ' گیانوو فیداکاریی هامڕایا زیاتەر لوۍ وەڵێوە. ئینە زیادتەر هەرمانەو ڕابەرایەتی بۍ. وێش لکەدای ڕابەرایەتی بە گەشمەرڎاوە ڕەفاقەتش چەنیشا بییەبۍ بە بایسوو ئانەی کە جمیەرەکە جۊشوخرۊش و ورەش زیادتەر بۊ.
جە دژوارتەرین هەلومەرجنە نویستشۊ
ئیساتۍ ڕابەر ئاپۊ ٢٥ ساڵێن ئینا زیندانوو ئیمراڵینە، ئا زیندانە پەی ئانەیە وەشکریان کە ئینسان هۊش و هەستوو وێش جەدەس بدۊ و نەتاوۊ فکرۍ کەرۊوە. بتایبەتیچ پەی ئا کەسی کە ئینا چاگە، ئەر ئی قسۍ یاگۍ وێشنە بۊ، بەزیندەیی کۊشیۊ، لاو هێزە پیلانگێڵنەکاوە پاسە وەش کریان. سەرنجەو ڕابەر ئاپۊی دەیدۍ، تەنانەت چاگە، بونیادۍ گەورۍ و وەڵیوەلوایش نیێنۍ. پاڕادایموو گلێرگەی و دیموکراتیک- ئیکۊلۊژیکییش سەروو بنەماو ئازاڎیی ژەنۍ چاگە مەرزنێنێرە. ورڎبیەیۊ تیۊری فرە گەورەش جاگە ئارڎەن ئاراوە. وێش هێز و ورەش خولقنێنۍ. ئیساتۍ ئێمە ئا کتێبا وانمێوە؛ هێز و ورە ور گێرمۍ. ئا کتێبۍ جە چ هەلوومەرج و باروودۊخێوەنە نویسیێنۍ، مشۊم گرڎ هامڕایۍ و وەڵاتپارێزۍ ویرۍ چانەیە کەراوە. ئیساتۍ ئاد سەرچەمەو ورەین پەی ئێمە، نویسیێکێش پێرسپێکتیڤوو ڕابەر ئاپۊی جە دژوارتەرین هەلومەرجنە نویسیێنۍ ئادۍ چێروو هجووم و ئەشکەنجەی دەرونینە نویسیێنۍ. حەرپاسە جە دۊخوو تەنیایینە. پێسە مزانیۊ ڕابەر ئاپۊ ١١ ساڵۍ ئەوەڵیش بەتەمامی بەتەنیا بۍ. دماتەر چن هامڕایوە لوۍ پەی وای. وەلۍ دیسانیچ حەر بەتەنیێنۍ حەفتانە دووۍ جار یۊی وینا.
ڕابەرایەتی و گەشمەرڎۍ جە یۊی جیا مەکریاوە
ئا کۊششەی، کە ڕابەر ئاپۆ جە ئیمراڵی و وەڵۍ ئیمراڵی سەرو بنەما و وەفاڎاری پۍ گەشمەرڎا نۋیستەنش، نموونېوە گۊرەن جە ئارڎەینەی. سەرو ئی بنەمۍ، ئیتر ڕابەر ئاپۆ و گەشمەرڎەکۍ جە یۊتەرینی جیۍ مەکریاوە. ڕابەر ئاپۆ ئیسە قسەکەرو گەشمەرڎان. جە ڕاسیی ڕابەر ئاپۆی و گەشمەرڎەکانە مەعنېوە پاسۍ هەنە. گرنگ ئانەن، کە ئێمه چا مەعنۍ قوەت ھۊرگېرمۍ. ئینەیچ پا مەعنۍ مۍ، کە ئینسان چا ڕاسیە هێز ھۊرگېرۊ، بۊ بە هێز و ئیراڎە، ئازاڎیی ھورگېرۊ و لاۋازییەکا وەردەمو ۋېشەنە ماڵۊ. ئینسان متاۋۊ پی جۊرە دەسەڵاتو پیای و کۊیلایەتی ژەنۍ وەردەمو ۋېشەنە ۋیەرنۊ. ئا قوەتەی، کە جە فەلسەفەو ڕابەر ئاپۆی و ڕەنج و فیڎاکاریی گەشمەرڎاوە ھورگیریۊ، ئاستێوە فرە بەقوەتا و کەسۍ حېقمۍ خوڵقنۊ. خاڵەی گرنگە ئانېنە کە چینەی بیاۋمېنە. یانی تاۋمۍ پی جۊرە ژەنێوە ئازاڎە، پیېوە ئازاڎ بنیاڎ بنیەیمۍ.
گەشمەرڎەکېما گرڎ چېۋېنۍ پۍ ئێمە
بە پوختی، سەرچەمەو ئی هێزیە ئایدۊلۆجیاو ڕابەر ئاپۆی و گەشمەرڎان، پۊکەی گەشمەرڎەکېما سەرچەمەو قوەتو ئێمەنۍ. گەشمەرڎەکېما گرڎ چېۋېنۍ پۍ ئێمە. ئامیانو ئێمەنۍ، ئێمە ئارۊ هێز جە گەشمەرڎەکاماوە ھورگېرمۍ. گۊرەیی ئینەی چېشا؟ گۊرەیی ئی فیدایەتییە. ڕاسیی فیدایەتین جە کەسایەتی مەزڵوم دۊغانەکا و زیلانەکانە پێکمۍ، ئارۊ جە کەسایەتی سارۍ و ڕوکەنەکانە ھەڵای بە بەقوەتی ئینا ئارانە، بەڵام بە شێۋېۋە سەرەکی و وەڵۍ گرڎ چېۋېنە زاپ، ئاڤاشین و مەتینانە، حەرپاسە جە سەرنیشتوو کورڎسانی، گرڎو مدرامانو دوۋە ساڵی ۋیەرڎەیچ سەرو هەمان مەغزی قووڵبیەنۊ. ئا مدرامانەی، کە ئیسە هەم جە سەرنیشتوو کورڎسانی و هەم جە مەنتیقەکا تەریمانە پەرەش ئەسان، بە دڵسۊزیۍ فرۊ پەرە مسانۊ. وەرو ئی مەڵامەتیە، قوربانیدای و فیڎاکاری، ئازایی، نەتەرسای و فیدایەتی فرە بەرزا. پی جۊرە دوژمنشا مرڎنا.
ئاڎۍ فەرمانڎەو ئێمەنۍ
ئارۊ ئەگەر دوژمن نەتاۋانش گەریلای جە سەرنیشت پاکتاو کەرۊ، هەرێمەکا پارېزناو مەدیای مەنتیقەکا وەرگیری میدیای دلېنە بەرۊ و زاپەنە گیرش کەرڎەن، ئانە جە بنەڕەتەنە پەیوەنڎیش پا ڕۆح و ئیراڎۊ هەن. ئا هەڵۋێسە ئارۊ جە کەسایەتی "شۊڕش بەیتووشباب، ڕێبەرەکا، هەژارەکا، سەرحەدەکا، بۊتانەکا، زینارینەکا، جومالییەکا، چاڤرییەکانە ، حەرپاسە جە کەسایەتیی هامڕا مزگین ڕۊناهییەکانە، باگەڕ و ئاڤزەمەکانە، نوری و بەرفینەکانە، هەڵبەست و فیدایی کۊەبانییەکان، دەلیل زاگرۊس و نالینەکانە، گوڤەنەکانە، زەمانیانە، ماهیر مەزڵومەکانە، ڕۊناهی دەڤریمانەکانە، ڕۊزا و حەکیمەکانە جە بەرزتەرین ئاستەنە بەرکۊت و ئیسپات کریا. جە دماینەکایچەنە گەشمەرڎە قارەمانەکېما ڤیان ئۆزگورە، پېسە نوێنەرەو گرڎو گەشمەرڎا زاپی و نوێنەرەو مدرامانو زاپی چی مانگېنە گەشمەرڎۍ بیە. هەڤاڵێوە فیداییە و ئەنڎامەو هێزی تایبەتی بۍ، کە دەورۍ گۊرەش گېڵنا جە سەرکۊتەی مدرامانو زاپی و / کەشو جودینە. یانی ئینۍ گرڎ گۊرەیی تاریخو کۊشیای گەشمەرڎان، جە ئاستۍ باڵانە، نوێنەرایەتی ڕۊحی فیدایی و قوربانیدای مکەرا. ئێمە بە وەشەویسی و ڕێزۊ یاڎو گرڎو گەشمەرڎەکاما مکەرمۍ. ئێمه درێژە بە ڕېکېشا مڎەیمۍ. ئاڎۍ فەرمانڎۍ ئێمەنۍ. ئارۊ ئا ئەرکەی، کە گنۊ سەرو شانا ئێمە، ئێمە ئەرکو ھامڕایانەو ۋېما جە وەران وەرو ئاڎیشانە جابەجۍ کەرمۍ و خۊتانکەرڎەی جە کۆشیایشا مکەرمۍ.
حەرپاسە گرڎو گەشمەرڎا سەرنیشتی ئینۍ دلۍ ئی چوارچێوەینە. پۍ نمونەی ساڵەی ۋیەرڎەنە، یانی جە ئەوەڵو ساڵېوە جە جودینە جە کەسایەتی هامڕا هارون شرنەخینە، جە بەستا جە کەسایەتیی ھامڕا ڕۊژبینېنە، جە گابار جە کەسایەتیی ھامڕایا ئەڤریمۍ و هۆگری، جە مێردین جە کەسایەتیی ھامڕا جانشێرینە، دێرسیمنە جە کەسایەتیی ھامڕا یەشاری، سەرحەدنە جە کەسایەتیی ھامڕا هەژارینە، جیلۆنە جە کەسایەتی ھامڕۍ ڕاپەڕینېنە بە ڕێزۊ یاڎو گەسمەرڎا مدرامانو سەرنیشتوو کورڎسانی مکەرمېوە و ئا وەعدەی پنەما دېنۍ واوەیش کەرمېوە.
گرڎ گەشمەرڎېوە نەمرا
ئارۊ مدرامان سەرو خەتەو گەشمەرڎانە ئاستێوە فرە گرنگەنە وەردەواما. ئانەی گەرەکما چېگەنە ئاماژەش پنەکەرو ئانەنە، کە جە جمیەرەکەمانە گەشمەرڎەکۍ بنچینەی ئەساسیېڼۍ، گەشمەرڎەکېما فەرمانڎەکېمانۍ. گەشمەرڎە قارەمانەکېما هێزما پنەبەخشا، ڕابەرایەتیما مکەرا، وەرو ئانەیچ گرڎو ھامڕایاما، کە دلۍ ڕیزەکا ئێمەنە گەشمەرڎۍ بیېنۍ نەمرېنۍ. ئێمەی ھامڕایاشا یاڎشا کەرمېوە، ئێمە یاڎشا جە کۊشیای ئازاڎینە بە زینڎەیی ڕاگېرمۍ و پی جۊرە گەشمەرڎەکاما نەمر مازمۍ. ئەرکو ئێمەن کۊشیای گەشمەرڎەکاما بە سەرکۊتەی تاجدار کەرمۍ.
جە تورکیا و سەرنیشتو کورڎسانی ھۊرچنیەی ئەنجامدریا، ئەنجامەکا ئی ھۊرچنیەیە پۍ گەلوو کورڎی چنی ھورسەنگنی؟
گەورەتەرین و گرنگتەرین ئەنجام، کە چی ھۊرچنیەو دماینە بەرکۊت، ئانە بۍ، کە سەپنای و کرڎەوەکۍ ڕژێمو ئاکەپە – مەهەپە – ئەرگەنەکۆنی جە دژوو گەلوو کورڎی بە حیچ ئەنجامێوە نەیاۋان. ئانە گۊرەتەرین ئەنجاما. پېسە مزانیۊ، هامپەیمانیی ئاکەپە – مەهەپە – ئەرگەنەکۆنی ئانە ماوەو ٨ ساڵان جە چوارچېوەو 'پلانەو دلېنە بەرڎەینە' ھجوم کەرۊنە سەرو جمیەرەکەیما، گەلەکەیما، ئشناسنامە و دەستکۊتەکا گەلەکەیما. ئاڎۍ گەرەکشانە پا ھجوما ئیراڎەو گەلەکەیما دلېنەبەرا. ئاڎۍ نیازشابۍ هێزە شۆڕشگێڵەکا پاکتاو کەرا، دەسکۊتەکا دلېنە بەرا و بە بەش بەش کەرڎەیشا گەلی بۍ ڕێکوستەی و بۍ ئیراڎە کەرا. ئیسە چی ھۊرچنیانە بەرکۊت، کە ئینە ڕووەش نەڎان. ئاڎۍ چا ڕوۊ چا مژارەنە سەرنەکۊتېنۍ.
حەر چنی جە ساڵەکا ۱۹۲٥ پۍ ۱۹٤۰ ی، دڕندەیی و زوڵمێوە گۊرە و پاکتاوکەرڎەی و جینۆسایدی جەستەیی جە کورڎسان ڕوۋەشدا و حەتا دماو ۳۰ ساڵا گلېرگەی کورڎی نەتاۋاشا ھوربېزاوە سەرو پەیا و جە ۱۲و ئەیلوولو ۱۹۸۰ینە، ئەنجومەنی سەروازی و فاشیس دەسشا سەرو دەسەڵاتیرە گېرت. دماو ئی دڕندەیی و ھجوما تورکیای، کە کورڎسانەنە ئەنجامدریۍ، ۱۰ ساڵۍ بێدەنگی سەرتاپاو کورڎسانیش گېرت و کەس نەتاۋۍ سەرە بەرز کەرۊوە. ئارۊیچ ئاکەپە و مەهەپە حۊل مڎا هەمان چېو کەراوە. ئامانجو ئا ھجوما، کە جە ساڵەو ٢٠١٥یۊ سەرو بنەما و 'پلانەو دلېنەبەرڎەی'نە دەسشا پنەکەرڎەن، حەر پېسە ١٢و ئەیلولی پۍ کپکەرڎەی و بێدەنگکەرڎەو گەلین. ئی پلانۍ شکسش ئارڎەن و سەرنەکۊتېنە. ئێمە ئینەی زانېنمۍ، بەڵام جە ھۊرچنیەی ئی دماییەینە ئی ڕاسییە واوەی بەرکۊتۊ و ئیسپات کریاوە. گەلەکەما ویس و ئیراڎەو ۋېش نیشانەدا. دژوو گرڎو فشارە فاشیستییەکا، گېرتەی و کۊکوشی، گۊشەگیری و گرڎ جۆرە ھجومۍ و حەرپاسە سەرەڕاو گرڎو حۊلەکا دەوڵەتی و گرڎو دزی و چەواشەکاریەکا پۍ ڕاگېرتەی جە گەلوو کورڎی، کە نەتاۋا چی ھۊرچنیەنە ئیراڎەو ۋېشا نیشانە بڎا و نەتاۋا وەربەست و ھۊرچنیەکا ۋیەرنا، بەڵام ئا ئەنجامەی کە بەرکۊتەن، ئەنجامێوە فرە گرنگا. ئینە پۍ گەلەکەیما سەرکۊتەیېن جە پارېزناو ئیراڎەو ۋېشانە. پی بۊنۊ ۋېڕاوەبەریەکەما مبارەکبایش جە گەلەکەیما و گرڎو ئانیشا کەرڎ، کە چی سەردەمەنە ڕەنجشا کېشت. بە تایبەتی، مبارەک بایی جە مەردمو ڕېزدارو بۊتانی و مەرڎمو شرنەخی، جۆلەمێرگی، ڤارتۆی و لیجەی کەرو، کە ئەنجامێوە گۊرەشا بەدەسئارڎ. جە کەسایەتیی ئاڎیشانە سڵام و مبارەک بایی جە گرڎو گەلەکەیما کەرو. جە وەران ۋەرو ئا گرڎ زوڵم و دڕندەییەینە ئیراڎېوە نیشانەدریا و ئانەیچ بە ماناو ئانەین، کە بە دڵنیایۊ گەلەکەما قەرارش مەفاڕۊ و خۊتانکەرڎەی جە ئشناسنامە و ئاینڎەو ۋېش کەرۊ. حیچ کەس مەتاۋۊ ئیراڎەو گلېرگەو کورڎسانی ماڕۊ. ئینە جارێوەتەر ئیسپات کریاوە.
کەموکوڕی بۍ
چانەینە جە ھەرمانەکانە کەموکوڕی بیەبۊ. بە مانېوە تەر، ڕەنگە کەموکوڕی جە شێوازو ھەرمانکەرڎەینە، دەسنیشانکەرڎەو کاندیدەکانە بیەبۊ، رێکوزیا و دەزگا پەیوەنڎیدارەکۍ سەرو ئا مژاریە گلېرۊبیەیشا ئەنجامدان و پا جۊرە گفتوگۆشا سەرو نزیکایەتیی ۋېشا پێشکەشکەرڎ. ۋاتشا، 'ئێمە پەیامو گەلەکەو ۋېما ھورگېرت، ئێمە کەموکوڕییەکا ۋېما دەسنیشان کەرمۍ و ئێمە ڕەخنە جە ۋېما گېرمۍ'. دیارا گرڎ کەسۍ جە قۊرتەکەی یاۋانەنە و وەرپرسیارانە جماوە. واتە هەم ئەنجامەکۍ عالېنۍ و هەم کەموکوڕیچ هەن. ئانڎەی ئێمە پېما ڕۊشن بیەنۊ چنەش یاۋېنمېنە مرڎای سەرو کەموکوڕییەکا کریۊ.
ئانەی گرنگا چی چوارچێوەنە کە جەئیسە بەدماوە مېنە ئاراوە بە شێۋېوە بەقوەتتەر مامەڵەش چنی کریۊ. وەرو ئانەی مشۊ جە ئیسە بەدماوە گرڎ کەسۍ وەرپەرسانە ئەرکەکاش جابەجۍ کەرۊ، عالتەر ۋېش رێکوزۊ، مەبۊ کەس چەمەڕاو کەسی تەری کەرۊ، مشۊ گرڎ کەسۍ ۋېش بە وەرپرسیار بنیۊرە. پی جۊرە مشۊ هەڵۋێسێوە شۆڕشگێڵانە و دیموکراتیک گیریۊنە وەر. مشۊ گەلەکەما ئیتر ئیراڎەو ۋېش زیاتەر نیشانە بڎۊ و نازۊ فاشیزم سەر گنۊ و یاۋۊ ئاکام. قەناعەتم پاسەن کە گەلەکەما سەرو بنەماو ئا ئەنجامەیە جە ئیسە بەدماوە بە شێۋېوە فرە بەقوەتتەر و سەرکەوتوانەتەر جواب مڎۊوە. بە گرڎی پی جۊرە دیارا.
شمە باستا جە مدرامانو گەریلاکا سەرنیشتی کەرڎ. پېسە فەصڵی ئێمە ئینایمۍ سەرەتاو پراتیکی ساڵېنە. پی بۊنۊ گەرەکتانە جەبارەو کۊشیای سەرنیشتیۊ چېش واجدۍ؟
سەرەتا بە وەشەویسی و رێزۊ سڵام جە گرڎو ئا هامڕایا مکەرو کە جە سەرنیشتوو کورڎسانینە کۊشش کەرا. کۊشیایما بە گرڎی نەک هەر جە سەرنیشتوو کورڎسانی، ئارۊ بە قۊناغێوە فرە تاریخیرە ۋیەرۊ. پېسە وەڵتەریچ باسما کەرڎەبۍ، ئانە هەشت ساڵېن ئەرەکۊشایۍ فرە دژوار ملۊڕاوە، ئیسەیچ وەرپەرسۍ ئاکەپە-مەهەپەی و بەعزە کەسۍ کە ۋېشا پېسە شارەزاو جەنگی بە نامۍ کەرا، بە بانگەشەو ئانەی سەرکۊتېنۍ گەرەکشانە ئیدیعا پۍ ۋېشا کەرا. ئاڎۍ گەرەکشابۍ سەرگنا، بەڵام سەرنەکۊتۍ. گەرەکشابۍ کە هەرێمەکا پارېزباو مێدیای بە تەمامی دلېنە بەرا و گرڎو گەریلاکا سەرنیستی پاکتاو کەرا، حەتا گەریلېوە جە سەرنیشتوو کورڎسانینە نەمەنۊ. حەرپاسە پلانەشا نیېبێرە کە دەسکۊتەکا گەلوو کورڎی جە ۋەرنیشتوو کورڎسانی دلېنە بەرا. پلانەو ئانەیشا بۍ کە ۋېڕاوەبەری گلېرگەی ئێزدی جە شەنگال نازا و پاکتاوش کەرا. پلانەشا ئانۍ بۍ کە ئیراڎەو گەلەکەیما جە مەخمور دلېنە بەرا، وەرو ئانەی کەمپێوە پەناھەنڎان و ۋێنەو ئیراڎېوە کەرۊ و ۋېش مەڎۊنە دەسۊ، ئاڎیچشا کەرڎ ئامانج.
دروۍ کەرا، ئاڎۍ سەرنەکۊتېنۍ
ماوەو هەشت ساڵان گرڎو سەروەتو تورکیایشا پۍ ئانەی تەرخان کەرڎەن و حەرچنڎە ئا گرڎ ھجوما ئەنجام مڎا بەڵام کوا ئەنجام؟ کام ئامانجەشا ئامان دی؟ ئانا گەریلا ئینا سەرنیشت، ئاژەو هەرێمەکا پارېزناو مەدیای و دەسکۊتەکۍ گەلوو کورڎی ئینۍ وەرو چەماوە. ئینە چېش بەروزۊ؟ ئینە بەرش وزۊ کە ئاڎۍ دروۍ کەرا و بە راسی سەرنەکەوتېنۍ.
راسا؛ قوربانیېما بەخشۍ، بەعزە یاگېنە زەررما دان، رەنگە بەعزە یاگېنە چن ئەنجامېشا بەدەسئارڎەبۊ، بەڵام بە گرڎی نەیاۋېنۍ ئەنجام. بەڵام ئیسە پېسە ئانەی ئەنجامشا بەدەسئارڎەبۊ ۋېشا نیشانە مڎا. رژێمو ئاکەپە-مەهەپەی گەرەکشانە ئا مژارا کەرانە کارتو ھۊرچنیەی. چی روۊ راسی ئینا وەروچەماوە. دوۋۍ ساڵېن گەرەکشانە زاپی ئەرەگیر کەرا، ھەڵای نەتاۋانشا بەیا وەرۊ و وەرو ئانەی وەرگەو بیەو گەریلای مەگېرا زاپەنە گرڎ ڕوۋۍ ھجوم کەرا. مەتاۋا جە ڕاو ئا ھجوماوە یاۋا ئەنجام. مدرامانو گەریلای ئارۊ جە گرڎ یاگېنە وەردەواما. قەناعەتشا پاسەبۍ کە بە تەکنەلۆجیاو ۋېشا متاۋا ماوەو دوۋۍ هەفتانە یاۋا ئەنجام، بەڵام ئانا دوۋۍ ساڵېن نەتاۋانشا جە زاپ، ئاڤاشین و مەتینا ھەنگامۍ بلا وەڵۍ. هەڵبەت رەنگە بەعزە یاگېنە با، بەڵام فرەو یاگانە گەریلا هەن و ئیسە چنی یۊی گژیای گژیا. راسیەکە ئینەن. بەڵام وەردەوام ئا راسیە ھوروېڵناوە.
ئیسە ئانەیچ پۍ گەریلاکا سەرنیشتوو کورڎسانیچ راسا. گەریلاو سەرنیشتی ئارۊ ئینۍ سەردەمێوە فرە گرنگەنە. ھامڕېکېما جە هەلومەرجۍ فرە دژوارەنە جە فرەو مېڎانەکانە گیانبازی گۊرە مکەرا. ئا راسیەی کە سەرو رێبازی پیرۊزی، سەرو رێبازو رابەر ئاپۆی و ڕاو گەشمەرڎانە کۊشش کەرا، بە وەشەویسیۊ پەی ئازاڎیی گەلوو کورڎسانی و مەنتیقەکەی کۊشش کەرا، ئینە گوزارش جە ئاستو وەڵېکۊتەی ھامڕایاما کەرۊ. پێۋیسا چی روۊ هەڵۋێسو ھامڕایا بەرز نرخنمۍ. بەڵام جە پراتیکەنە بەعزە کەموکوڕیۍ بیەیش هەن. ئێمە ۋنەکۊڵیای جە گرڎو روۋەداکا گەشمەرڎەبیەی چی ساڵەنە وزمېنە وەرو ۋنەکۊڵیای و بە ۋنەکۊڵیایەکاما فرەو لایەنا ئا گەشمەرڎەبیا ڕۊشن کەرمېوە. بێگومان پێۋیسا مرڎای سەرو ئا ڕووەدایا کریۊ و بە گېرتەی وەرو ڕاو شۊنی شۊڕشگێڵی ئا کەموکوڕیا ۋیەرنمۍ و نازمېشا.
چی دمایۊ جە مێرڎین و بەستانە جەنگی قورس ڕووەش دا. بەرکە کە سەروازیوە فرۍ کوشیێنۍ. بارەو ئا دووە ڕووەدایاوە جەنگ و زەرەرەکاشۊ شمە چێش ماچدێ؟
باگۊکنە لە ٢٧وو نیسانیوە هجوومەکاو ئۊپراسیۊنەکاو ئاکەپە-مەهەپە ڕووەشا دا. جە دژوو ئەو ئۊپراسیۊنا هامڕێما یەرۍ چالاکیێشا کەرڎۍ. بە پاو راپۊرتەو هامڕایا چا چالاکییانە ٨ سەروازۍ کوشیێنۍ، هامڕا باهۊز چیا گەشمەرڎە بی. ئینجا جە بەستانە دماو ورچنیەی ١٤و ئایاری یانۍ جە ١٥ و ١٦و ئایارینە هجوومێوە ئۊپراسیۊنی ئاما ئاراوە ؛ ڕۊو ١٦و ئایاری جەنگ وەرپا بی. بارەو ئا جەنگیوە هەڵای زانیاریی یەکلاکەرەوە وەرڎەس نییا، ئەو شەڕەوە. ئادۍ باسوو ٥ کوشیایا کەرا . بەڵام بە پاو ئا زانیارییە ئەوەڵییا باسما کەرڎێنۍ زەرەری گیانیی ئادیشا زیادتەرا. ئینجا باسوو ٥ گەشمەرڎا کەرا، وەلۍ ئانە تا ئیساتۍ دەسنیشانێما کەرڎێنۍ دووی هامڕێما گەشمەرڎۍ بیێنۍ. بەدڵنیاییوە وەختێوە ئەنجامەکۍ بەتەمامەتی ڕۊشنۍ بیێوە پەی ڕای گرڎینیشا ئەرەیاونمۍ. بۍ ئانەی زانیاریی وەرەچەمت مەکریۊ بارەو قسەکاو ئاکەپە-مەهەپەیۊ چێو واچی.
وەڵی گرڎ چێوێنە گەرەکما ئانەیە واچوو ، کە دەین و وەرپەرسبییەی ئا سەروازا کە چی جەنگەنە کوشیێنۍ ئا هامرێچما کە گەشمەرڎۍ بیۍ ئینا گەرڎەنوو حوکمەتوو ئاکەپە-مەهەپەیۊ. پێسە مزانیۊ بۊنەو بوومەلەرزەکەو ٦وو شوباتیوە جمیەرەکەماج ٩و شوباتینە بێچالاکییش ئەرەیاونا. ئا هەڵوێشوو بێچالاکییەیما هەڵای بەرڎەواما. سەرباروو ئانەیچە هجوومەکاو دەوڵەتوو تورکی ئینۍ ئارانە. ئاکەپە-مەهەپە پلانەکاو وێشا پەی ورچنیەی بە تەمامەتی سەرووو بنەماو دوژمنایەتیی کورڎی و مەرڎەی کورڎا نیانەرە. ئادۍ وێشا ماجا چند کورڎێشا کوشتێنۍ. وەزیرێوە وەرگێرییشا هەن ژمارۍ فڕە مدۊ و دروۍ کەرۊ. ئا ژمارۍ ڕاسۍ نیەنۍ. ئیساتۍ ماچا مەزا ٣٠ و چند هەزارێشا جە ئێمە کوشتێنۍ. ئاخۊ ئا کەسۍ کێبا؟ گرڎشا کوڕۍ و کناچۍ کورڎانۍ، بەئاشکرا ددان بە کۊکوشییەکاشارە منیا. ئینایمۍ وەراوەروو دەسەڵاتێوە چانەیۊ، کە بە کۊکوشیی گەرەکشا درێژە بە مەنەیۊ ڕژێمەکەیش بدۊ. چی؟ چوون جۍ گلێرگەنە وەڵتەر پێشتر مەژگ و ئەنەیاوای چینە چەسپیان؛ سەروو ئا بنەمیوە پڕوپاگەندۍ کریێنۍ ؛ پێسە ئانەی کە ئێمە دوژمنۍ تورکیاینمۍ، قسۍ چینۍ وزا بازاڕۊ کە ئەسڵ و ئەساسشا نییا، وەڵتەریچ باسما کەرڎەبۍ. گەەرەکمانە تورکیای دیموکراتیک کەرمۍ. جە تورکیانە یۊبیێەیوە عئارەزومەندانەو گەلا بەرمۍ وەڵێوە. سەروو بنەماو ئازادی و یەکسانیی گەلا، نەک سەروو جیاکاری گەرەکمانە واڵە و براڵەیی هەقەتین، یۊبییەی و دیموکراسی بەرمۍ وەڵێوە. سەروو بنەماو ئازادیی گەلوو کورڎیسەرووبنەماو ئانەی کە گەلوو کورڎی بە ئیرادە و ئشناسنامەو وێش بژیوۊ ، ئێمە لایەنگیرۍ یۊبییەی گەلانمۍ. ئادۍ وێشا جیاکاری کەرا و ئێمە بە جیاکار تۊمەتبارۍ کەرا، پێسە گەرەکشانە سەروو بنەماێوە کە ونەو زارۊڵاو تورک و کورڎی مجیۊ دەسەڵاتوو وێشا مەرزنارە. جاریوە تەریچ ماچوو؛ چا جەنگانە باسۍ کریۍ، بەتایبەتی ئانیشاو دماو مانگەو شوباتی، وەرپەرسۍ گرڎوو زەرەرە گیانییەکانۍ جە قۊناغەکاو وەڵێنە، تەنیا و تەنیا دەسەڵاتداریی ئاکەپە-مەهەپەین.
ئادۍ گەرەکشانە بە کوشتەی بیاوا ئەنجام. کیاناشا و با بایسوو کوشتەیشا؛ دماتەریچ ملا بەخاک ئسپارایشا و پڕۊپاگەندۍ کەرا. خاسا وەلۍ تۊوەرپەرسنی، چی هەلومەرجی بۊچی کیانییشا پەی وای! دەینەکەش ئیان گەرڎەنتنە و سەروو جەنازەکایچشاوە هەڵسیی ساختۍ مجا و سیاسەت کەرا. بۍ ئانەی تەریقۍ باوە و شەرم جە وێشا کەرا، پێسە دووەڕوویی کەرا. وەرپەرسوو ئا دۊخەیە تەیب ئەرڎۊغانا، کەسی تەر نییا. ئینەیە بزاندۍ.
ھ . ش / س . ز
